［冇圖］睇左好多年聖經 你問我答（8）

我唔信佢哋個套，你問我就一定答唔好 所以都係等黎巴qoute成抽唔關事嘅聖經出嚟表演

咁耶穌嘅父親係天父？咪就係有2個嘅存在？

我覺得，傳福音係一個好長既過程，甚至長到去耶穌再返黎咁長（唔知幾長，馬太福音24:14），福音未去到而神冇叫我去既地方，其實我係做唔到D咩。
不過我自己做唔到咋喎，神做到。

神係唔認識佢既人當中，會行特別多奇事，使人認識到佢，而唔只係差人傳福音。你講既地方入面，我相信特別多神蹟，而我一直聽到既都係某D宣教工場特別多神蹟奇事。
關於救恩，人睇落難既事，神更加落手做。

對我黎講，你條問題同問緊舊約既人點得救差唔多（因為佢地都一樣冇聽過耶穌基督既福音）。
睇返希伯來書11章，佢地表明信心既行動，往往比佢地所遇見既事深入得多。
例如亞伯拉罕獻以撒，背後代表佢堅信神既應許會實現，而且神能夠令死人復活（11:17-19）。
又例如喇合信耶和華係天上地下既神，又係佢全家既拯救（約書亞記2:11-13），佢同係曠野漂流到既以色列人一樣係聽過耶和華既作為，點解個結果有咁大分別：喇合聽完件事就信就得救，而以色列人親身經歷過耶和華既拯救，之後又怨又滅亡（詩篇95:11）？

所以，係咪得到救恩，取決於看待神既作為同說話既態度。而呢個態度，神係好清楚知道既。

馬太福音5:3
//「心靈貧窮的人有福了！
因為天國是他們的。//

以下呢句聖經冇講，係我講既：我覺得，任何人無論有冇聽過福音都好，如果聽左福音會信，佢就得到救恩。肯貼近神既人，神就貼近佢。

呢班人被上帝創造，而冇機會聽福音，唔會好唔fair咩？

耶穌幾乎從來冇探討過「存在」既問題，勉強要計可能 約翰福音8:58 算提過，不過存在呢個字就係「我是」我是個字，而呢個係耶和華既自稱，所以耶穌一直表達既就係：佢就係舊約聖經個耶和華，成為左肉身，企（坐，訓...）係門徒面前。

約翰福音14:8-14
//8 腓力說：「主啊，請把父顯示給我們看，我們就滿足了。」

9 耶穌說：「腓力，我跟你們在一起這麼久了，你還不認識我嗎？人看見了我，就是看見了父；你怎麼還說『請把父顯示給我們看』呢？ 10 我在父裏面，父在我裏面，你不相信嗎？我對你們說的話，不是憑着自己說的，而是住在我裏面的父在做他的工作。 11 你們要相信我：我在父裏面，父在我裏面；不然，也要因這些工作而相信我。 12 我實實在在告訴你們，我所做的工作，相信我的人也要做，並且要做比這些更大的工作，因為我往父那裏去。 13 你們奉我的名無論求甚麼，我必成就，好讓父在子的身上得着榮耀。 14 你們若奉我的名向我求甚麼，我必成就。」//

對於父親，除左字面既生物學意思，猶太人既理解係「從果度黎」，「屬於果類」。所以耶穌講佢既父，係講緊佢既身份同屬性，耶和華係點佢就係點，人見到耶穌係點就見到耶和華係點，呢個正正係猶太人覺得耶穌僭妄褻瀆既原因：一個住係佢地身邊既人竟然話自己係從耶和華而來，竟然話自己就係耶和華。相反，耶穌話猶太人既父係魔鬼，因為佢地唔信真理同殺人（後來的確殺「左」耶穌）。詳情可以睇約翰福音8章。

哥林多前書1:22
//22 猶太人求神蹟*，希臘人要智慧，//

希臘既哲學思想，隨住希臘帝國同希臘化既羅馬帝國擴展。
後來既人開始問耶穌係咪神？再問埋聖靈係咪神？夾埋點樣理解？而三位合一就係信聖經既教父既答案。

所以如果要答你係咪有兩個存在（計埋聖靈三個），我會答係。係咪得一個神，我都會答係。掉返轉頭諗，無限而完全合一既神，三分之一落左地上比人睇到佢點做人，仍然係無限。如果係要向呢個方向諗，係會好似歷代神學家咁講到D野，但活係有限既世界既人係唔會搵到完全符合既類比。相反，如果睇返聖經本身，根本冇興趣答呢類問題，神係以馬內利（同我地一齊），神上左十字架。人唔會諗到既，反而係最重要最真實。

哥林多後書1:23-25
//23 我們卻宣講被釘十字架的基督，這對猶太人是絆腳石*，對外族人*是愚拙； 24 但對於蒙召的人，無論是猶太人，還是希臘人，基督就是神的能力、神的智慧。 25 因為神的愚拙比人有智慧，神的軟弱比人還剛強。//

佢地有得睇既神蹟，比有機會聽福音既人更加大，大家都係被神所造，大家都可以同神有經歷，只係類別唔同。
如果神唔理佢地，就係你講既唔fair 喇。

個三一神學觀由來？有咩原因要整個咁複雜又難理解神學觀

我只能講我嘅理解，新教徒點理解就由黎巴表演。
因為睇聖經其實都好明顯得出聖父係神、聖子係神、聖靈係神嘅結論。而同時舊約都寫明人應該只崇拜一神。但明明有三個神，但又叫人只崇拜／只有一神，佢哋解釋唔到未要創個父子聖靈都係神但又只有一神嘅玩法出嚟。確立又係為咗滿足羅馬皇帝嘅要求，同埋參加會議嘅流派人數投票出嚟嘅。

咁三一神論係由第3世紀左右出現同確立，當時嘅基督教受到希臘神哲學影響，三全同埋神非物質概念都係抄希臘神哲學，咁既然神喺佢哋眼中係不可理解、三全，咁合埋體做三一就搞掂 唔使合理，因為神超越邏輯

咁其實係作故事嗰班人無睇清楚黎作者攪到文筆不通當然有政治因素係入面就無得講，唔驚死咩至於神一超越邏輯就meaning less係無得討論，一個無解嘅神係要防範多過崇拜

「一個無解嘅神係要防範多過崇拜」

你講中晒，所以你見呢到班耶L郁啲就話你咁大膽challenge神？你做埋神個份？你唔信就到時我睇住你喺地獄燒

一個超越人類邏輯嘅神，佢嘅善標準可同鐵血戰士標準一樣，咁到時人類就係咁先如果神不能以人類標準去界定善惡，咁人類嘅崇拜對於佢黎講可能係詛咒咁嘅情況點解唔離開佢遠d費事中伏

所以每次聽佢哋話咩，你又知神對善嘅標準同人一樣？我聽到已經覺得佢哋信嘅呢個神真係好恐怖，比魔鬼更加恐怖

其實個問題係聖經講左一堆令你接受既野，例如令人向善，一啲大家都覺得好既野，用一啲權威性既字眼，令你唔再質疑佢。

當你建立左一個佢一定啱既心，會幫佢自圓其說，佢就會落下一步。

然後再講啲同事實無關，但對教有益既野，例如要讚美佢，要敬拜，要拒絕其他神，納十一。

當愈踩愈深，離開既沉沒成本愈大就愈唔會走，但其實個啲係「沉沒成本」，只係差個心理突破，by gone is by gone。但人都係會繼續沉，見到啲明顯邏輯問題，都會搵方法兜。

成件事好有「人控制人心」既元素。點解真理會用呢種方法「令人去信」，你幾時見過個太陽要叫你信佢識發光？蘋果會想你跌落地？

未聽過既人會靠做過既事審判，咁好心你地唔好再傳教，你搞一啲本身好地地上天堂，因為你哋亂講傳教，佢地唔信，變左落地獄，全世界冇聽過，好地地用做好事審判唔好咩，點解要推人落地獄……？

唔好意思，如果真係有睇聖經，睇完個人係會唔舒服，因為神會將你入面既黑暗指出黎。

如果你都係揀唔理，中意黑唔中意光，咁除左繼續提你，神係冇你乎。

但係唔睇既話，好地地，靠做好事審判咪幾好

要直面黑暗，除左聖經，基本上所有思想同埋哲學都做到。

你都話就算冇接觸過聖經，神都會幫

其實等神靜靜地幫唔好咩，係都要推人落地獄

呢個係神既世界，佢揀左用聖經同耶穌叫人悔改。

唔好以為靠做好事就可以同神一齊，你唔中意神既，神唔迫你同佢一齊。

你覺得唔需要神既，咪唔需要囉，咪唔好同佢一齊囉。反正講定你知你會唔想咁樣，你都可以唔信。

神既恩典，唔係人應得，亦都唔係你可以預計到。

至於推人落地獄，係聖經所講既完全相反，係你去緊地獄神拉緊你出黎。

睇完聖經唔舒服＞因為神會將你入面既黑暗指出嚟
睇完聖經好舒服＞因為神畀緊見證你，令你相信佢
睇完聖經無感覺＞因為你封閉咗自己唔聽神嘅說話

結論：無論點都係我贏

咁未聽過嘅人，舊約既人，係咩做法？
咁我哋就用咩做法唔得咩？


本來無一物，何處惹塵埃

約翰福音3:16-21
//16 神是那麼愛世人，甚至賜下他獨一的兒子*，使所有相信他的人，不至滅亡，反得永生。 17 因為神差遣他兒子到世上來，不是要定世人*的罪，而是要讓世人藉着他得救。 18 相信他的人，不被定罪；不信的人，已經被定罪了，因為他不相信神獨一兒子*的名。 19 光已經來到世上，世人因為自己的行為邪惡，不愛光，倒愛黑暗，這就是他們被定的罪。 20 因為凡作惡的人都恨光，不來靠近光，恐怕自己的行為敗露， 21 但行真理的人就來靠近光，好顯明他的行為是依靠神而行的。//

俗D講句，所有揀唔接受耶穌既人，都係自己證明自己本來已經身有屎。
問咁多其他人點，關你咩事呢？不如問下自己係點。
想知舊約既人點，希伯來書11章有答案。
結論：所有時間所有人都係同一個標準，要同神一齊就會同神一齊，要同神分開就會同神分開。你自己揀啦。

啱啱開始睇聖經，係咪一定要割包皮, 定係大家都信跟新約

如果想做猶太人入猶太教就要割。
無論係猶太人或者非猶太人，都一樣可以透過信耶穌同神復和。

睇聖經，認識到神，就有福喇，恭喜你先

香港由好耐之前已經可以開放討論信仰 ( now getting worse) 所以大部份人都可以有機會at least接觸福音。

但真心，let’s say出生係北韓，從小到大都被洗腦金氏一家係神。連基本嘅衣食住行都好難搞掂，唔會有機會接觸福音。

咁佢地點得救？

Hmmm我諗可以咁理解？

1 你應當知道這一點：在末後的日子裡，將有艱難的時候來到； 2 因為人們將會愛自己、愛錢財，又自誇、又驕傲，褻瀆神、悖逆父母、忘恩負義、毫不聖潔、 3 沒有親情、不肯和解、惡意控告、不能自制、殘忍凶暴、不愛良善、 4 背叛出賣、任意妄為、自以為是，愛享樂過於愛神， 5 有敬神的外表，卻否定敬神的實質 a；這樣的人你要避開。

6 他們當中有些人溜進別人家裡，虜獲無知的婦女。這些婦女被罪孽壓制，被各種欲望牽引， 7 雖然一直學習，卻始終不能達到到真理的知識當中。 8 揚尼和揚布列怎樣抵擋摩西，這些人也照樣抵擋真理；他們理性敗壞，在信仰上經不起考驗。 9 然而，他們不能再進一步了，因為他們的無知會在眾人面前顯露出來，就像那兩個人一樣。



10 至於你，你跟從了我的教導、品行、心意、信仰、寬容、愛心、忍耐， 11 以及我在安提阿、以哥念、路司得所遭受的逼迫和苦難——我忍受了何等的逼迫啊！可是主救我脫離了這一切。 12 其實，所有想要在基督耶穌裡過敬神生活的，也都會受到逼迫； 13 而惡人和迷惑人的會越來越壞，他們迷惑人，自己也被迷惑。 14 至於你，你當持守所學到、所確信的，因為你知道是從哪些人學的； 15 並且你從年幼就知道了聖經，這聖經能使你有智慧，藉著在基督耶穌裡的信仰，以至於救恩。 16 聖經都是神所默示的，對於教導、責備、規正、在義中的訓練都是有益處的， 17 要使屬神的人完備，為一切美善的工作，裝備齊全。