討論階段嘅時候,你知道係藍白/綠輪流host會?
你見到嘅就係藍白host嘅時候,綠提散會動議
但係記住,綠係唔夠票嗰邊,所以一定唔會過
呢個純粹係拉布嘅行為
同埋點解要提散會?就係佢哋自己嘅修正案藍白唔理
藍白嘅就直行直過
到綠host會嘅時候,藍白係做返同一樣嘢提散會
但係藍白夠票,結果咪直接散會囉
仲要唔只一次,係五次
仲有一次開會
係黃國昌自己走咗去,藍白綠少咗白,朝野協商要直接散會
咁樣睇嘅話
藍白對於無效討論同協商,點睇都大責任啲?
拉布玩規矩唔係問題,反正都做開
問題係有係做好立法應該要做嘅嘢
退返一百步去睇,而家委員會係零討論
打包咗堆垃圾去二讀會
綠可以睇嘅只係嗰28個版本嚟出「再修正」
而藍白係主導嗰個(夠票吖嘛),個整合版「再修正議案」又係喺佢哋手
(仲要係唔知幾時先到綠立委手上面)
呢個資訊不對等,仲係咪有程序公義?
就好似藍白已經知到條essay答案8成,睇埋隔離位加返幾個point就可以交
綠就要睇住堆source嚟貼題,到開會先知道邊啲真係有用
而有用又同黃國昌一樣嘅,就會俾藍白「整合」,再落ref係「民進黨修正」
上面都講過,法案整體性好重要
你用我嘅版本,但係前後都駁唔埋嘅
又或者改嘅嘢大家一樣,你就落我個名
我做咩要幫你揹呢隻鑊?
另外,「再修正議案」係應該要有發言時間,然後再去「充份討論」
都係嗰句,藍白自己都知一定過,綠又一定唔夠票,唔好話咩討論喺度搞笑啦
黃國昌用得呢招「再修正」,同埋委員會嘅態度,已經講明無意思同你傾
綠咪40+40「再修正」加無限發言拉布
藍白加主席咪投票限制發言次數、舉手表決
最後,物理攻防藍白綠都有做
所以打和super
議會拉布同反拉布手段從來我都無意見
我個focus從來都係程序公義
同埋其他人會唔會答到法案內容問題未呀?
成日淨係喺度做綠營讀心師
無跟據嘅嘢真係無咁多時間覆
![](https://cdn.lihkg.com/assets/faces/dragon/eat.gif)