終極懶人包
鑑於Yuki 已經離開左好耐,冇過問太多,只係係自己2隻貓個ig story post
琴晚米紙開台2週年邀請左CEO入嚟傾計
作為發起人、開台元老嘅Yuki就暗示個CEO並唔係中途加入,而係開始無耐就透過當中一個成員慢慢滲透入黎,到佢開台半年因為私人理由請辭後,就唔知幾時開始坐正。
————————————————————————
開台元老
Yuki (已走)
Ruby
Fiona
Sybii
由來同問題
1. 作為元老,Yuki 開台係想做民生故事嘅專題傳媒,唔求賺大錢。
2. 引入CEO 果個成員都不斷話初心,但係中途就同成員講有「朋友」專職SEO (search engine optimization) 可以幫個台吸引多啲收視,然後就開咗個group,引入呢位「朋友」做顧問,有咩題目都會諮詢佢意見。
3. 呢位「朋友」後期直接話冇睇過片,好難比更好嘅意見,變相係介入左製作過程,做審查、過濾、甚至係指導方向。
4. 有一次擺市集,引入「朋友」果位成員係完咗之後突然自言自語話想賣香薰蠟燭。問題係佢哋擺市集賣嘅都本土小店、民生野,同佢哋做嘅故事有關。但香薰蠟燭係完全唔關事。
5. 第二次擺市集,Yuki 已經離開左,但佢哋果然有賣香薫蠟燭。原來貨源係果位「朋友」。
6. 其他成員,唔知咩原因都覺得有呢「朋友」冇乜問題、又或者冇意見。
7. 有次可能佢哋內部開會,有位成員(可能係引入「朋友」果個)突然攞咗試當真嘅收費表出嚟。
7. 然後突然,「朋友」已經晉升做CEO
————————————————————————
問題
1. 如果「初心」係民生小店本土,點解個台愈來愈商業化?仲試圖將自己打造成可以同試當真收費媲美嘅「媒體」。
2. 果個成員係開台無耐就不斷滲入「朋友」,仲要好信任佢,但問題係個台佢無份,點解要比佢指指點點?又咩原因咁信「朋友」?
3.果位「朋友」本身就係生意人,唔係傳媒,價值同佢哋個台係唔同,一個為賺錢,一個為故事、紀錄。引佢入嚟係有衝突。