MPF強積金掃盲/ 表現討論 (6)

自己玻璃覺得比人串
就要捉人犯國安
要人死咁
到底邊個人格有問題

有保險基金狗比負皮

他日不幸比人拉左 勞煩各位寫幾封求情信啦

你減少緊香港基金公司貢獻GDP喎

離題
我想知有冇方法DOWNLOAD到佢個表

支持樓主, 我係其中一個俾你救左嘅
見到呢個PO時已經係(6)定(5)
不過因為好有養份, 我最後由(1)開始睇番晒 (我知仲有再舊D嘅不過冇追了)
中間對番D時間同個市上落狀態真係學到勁多野

之前一直傻下傻下用宏利, 公司明明有得俾我選都選撚左宏利
唯有而家開始每年一次半自由行
暫時搬晒去AIA, 美洲7, 全球3
公司果份含淚核心算(年資唔長暫時得好少錢)
另外自己有買指數ETF, 國債
其實MPF老屈大家參加係一個唔錯嘅投資起點
理解左佢背後運作同收費係幾咁ON9之後, 唔想蝕俾佢自然就會做正確選擇, 然後最後諗埋適合自己嘅投資portfolio

btw樓主時間寶貴, 唔撚好浪費時間落D傻鳩度

依個post 好有意義 可以睇到好多新手唔會留意嘅嘢
因為公司關係淨係可以用恒生強積金
嗰陣有少少鬥氣，將全部新投資掉晒落去美股基金
之後恒生出咗一隻自選追蹤美股指數嘅基金管理費低咗好多
你開始研究發覺恒生嗰隻嘢唔差喎
原來回報香港對比起其他公司算係名列前茅
同埋發現當你買啱基金嘅時候睇住個戶口不斷增長係有種好好既感覺
跟住近呢一年日本升到嘭嘭聲
恒生唔似宏利咁有得買日本基金
覺得好似錯過咗
但係再望清楚原來宏利嘅管理費咁貴
就係覺得情願放落原本北美嗰度仲好

真

有樣野唔係好明
如果呢家揀mpf日本基金，當基金入面買既股票股價唔升，
第時yen升返上去7算，咁我既mpf基金係咪都會升

假設基金係用港元， 美元計價， 實際渣貨都係當地交易所用日元結算， 所以日元升跌係會以港元美元計價基金單位價格

但如果你買嘅係日本xxxx基金（美元對沖）咁日日元貶同升都唔會太影響回報。 因為你已經做左對沖， 付出嘅係做對沖嘅費用

而根據強積金條款， 要求要有35%比例港元對沖， 你仍值會受日元升值貶值所影響， 不過幅度會較細

支持你好耐之前已經有追你post
加油

我見今年一月定二月個HSBC智優逸北美個profit變返0，但係多咗一對轉出轉入transaction

可唔可以評價吓信安管理費？

如果焗住用宏利
係咪唯有核心累積？

有冇人100%全倉aia美洲

AIA美洲基金係好野黎
係2021年6月中起佢踢走南美部份
根據佢每年公佈既週年報告，佢只係買緊SPY 同IVV，即係只買S&P500

強項: 計最近3年表現，佢已經比大貓智優逸北美好少少

弱項: 本基金並唔係追蹤指數基金架構。AIA美洲基金個寫法留左比基金經理好大空間，並唔係絕對一定係買S&P500，佢係可以係「核准緊貼指數集體投資」內揀唔同既基金，即係隨時可以改買其他野。只係佢近3年踢走南美部份後，報告都顯示佢係買緊S&P500既ETF，冇人知佢會唔會突然改。

亦都證明左，唔使搞咁多鬼野砌到個成份基金內包含有十幾隻基金同ETF，簡簡單單已經可以排中上遊位置

每年半自由行
唔想比吸血鬼賺就買核心累積

我有睇頭版，但100%全倉一隻叫唔叫有風險

之前我都講過，基本上差唔多隻隻股票基金都係升就一齊升，跌就一齊跌，其實想避都無得避

用HSBC

今個月頭睇啲表現都好爽，因為全部都係北美洲股票基金，而家已經冇咗幾個%

美國佬回調 避險嚟講係咪去曬保守？

係咁回調 輸番幾千蚊 係咪應該轉返保守基金好啲？

都係果句，除非你睇市好準，否則合埋眼唔好理

hsbc 整合mpf有現金回贈 準備轉哂過去