MPF強積金掃盲/ 表現討論 (6)

LM

12. 見識一下聲稱費用冇加冇減，係度玩弄管理費既仆街公司
係黎緊推行積金易平台下，積金局要求將節省行政費既錢要比返用戶，聲稱行政費部份可以減3成，最新數字係頭幾年可以減到行政費當中的36% (其實可能計總管理費減0.15%至0.2%左右)，但就係有仆街公司提早玩左手交右手遊戲。
https://lih.kg/tGLCwNX

13. 做個愛美國股票的中國人
首推，AIA美洲基金 (21年6月份後踢走左南美部份後，表現好貼S&P500，舊數據唔準確反映踢走南美後的表現)，相對適合長期持有，但唯一缺點係你要面對班人壽佬
其次係HSBC智優逸北美追蹤 (前自選美國股票)轉左同支銀一樣係追蹤富時MPF 北美指數，用HSBC既係冇必要將部份放係貴果隻北美主動式基金度，相對適合長期持有
再之後係景順美國追蹤指數基金，佢係買緊MSCI USA ESG Universal Screened UCITS ETF
信安800表現亦可以，但管理費方面真係差DD
其餘不建議選擇包括BCT 美國股票(我忍夠東方匯理班仆街)，宏利北美股票 (又貴表現又極端波動)，永明美國股票(暫時數據太少，需要睇到佢持有什麼成份再決定)，富達美洲股票 (又貴又係主動式股票，支人壽(離撚曬譜，成立短短時間就由鄧普頓富蘭克林美國機會基金轉左去買施羅德既基金，咁跳船對投資者近乎冇保障)

14. 目前5%供款是否足夠退休?
一直都想講下，究竟大家要儲幾多準備退休
我地又拎新加坡做例子，人地係僱員供17%，僱主供20%，即係合共37%供款；香港就係5%+5%
其實我相信大部份人都知加埋先供得10%係絕對唔夠退休

所以大家真係要好有自律既習慣，每個月另外拎最少10%作為退休儲備
，簡單講如果你25,000月薪，每個月你供款係僱員$1250+僱主$1250，最好你係你實際收到既月薪$25,000-$1250=$23,750，抽10%出黎即係$2,375出黎，月供低成本既被動式指數
我地拉返近睇返香港，個消費物價指數大家都覺得唔準，因為租金佔左好大比例，但實際生活你去個大快活，一年都加你2次價，買罐罐頭湯唔特價都加到$14.X一罐了
更甚係疫情前叫雞價錢，大陸酒店雞疫前開$1,200-$1300，而家普遍都開到$1,600，即係4年間加價高達33.33%，非常嚇人!!!
所以我提倡減非必要消費，多投資而非儲現金，係尋求股票增值及每月產生被動收入之間分配好

15. 自行投資有咩好推介
其實最便宜既做法係去IB開個戶口，投資倫交所掛追蹤美國或環球既ETF，係涉入美國股票的股息稅方面你可以節省15%，另外亦不用面對你突然過身，美國政府抽你遺產稅風險。如果你唔想煩，亦沒有打算移民，你可以開一個SVC特別自願性供款戶口，一樣做到資本值效果

16. 切勿手多、手多同埋手多
投資股票市場，你要接受市況波動，另外亦唔影響過份受不同媒體財經新聞影響，好多時你接受到既資訊，已經係3-4手訊息，你先黎調倉其實已經係水尾高追，成績自己唔理想。有時要堅持投資計劃都唔係一件易事黎

LM

中銀保誠美股mpf點睇？

建議樓上下個 post 加返呢個取消強積金對沖的FAQ


1. 取消強積沖轉制日為2025年5月1日
2. 轉制日前糧期的僱主強制性供款，在轉制日後仍然可以用以對沖遣散費/長期服務金（不論有關供款是否在轉制日後才作出）
3. 轉制日後糧期供款戶口的僱主強制性供款不可對沖遣散費
4. 如僱主有在供款戶口作出自願性供款，不論有關供款是屬於轉制日前糧期還是轉制日後糧期，仍然一概可以對沖遣散費/長期服務金 (https://www.op.labour.gov.hk/tc/abolition-of-the-offsetting-er1.html)
5. 遣散費/長期服務金的年資計算方式會改變，分為轉制日前同轉制日後兩部分。轉制日前年資係以轉制日前最後一個月人工計算遣散費/長期服務金，轉制日年資後才是以按原有規矩以受僱最後一個月人工計算遣散費/長期服務金。因此實施取消強積沖後，僱員可得的遣散費/長期服務金取消對沖前少。 (https://www.op.labour.gov.hk/tc/abolition-of-the-offsetting-er3.html)

(字眼更正)
建議樓主下個 post 加返呢個取消強積金對沖的FAQ

1. 取消強積沖轉制日為2025年5月1日
2. 轉制日前糧期的僱主強制性供款，在轉制日後仍然可以用以對沖遣散費/長期服務金（不論有關供款是否在轉制日後才作出）
3. 轉制日後糧期供款戶口的僱主強制性供款不可對沖遣散費/長期服務金
4. 如僱主有在供款戶口作出自願性供款，不論有關供款是屬於轉制日前糧期還是轉制日後糧期，仍然一概可以對沖遣散費/長期服務金 (https://www.op.labour.gov.hk/tc/abolition-of-the-offsetting-er1.html)
5. 遣散費/長期服務金的年資計算方式會改變，分為轉制日前同轉制日後兩部分。轉制日前年資係以轉制日前最後一個月人工計算遣散費/長期服務金，轉制日年資後才是以按原有規矩以受僱最後一個月人工計算遣散費/長期服務金。因此實施取消強積沖後，僱員可得的遣散費/長期服務金會比取消對沖前少。 (https://www.op.labour.gov.hk/tc/abolition-of-the-offsetting-er3.html)

屌，原來勞工署篇文我調轉左黎理解
成篇錯晒

（完全更正版，強積金僱主供款係唔分改制前改制後）
建議樓主下個 post 加返呢個取消強積金對沖的FAQ

1. 取消強積沖轉制日為2025年5月1日。
2. 遣散費/長期服務金（以下一概稱為遣散費，遣散費一詞亦包括長期服務金）的年資計算方式會改變，分為轉制日前年資（以下簡稱為轉制前遣散費）同轉制日後年資（以下簡稱為轉制後遣散費）兩部分。轉制日前年資係以轉制日前最後一個月人工計算遣散費/長期服務金，轉制日後年資才是以按原有規矩以受僱最後一個月人工計算遣散費/長期服務金。因此實施取消強積沖後，轉制日前已經開始受僱的僱員所可得的遣散費/長期服務金會比舊有計法為少。 (https://www.op.labour.gov.hk/tc/abolition-of-the-offsetting-er3.html)
3. 轉制前遣散費於轉制日後仍然可以用強積金僱主強制性供款對沖，不論有關供款是轉制日前還是轉制日後作出。轉制後遣散費則不得以強積金僱主強制性供款對沖。
如僱主有在供款戶口作出自願性供款，不論有關供款是屬於轉制日前還是轉制日後，仍然一概可以對沖遣散費/長期服務金，不論是轉制前遣散費還是轉制後遣散費。(https://www.op.labour.gov.hk/tc/abolition-of-the-offsetting-er1.html)

一言以蔽之， 取消強積金對沖唔係指供款 cut off，而係指年資 cut off
轉制前的年資係仍然可以用強積金對沖，不論有關供款是轉制前還是轉制前

nplm

Lm

AIA同hsbc expense ratio一樣，點解會首推AIA？

BTW睇佢基金說明書，佢係好似BCT咁可以自由揀選核准指數計劃，至少兩個，唔算真係完全被動

我自己北美同歐洲各一半，而家諗緊好唔好北美個比例供返多啲

LM

如果預期擔心美股遲啲跌
轉保守定債會比較好(HSBC)

BCT50%世界50%美國會唔會好戇鳩

50%香港 50%美國 喇

留名

lm

其實債券基金實際上係咩操作? 玩得債券就係等到期收息, 但D表現係可以跌 理論上到期會收得番面值, 咁D息又去左邊

Lm

去左交管理費

仲有現金同匯率升跌
btw 債價都有起伏既