炒幣輸左一年學費 之後追番你問我答

呢張單已經平倉走人，以下係開單邏輯：
啱啱就住E M A系統開咗張多單並係藍色箭嘴處止盈，不過我做多嘅係BTC，而張圖係ETH雖然會有少少分別，但係止盈地方差唔多。 喺大概前高位置，出現假突破並快速打回（紅色箭嘴），有睇個市嘅應該知道啱啱上前高嘅時間係好短，好迅速，證明多頭係強勢，但係咁強嘅多頭力量都被快速打回證明上方賣壓非常之強，因為我食緊飯所以入場時間遲左少少大概係綠色箭嘴處。而家已經止盈。止盈理由：達到咗E M A 120喺我系統EMA 120可以話係一段上升趨勢嘅最後防線，所以亦都代表着最強嘅支撐位，一般要擊穿需要一啲利空嘅新聞面同埋一旦擊穿上升趨勢可能就會改變。再加上EMA 120同支撐位非常接近（藍色線），亦都係先前多次插針嘅位置（黃色圈），所以我認為呢個位置嘅支撐係比較強就平倉觀望先，今日呢兩張單加埋都千幾U已經足夠了

咁你唔使訓，trade 足24小時？

你嗰啲只係叫未平倉虧損，即係浮虧
其實你要利潤多，同埋全倉一樣
要低位嗰陣時買 Long 網格
仲要留意番網格高度要適合嗰隻幣

lm學野

當然唔係 瞓覺八個鐘都係睇少兩條k啫，其實係每日起身就會讀盤，睇吓呢一日有冇潛在機會，有嘅話就會特別留意冇嘅話可能成日都係睇三四次

我套系統係用ema30 60 120 藍色紫色橙色

巴打 新手可以點入手無從入手

黎緊有咩睇法

明天十分關鍵公布CPI同埋大非農。
過往我會炒CPI ，公布嗰一刻低於預期低於前值即刻入場，可以話係送錢行情，但係上個月CPI大幅低於預期正常係大利多新聞，但係個市場係冇郁過咁滯，所以我今次應該唔會好似之前咁炒，今次應該避開算，因為今日會跌係因為細非農，聽日大非農都唔會好睇，所以好難講應該唔做。
不過值得關注，佢而家大盤喺重要支撐位，如果聽日嚟個利空新聞直接打穿重要支撐咁之後就應該好慘了

#354 有條link 新手真係有心學嘅睇晒佢

補充番低於預期低於前值係做多
高於的話就相反

睇下橫盤邊啲位跌極都跌唔落，嗰度咪支撐

CPI 合乎預期低於前值，屬於小利好消息，但係同我講一樣市場好似已經炒厭咗CPI，個市上咗少少之後就冇乜反應

不過好彩唔係利空消息，應該可以企得穩30,000支撐位

簡單嚟講係正確

係嘅話就新一波行情喇

我淨係識咁簡單咋，歡迎巴打講多啲

巴打做交易越簡單越好，所謂大道至簡！容易執行嘅策略，知識咁先可以再花多啲心機去管理，最緊要既心態

有少少嘢可以補充：支撐同壓力係可以互換的，當價格突破壓力，壓力會變支撐。當價格下破支撐反之。
而越多驗證既支撐或壓力就越有效，可以睇返幅圖BTC係30000左右嘅位置，約略數都有六點驗證，即係大概有六次下跌到30,000但係最後都上返去。而呢啲咁強既支撐通常就要有一啲新聞面先可以擊穿，所以點解我話今日嘅CPI同非農非常關鍵，若果係利空新聞直接擊穿30,000咁呢一個強支撐就會變成強阻力，咁就慘了，會落去搵27xxx左右。
同樣道理，31347都係強壓力，可以見到嘗試四次挑戰都失敗，呢啲都係要帶一啲新聞面先可以擊破，個人認為近期最有潛力嘅新聞就係Sec通過btc現貨嘅ETF，佢地下個星期會再開會傾，一旦上破呢一個強阻力，亦都會變成好可靠嘅強支撐，踩住呢個支撐上方空間非常大好大機會可以上到35,000左右。

當你而家橫行區間底部開，止蝕放最長針針底，7倍現價開，29300止蝕，中止蝕都要輸18%，其實都好多下

樓主一開始明明話係用20ema 40ema 60ema做指標，之後又改咗做30 60 120，究竟邊個先係，想學吓你個策略

唔好意思係 30 60 120先岩

你有睇我點樣做倉位管理會明，唔會輸咁多
同埋如果見到有price action先開勝率有8成，止損都唔需要set到最長技針，同埋止損要set到最長枝針其實冇盈虧比可言

支持！路過一推

樓主今日有冇咩方向