首先，並唔係上面巴打所講既「觀察前100% wave，之後100%粒子」，量子力學由頭到尾都只是講緊wave function（即係一個描述粒子係咩地方出現的概率的數學function）。
而如果你問點解塊板分布會變左，物理學家會答你因為wave function唔同左，而「點解」唔同，其實量子力學唔關心呢個問題，因為根本無可能知（即所謂哥本哈根詮釋）。
當我地射粒光子向兩個slit，呢粒光子既wave function係任何地方都有一定概率，換句話講，光子抵達屏幕前係以概率形式「存在」於整個空間（或可換個角度講，佢「消失」於整個空間），所謂interference係數學上既interference，僅此而已，量子力學並無解釋實際上點樣「穿過兩個slit自己interference自己」，僅僅係一個數學描述。
留意返，物理學家就咁就滿足了，因為已經有一條完美地描述呢粒光子既行為既數學function，人類係無得再問點解的，光子發射後、抵達屏幕前發生咩事，係無可能知。
重點係，上面呢句無可能知，唔係技術儀器唔夠勁既問題，而係理論上既無可能知，因為人類係宏觀既生物，我地「知道」其實等於以某種宏觀既方式測量，咁粒光子就已經唔再係wave function本身所描述既概率。
所以，當我地擺一個detector係個slit度，等於係個slit果個位已經宏觀地測量左，個wave function 就自然變左，因為依家係100%穿過個slit（即所謂collapse，由整個空間都有概率變成得一條path係100%其他0%），咁本身要彌漫於整個空間先會產生的interference就冇左，波紋亦都消失。
換個簡單d但唔係完全準確既講法：並唔係觀察前就波，觀察完就變身做粒子，而係粒光子以微觀形式穿過slit（即wave function），定還是以宏觀形式穿過slit（即slit安裝宏觀detector後100%穿過slit），微觀形式有interference，所以有波紋，宏觀形式無得interference，所以冇波紋。呢個亦係波粒二象性既真正解釋，二象性唔係講緊你望唔望佢既分別，而係微觀同宏觀既分別。
我慢慢再理解下
