炒幣輸左一年學費 之後追番你問我答

不過槓桿大時, 你d止損位會秒速比玩走

即係你冇睇到我166樓囉

都係嗰句睇咗166樓你就明。
其實槓桿對我來講，係冇分別

每一大段字我都好用心打認真睇吓啦睇完你有啟發又可以發表下，大家又可以交流下

因為冇相反方向嘅order俾你出貨
通常都係有消息先出現呢d情況

巴打你咁後生就會咁諗真係好
希望你多啲分享知識，大家一齊努力

利申 519前入坑目前仲輸緊，嫌現貨周期太慢近幾個月開始玩合約

師兄用開邊間交易所會出現呢啲狀況？
基本上一線交易所一定有做市商提供流動性，除非你話幾千萬U咁就有可能有呢個狀況

sorry 我本身意思唔清楚，係高波動時散户d單排係尾咪會gum

但係討論呢d 0.01% case 有咩意思

Bybit 之前KYC 咗仲開到合約

OK，咁係到講都好，已留名

呢啲就真係啲黑天鵝事件時有機會發生

咁咪最好 又唔使vpn 最方便

大家有興趣既 可以一個月update一次倉位

我會！呢個圈子好多野想話比大家聽，遲啲想介紹下一個人叫肥宅比特幣，佢由20萬人仔炒到2億，唔靠技術只靠心態。唔知大家有冇興睇

師兄要賺錢千其唔好嫌慢！耐性真係好重要，呢個市24小時開，4年一狂牛，大把機會，缺既從來都係子彈唔係機會，能留子彈到機會嚟時已經跑贏8成人，大部分人機會嚟前，已經冇曬子彈或輸都仆街亦都冇信念去捉住機會。

就好似我上面啲分析不斷強調個信號要夠強先會入場，唔會見到啲潛在信號就去馬

有嘢學就乜都睇 坦白講中國嗰啲技術分析真係冇香港嗰啲老千味咁濃

你都講得啱，哩個時勢定投儲下幣等牛市到真係實冇死錯人

不過大幣漲幅有限，20萬最多變100萬

風險同回報一定係成正比，大幣最穩講真係冇腦賺錢，風險低回報自然低，有能力研究啲幣既背景既咪埋伏下啲altcoin，但記住冇呢個能力就乖乖地玩番btc，eth。有時候咩能力既就賺番對應既錢，不自量力既最後下場就破產。
利申下年狂牛睇好arb，不過大家真係要do your own research 唔好諗到冇諗就跟我，你又點知我唔係個個不自量力既人呢？

呢個我認同，睇左咁耐真係未遇到個我覺得有料既本地人，我大部分知識都係係大陸啲人學番嚟。
我哋本地個啲就日日吹奏jpc。唉

不過有時幣背景+技術好，唔等於佢價格一定升，多人用個幣價都可以係谷底

成班收晒錢日日喺度打擊其他交易所
一係就造神整啲明星效應

洗腦洗得好勁架佢地，班中年人乜都唔識，信晒班KOL介紹JPC

真心覺得攞住幫大家認識新技術區塊鏈嘅名號不斷sale JPC嘅KOL最撚可恥。
佢哋根本care嘅嘢係呃啲唔識嘅人不斷入金，原本唔識嘅人都唔會變到識，佢哋都只不過以為係一項投資產品，唔會明白背後嘅原理亦都叫唔醒。
而家香港嘅風氣就已經係覺得Crypto係scam，到時候去到爆煲一刻就會有更加多受害者認同呢個觀點，圈外人亦都唔會深究啲乜嘢，只會跟着個風氣繼續笑鳩我哋。所以呢班KOL根本冇為呢個圈子貢獻啲咩，反而係蠶食緊，真係好撚可恥。
利申：有friend喺嗰間加密豹番工，嗰度上堂嘅人全部都係啲阿叔阿婆，上堂嘅時候淨係會教你開戶同埋買JPC。過程中會不斷派錢根本唔關乜嘢投資交易事，但係班阿婆因為有錢收第二日就會攞住幾十萬幾百萬自己啲棺材本all in JPC。
當全世界到布局緊Crypto香港係會因為呢班KOL退步一大截。

咁其實100蚊10x同10蚊100x 個倉位價值係一樣輸既錢都係一樣只不過%唔同