［冇圖］睇左好多年聖經 你問我答（8）

明明聖經無話過耶穌之後無先知，但樓主無視聖經教導，喺到長篇大論講同聖經打對頭。
想知反對聖經嘅樓主點解呢節聖經？耶穌之後真係無先知？

使徒行傳:11:27 當那些日子，有幾位先知從耶路撒冷下到安提阿。

Ἐν ταύταις δὲ ταῖς ἡμέραις κατῆλθον ἀπὸ Ἱεροσολύμων προφῆται εἰς Ἀντιόχειαν:

使徒行傳:13:1 在安提阿的教會中，有幾位先知和教師，就是巴拿巴，和稱呼尼結的西面，古利奈人路求，與分封之王希律同養的馬念，並掃羅。

ησαν δὲ ἐν Ἀντιοχείᾳ κατὰ τὴν οὖσαν ἐκκλησίαν προφῆται καὶ διδάσκαλοι ὅ τε Βαρναβᾶς καὶ Συμεὼν ὁ καλούμενος Νίγερ, καὶ Λούκιος ὁ Κυρηναῖος, Μαναήν τε Ἡρῴδου τοῦ τετραάρχου σύντροφος καὶ Σαῦλος.

使徒行傳:21:10 我們在那裡多住了幾天，有一個先知，名叫亞迦布，從猶太下來。

ἐπιμενόντων δὲ ἡμέρας πλείους κατῆλθέν τις ἀπὸ τῆς Ἰουδαίας προφήτης ὀνόματι Αγαβος,

點睇聖經話耶穌基督嘅教會係由有使徒權柄嘅人先可以組織，而世界有超過一半以上嘅基督徒都相信緊同一原則。
但樓主口講信聖經，但行為就無視聖經，喺到開連登堂，係咪想挑戰上帝嘅權威，想做埋上帝個份？

馬太福音:16:18 我還告訴你，你是彼得，我要把我的教會建造在這磐石上，陰間的權柄，不能勝過他。〔權柄原文作門〕

哥林多前書:12:28 神在教會所設立的，第一是使徒，第二是先知，第三是教師，其次是行異能的，再次是得恩賜醫病的，幫助人的，治理事的，說方言的。

以弗所書:4:11 他所賜的有使徒，有先知，有傳福音的，有牧師和教師。

好耐冇見，say 個 hi，仲記得你

hi
少少更新
個耶證姨姨都係每個星期六黎一次我屋企搵我講經,尋日講以利亞同另一個唔記得名嘅人施行神跡,一個係復活個朋友,一個係復活一位收留佢嘅婦人嘅兒子
不過下禮拜唔黎,因為佢話要飛去LA參加耶證大會,我而家住緊NY,我心惗飛咁遠過去到底有咩大會咁緊要

老實講已經少少無興趣,同埋太花時間 佢黎講完一個鐘,仲要我用時間去睇其他文章,本身我有自己生活


同埋原來我有個親戚都係耶證,仲同個姨姨係朋友,上星期邀我去聚會,我唔好意思推個親戚所以去左

唔會有下次,我唔知係唔係其他教會都係咁,佢流程就係:
西人嘉賓講野→有人逐句翻譯→下個環節係換主持人講另外一本野叫「守望台」→問台下人一啲問題,但我覺得佢地個思考模式已經係信嗮本野,因為係無人反對,而且啲問題都係引導性質 然後都係繼續講下問下咁 環節途中會唱下聖詩,好鬼難聽

成個流程係悶到傻,無咩思考空間比你,我又唔敢咁多人面前質疑佢啦,完左之後仲要勁多人過黎同我打招呼同握手,尷到傻

個親戚今日再問我我已經即刻拒絕左

嘩竟然係咁，多謝你分享，耶證聚會原來係咁，大開眼界

起我底可以參考下我由少少細到大返過既教會模式（6月11日果個係偏向自由style 例如浸信會，7月9日果個係偏向禮儀style 例如聖公會）。重點係，點都唔會講講下聖經拎第二本野出黎。如果返實體教會，每一個拎到時間出黎既牧者都任問。（我個身份而家有少少特殊，係牧者同平信徒中間，不過都係任問。）


以利亞一出場果下串到飛起，神教佢學謙卑，叫佢比烏鴉養，又叫佢比窮寡婦養（果陣時，寡婦即係完全冇收入、等人養既人），之後窮寡婦個仔病左，越病越重死埋，以利亞冇晒乎，唯有謙卑咁求神救返窮寡婦個仔。（列王紀上17章）

另外復活個朋友，太少資料唔肯定
淨係諗到耶穌使拉撒路復活（約翰福音11章），保羅使年青人猶推古復活（使徒行傳20章），以利沙（唔係以利亞）使書念地既有錢女人個仔復活（列王紀下4章）。

應該係耶穌復活拉薩路 我記得係山洞,已經死左過左4日, 同埋旁邊有人話驚臭

訂正翻,個聚會係無人攞過本聖經出黎,係本「守望台」講講下會引用幾節咁

沉咗無答，只好再問
樓主多次引用
使徒行傳5:33-39
//33 那些[反對使徒的]人聽了都怒氣沖沖，想要殺他們。 34 但有一個法利賽人，名叫迦瑪列，是全體民眾所尊敬的律法教師*；他在公議會中站起來，下令把這些人暫時帶到外面去， 35 然後對眾人說：「各位以色列人*啊，你們應當小心處置這些人*。 36 因為從前有丟大興起，聲稱自己是個了不起的人物，*附從他的人數，約有四百；他被殺以後，跟從他的人全都散了，歸於無有。 37 在他之後，戶籍登記期間，又有加利利人猶大興起，煽惑*民眾跟從他；後來這個人也死了，跟從他的人全都四散。 38 現在，我告訴你們，不要管這些人，隨他們去吧！因為他們的計劃*或行動，若是出於人，就必定失敗； 39 若是出於神，你們就不能使他們失敗，恐怕你們倒是與神作對了。」//

可唔可以答到點為之失敗呀？失敗指緊人數少？要完全解散？
世界咁多唔同宗教都仲有人信緊，無解散過，仲好多都規模大過新教，咁係咪即係相對上人數少嘅新教係失敗咗，係出於人？

我之前都係聽人轉述，原來真係唔係浪得虛名

咁實係喇。

猶太人既習俗，好既墳墓就係山洞，攞個屍體連埋幾十kg香料包到實一實放入去，靚D既墳墓出面就有舊大石封住，要成隊人先推得郁。

一個山洞都唔細，淨係一個人用就太浪費，所以成家（甚至更多）人都用同一個山洞，所以佢地講死既委婉語(euphemism)唔叫「香左」，又唔叫「釘蓋」，而係會叫「返去祖先果度」（例如 創世記25:8，25:17，35:29，49:29，49:33）。

馬大/馬利亞兩姊妹，連埋細佬拉撒路，都係耶穌親愛既朋友。拉撒路病左，兩姊妹搵人叫耶穌去醫。佢地兩個城差3 km都冇（11:18），唔慢慢行既話，一個鐘頭都唔洗就到。

點知耶穌特登唔去住，等多2日，係要等到拉撒路死左之後先去。仲要同門徒講句「拉撒路訓左，我去叫醒佢先。」（11:11）佢地講個「訓」字，可以有死既意思，因為佢地相信末世既復活，死左就好似訓左咁等到時起身（帖撒羅尼迦前書4:15）。不過班門徒已為拉撒路真係訓左覺

好啦，去到喇，兩姊妹對住又係朋友又係老師既耶穌，冇理由冇禮貌咁話「搞錯呀，咁耐先黎，死左你先黎，遲唔遲D呀？」，而係含蓄咁講（同一樣野）：「如果你一早係度，我細佬就唔洗死喇」

耶穌照去墳墓叫人拎走門口舊大石。有成班人去兩姊妹度，應該係講緊猶太人既哭喪習俗：死左人要係咁喊，死者家人通常自己喊唔到咁長時間，於是就有請人返黎幫手喊（專業黎，又可以比較下華人白事都係有一大堆人負責做唔同既野）既習俗。越有錢就請到越大班專業喊包（明明係喪事唔知用sosad適唔適合）當然喪禮都有人唱歌（傳道書12:4）。Anyway 點講都係耶穌喺拉撒路喪禮期間過到去。

拉撒路家姐馬大：「死左4日臭架喇喎，唔好喇掛？」其實上文11:21-27對答入面，馬大仲講到好有信心咁：「我信你就是那要到世上來的，是基督，是上帝的兒子。」
原來耶穌想比佢地睇到既，唔係耶穌摸下拉撒路然後佢病好，而係「那死了的人就出來，手腳裹著布條，臉上也包著布。」（11:44）

五花大綁、死左既人行左出黎，仲要人幫解開。成堆人睇住，分分鐘幫佢解果個就係幫佢綁果個（呢樣係靠估，不過一條城外既村又真係住唔落好多人），唔知有幾震撼
講到黎呢個位，耶穌未去之前果句「耶穌聽了這消息就說：『拉撒路的病不至於死，而是要榮耀上帝，並且使上帝的兒子因此得榮耀。』」
原來講緊復活既榮耀。原來神冇搞錯到。神幾時都冇搞錯。

約翰福音11:25
//耶穌說：「我就是復活，就是生命。信我的人，雖然死了，仍然要活著；//

btw 我唔肯定既原因係因為你唔記得名，原來係耶穌＝「耶和華拯救」（馬太福音1:21），即係約書亞Joshua，我都識人叫呢個名。
拉撒路個名都唔易記，我過左好耐好耐先知，原來拉撒路係一個好常見既名「神係幫助」，聖經都有唔少人用呢個名，只係（希伯來）音譯左做以利亞撒。
(神 El + 幫助 azar -> Elazar -> （懶音？）Lazar + 希臘文尾音os -> Lazaros )。

typo 不過班門徒以為拉撒路真係訓左覺

樓主又話拒絕同其他教派溝通嘅先係異端嘅？我而家同你溝通緊，你係咪要拒絕我？係咪要拒絕同其他教派溝通？係咪要做你口中嘅異端？

基督教有冇為基督徒特首林鄭搞咁大單嘢而道歉同賠償？雖然無直接落order，但你領導間教會搞咗咁大單嘢出嚟，timely道歉賠償是常識吧？根據濛叔邏輯好似係咁

明明聖經無話過耶穌之後無先知，但樓主無視聖經教導，喺到長篇大論講同聖經打對頭。
想知反對聖經嘅樓主點解呢節聖經？耶穌之後真係無先知？

使徒行傳:11:27 當那些日子，有幾位先知從耶路撒冷下到安提阿。

Ἐν ταύταις δὲ ταῖς ἡμέραις κατῆλθον ἀπὸ Ἱεροσολύμων προφῆται εἰς Ἀντιόχειαν:

使徒行傳:13:1 在安提阿的教會中，有幾位先知和教師，就是巴拿巴，和稱呼尼結的西面，古利奈人路求，與分封之王希律同養的馬念，並掃羅。

ησαν δὲ ἐν Ἀντιοχείᾳ κατὰ τὴν οὖσαν ἐκκλησίαν προφῆται καὶ διδάσκαλοι ὅ τε Βαρναβᾶς καὶ Συμεὼν ὁ καλούμενος Νίγερ, καὶ Λούκιος ὁ Κυρηναῖος, Μαναήν τε Ἡρῴδου τοῦ τετραάρχου σύντροφος καὶ Σαῦλος.

使徒行傳:21:10 我們在那裡多住了幾天，有一個先知，名叫亞迦布，從猶太下來。

ἐπιμενόντων δὲ ἡμέρας πλείους κατῆλθέν τις ἀπὸ τῆς Ἰουδαίας προφήτης ὀνόματι Αγαβος,

點睇聖經話耶穌基督嘅教會係由有使徒權柄嘅人先可以組織，而世界有超過一半以上嘅基督徒都相信緊同一原則。
但樓主口講信聖經，但行為就無視聖經，喺到開連登堂，係咪想挑戰上帝嘅權威，想做埋上帝個份？

馬太福音:16:18 我還告訴你，你是彼得，我要把我的教會建造在這磐石上，陰間的權柄，不能勝過他。〔權柄原文作門〕

哥林多前書:12:28 神在教會所設立的，第一是使徒，第二是先知，第三是教師，其次是行異能的，再次是得恩賜醫病的，幫助人的，治理事的，說方言的。

以弗所書:4:11 他所賜的有使徒，有先知，有傳福音的，有牧師和教師。

點解樓主寧願post樓主自己認為唔信聖經嘅教派資料都唔願回答人哋對聖經嘅提問？
樓主又話拒絕同其他教派溝通嘅先係異端嘅？我而家同你溝通緊，你係咪要拒絕我？係咪要拒絕同其他教派溝通？係咪要做你口中嘅異端？

見你咁鍾意post單片咩都唔講，咁我就只好根你玩法，奉陪到底啦
https://youtu.be/fq_DYiUwaGk

其實新教主日崇拜咪又係引用幾節聖經然後係咁up

樓主係唔係唔打算回應#321,#323?

利申唔係耶證先，但其實你都要考慮埋個個大會唔係畀一般新人參加，有西人嘉賓即係係啲特別大會嚟，咁自然會assume咗參加嘅人係熟讀聖經。
所以引用幾節已經夠熟聖經嘅人知道講緊啲咩，唔需要拎本聖經出嚟。

你有機會可以去下新教啲聚會，都一樣係引幾節就吹自己嘢，分別在於人哋有寫落本守望台到，新教就牧師講就算。會拎聖經出嚟個啲係讀經班，唔係聚會。新教啲大型佈道會都一樣無人拎聖經出嚟

睇埋連登堂未又係引幾節聖經出嚟但無人解經，如果有解，解完經無準則係啱定錯，信使徒信經／三一頌多過聖經

我明你意思,不過我覺得參加嘅人入面咩人都有,大至超過80,細至幾歲,甚至有啲外國人參加(佢地係唔太識中文,但都會積極答用啲唔鹹唔淡嘅中文問題,唔太明點解佢地要特登參加中文聚會)

同埋我親戚同個姨姨係每個禮拜都R我參加,話可以解決到我問題,所以我惗個聚會未必係assume全部人都熟讀聖經

我惗應該純粹係個聚會形式唔係特別for讀聖經,本守望台應該算係比啲問題引導你明白聖經/加深認識,但本身如果無讀開聖經就會覺得有啲奇怪,因為個主持人啲問題多數都係要你複讀一次守望台入面內容咁

加上我另外上網search過佢地平時睇果本聖經叫新世界譯本,好似係有刪減或者修改過,同埋佢地係視守望台＞聖經,我唔熟就唔comfirm啦

另外佢地成日都提到咩增加信心,我心惗到底咩情況下先會需要其他人幫你對神增加信心,呢點我係完全惗唔明,好似一班人圍威喂咁

我已經搞唔清楚個姨姨係真係覺得傳到福音比我係可以拯救我,定係佢傳完比我佢有著數,我希望係前者

佢叫我睇條片,我睇完係唔知佢想表達啲咩
條片無咩重要資訊,大概係話有間學校係學習點樣傳播聖經,然後啲人讀完係要佢其他國家度傳福音
佢係想表達佢地有果種無私奉獻嘅精神定點

https://www.jw.org/finder?srcid=share&wtlocale=CHC&lank=pub-jwb-104_2_VIDEO

我唔信佢哋個套，就唔評論你對佢哋嘅睇法啦
我對佢哋嘅評價就係真心相信同相對上係比較虔誠嘅一群人。
而你講個本譯本，喺某啲角度上當然可以講做有刪減／修改過。但其實如果你研究一下聖經成書同歷史，所有人信嘅每一個版本聖經都一樣有刪減同修改過
差別在於一班早啲改，另一班遲啲改。例如新教信嘅66卷書喺世界三分二嘅基督徒眼中就係刪減過嘅聖經嚟，但當然喺人哋信仰個本叫正典，係新教刪減咗。而新教徒會話係人哋增加／旁經啦。就睇你研究完覺得邊一邊合理

我都參加過耶證聚會，個人覺得比我參加過嘅新教更加認真囉。但我明你講個種怪怪地嘅feel

其實所謂嘅偽經，次經本身就係政治產物黎

都係果句,我尊重佢地點做,但我參加過就覺得好怪,下次唔洗預我了