【護膚品選購攻略】你宜家用緊嘅產品係咪真係啱用？（4）

今晚番去爬下舊po睇下有冇野要加仲

真心推呢隻
洗完好乾淨舒服
唯一我唔鍾意嘅就係佢有d綠豆粒粒
如果冇嘅就完美

常見問題

課金新護膚品之前有咩要注意？

當地有實體舖嘅建議買之前實測，費事唔啱用嘥錢
有得即場問或者上網登記攞試用裝就攞番屋企試幾日，冇就舖頭樣版搽耳背、頸、或者手踭內側
第一次用最好買細唔買大，旅行裝就算唔啱用都冇咁肉赤
網購盲買揀番美國亞馬遜、iHerb、Sephora、Lookfantastic、或者品牌官網呢啲有信譽嘅平台，出現過敏反應影低相搵售後會有得安排退貨退款
代購、Carousell、Sasa卓悅水貨就冇售後可言，有效期限同埋正貨都冇必然保證

買咗新護膚品點用好？

如果成分有酸、維他命C、或者維他命A，建議一開始隔日使用，過一個禮拜先每日用一次，再過多個禮拜適應咗就可以早晚搽
中途有唔舒服就暫停使用直到恢復正常，然後由頭重複以上步驟
每次加入新護膚品最好相隔至少三日，比肌膚時間適應降低刺激性
如果之後出現過敏都可以準確鎖定產品，唔會撈亂分唔清

搽新護膚品爆瘡爛面係咪正常？

有兩個可能性，對成分敏感、或者代謝緊底層粉刺
要睇番你用新護膚品之前皮膚個底係點樣
爆瘡位置本身平滑冇老廢角質，之前都好少生瘡就係敏感
生瘡範圍喺搽嘢之前本身就有暗粒，之前間唔時都會有出痘痘就係代謝作用，持續搽落去一至兩個禮拜就會好轉

點解搽咗新護膚品一排都冇咩分別？

皮膚更新週期28-40日不等，要搽夠一兩個月先可以作準
每個人對唔同成分嘅反應都唔同，如果搽咗成支都冇改善就建議轉用另一種有相同功效嘅活性成分

Differin 0.1%邊度有得賣？

香港任何Rx藥房，$160-180 30g

爆緊荷爾蒙瘡、濕疹、癬、或者玫瑰痤瘡，搽咩好？

去睇醫生
唔好信護膚品Sales，都唔好信美容院
家用護膚品只係用嚟維穩保養，冇治療作用
病情減緩穩定後先再討論搽啲咩產品

唔喺香港可以點醫暗瘡？

加拿大巴絲可以使用Felix線上處方服務，英國就Dermatica，美國就Curology或者Apostrophe

水楊酸可唔可以同維他命A一齊用？

通常建議早晚分開搽，敏感肌就隔日分開
耐受性比較高嘅可以搽完水楊酸半個鐘後搽維他命A，耐受性更加高嘅就可以喺水楊酸吸收咗之後直接搽維他命A

冇甩皮係咪維他命A冇用？

爆拆甩皮係不良反應、係副作用嚟，唔應該出現
設計得好嘅配方會喺抑制副作用嘅情況下做到理想療效
判定維他命A究竟起唔起效嘅標準係暗粒粉刺代謝情況同埋皮脂分泌量

搽酸搽維他命A搽到爆拆，又紅又乾又痕點算好？

首先即時停用所有酸同維他命A
早晚清水洗面，簡化護膚，用【修復篇】嘅低敏產品保濕
出門搽物理防曬、戴帽或者儘量留喺室內
皮膚好番曬先再重新逐啲搽酸同維A，由少量、低頻率用起，平時加強保濕可以避免不良反應

早C敏感點算好？

維C唔耐受係好常見，唔需要盲追早C晚A嘅行銷手法
搽啱產品一樣可以有靚皮膚，想抗氧化有Q10、維E、超氧化物歧化酶、阿魏酸好多唔同低刺激選擇，美白仲有熊果素、傳明酸、壬二酸等等

護膚品可唔可以去凹凸疤去皺紋？

有一定改善，但只係輕微程度
嚴重凹凸疤請諮詢醫生進行激光治療，深層皺紋請尋求Botox或其他醫美手段
目前冇護膚品完全做到所謂外用肉毒素或填充針，有都只係商家行銷文案

點樣分靜態紋同動態紋？

多重透明質酸精華水濕敷十五分鐘後會消失嘅係靜態紋，痴過夜淡紋貼膜第二朝瞓醒唔見嘅係動態紋
淺層靜態紋參照【煥膚篇】可以改善，深層靜態紋要做醫學深層煥膚、微針或者打填充針，動態紋要打肉毒素

眼霜有咩推薦？

大部分眼霜只係縮細容量賣貴幾倍嘅面霜，非特殊情況面霜搽埋眼周已經夠

黑眼圈同眼袋搽咩好？

首先要分析黑眼圈成因，色素沈澱、循環不通、炎症、定結構問題
色素型可以搽【美白篇】產品，循環型搽咖啡因同按摩會有幫助，鼻敏感要睇醫生，結構型要做醫美
已經成形嘅眼袋只有醫美可以逆轉，護膚品只係維穩同預防性質
鬆弛型眼袋可以搽維A阻止繼續惡化，單純水腫搽咖啡因同按摩可以緩解

點樣護理嘴唇？

透明質酸同胜肽可以搽埋嘴唇會水潤豐滿啲，維他命C同美白精華搽唇都可以用嚟減淡唇色
臉部酸類、去角質、維A產品唔可以搽嘴，要用番唇部專用磨砂
最後一步一定要用封閉性產品鎖緊精華，例如潤唇膏或者凡士林
凡士林會越搽越乾係因為個底本身唔夠水，擰實個水樽蓋之前要倒滿水入去
搽埋唇嘅產品一定要安全低敏低刺激，無酒精、致癌物、不良防腐劑、危險添加物
當然其實搽臉嘅嘢本身最好都符合呢啲條件

美容院院線專用護膚品好唔好？

有歐盟、FDA、日本厚生勞動省、或者其他可信機關認證產品臨床療效就冇問題
無論係美容院療程中搽嘅、定係帶番屋企用嘅，都要留意番係咪正廠原包裝
歐洲、美國、日本法例都有規定上市護膚品一定要列明全成分，如果外包裝同產品本體都搵唔到，就有機會係某國山寨貨套上外國皮掛羊頭賣狗肉
不明三無產品有機會含有激素、重金屬、或者其他危險成分，千祈唔好搽上臉

點解搽護膚品會出擦子膠碎？

有幾種可能性
1. 唔同牌子護膚品嘅基質打交，最好用番同一個牌子或者集團產品
2. 太多死皮積聚，要做番好去角質
3. 用量過多搽得太厚，睇番【要搽幾多先有效？】
4. 搽嘅次序唔啱，睇番【基本護膚流程】
5. 上一隻未吸收就搽下一隻，要比啲耐性，或者轉用多合一產品一步搞掂
6. 搽嘅手法太粗暴捽甩鎖水膜，對自己輕柔啲

點解已經日日敷紙膜都仲係又紅又乾？

過度濫用紙膜會破壞正常角質結構減弱鎖水能力，越敷越乾燥
日日敷紙膜等同日日浸浴浸成個鐘浸到皺曬皮，皮膚乾紅本身就唔適宜成日掂水
乾肌建議敷乳霜面膜補充油脂，一星期3-5次就夠
另外紙膜喺面膜產品中含有最高防腐劑量，大包裝紙膜尤甚，敏感肌少敷為妙

我應該今晚就可以喺連登整合完，post曬啲link出嚟
到時如果村巴你方便就麻煩你更新excel分享比大家

不過我啲整合係開追故（自己）模式
所以其他巴絲一啲有用留言同分享可能會錯過
村巴你享受爬文都可以去睇下舊po，一直以嚟連登嘅巴絲都令我好大得益
尤其是牙志令我荷包好大損失

終於有non beauty beggar推
真實review先信得過
你係咪油肌

講真我唔敢搽濃度高嘅vc
好驚刺激到皮膚
冇追求更好嘅膚況
只求唔好再敏感半年先好返

只係一枝sofina咋喎

搵啲無VC得NIA + TXA嘅簡單產品會冇咁易敏感

可見嘅將來

我應該混合啦
t zone徧油
呢枝洗嘅時候你feel到佢係好天然
唔係d人工味
泡都豐富
不過唔係皂基所以d泡唔會勁綿密挺身果隻
洗完舒服
卸唔卸到妝就唔知
缺點就係有綠豆粒粒（不過唔會好多嘅）

仲有成櫃野等住用

牙志如果冇女朋友可以用嚟釣絲打
「上嚟我屋企試下啲護膚品」
好用過「上嚟我屋企撚貓」

@hugo1991
牙志可摸耳比我上你屋企幫你清存貨

plz pm me @hugo1991

呢個籍口好弱雞

可以

好誇張
見到都有啲焦慮 怕唔怕趕唔切喺有效期內用?

早一排收禮物 囤多咗面霜我都頂唔住
拎咗啲無咁貴嘅嚟搽手手腳腳

可以試下arbutin轉其他VC/美白精華
https://lih.kg/AycDdnX
早晚用D Program Balance Care Lotion或者Aqua Label Balance Care Lotion Moist幫補下去角質同美白

牙志用嚟釣美容台絲打

有少少焦慮呀
過期唯有搽身啦

屋企太多野用唔買住
我都係囤貨撚嚟

我缷妝洗臉分開
唔一定揾二合一用

我都差唔多
仲要一堆一模一樣嘅野

妳搓搓佢
睇下啱唔啱用
又唔係pola價錢