［冇圖］睇左好多年聖經 你問我答（8）

果位摩門教巴有答過咩，佢唔係借力扣主流教會「排斥異己」既帽子

多謝你既問題，返完崇拜詳細答你。

我見有個摩門教既巴打答左你，佢既答案我不敢苟同。

果位摩門教巴有答過咩，佢只係借力扣主流教會「排斥異己」既帽子

抽水行遠d

好奇樓主喺外國返咩工
點解有咁多時間護教
唔使做咁款

先答你聖經點睇你果5條問題，再講下聖經既核心信息，最後比較下耶和華見證人既信仰。

（1）聖經從來冇提及亞當同夏娃當初係完美。未有蛇引誘之前，亞當同夏娃記載係創世記1-2章，一句都冇話佢地完美。反而你見到耶和華神直接同人講野，反映人同神關係好好。

（2）舊約聖經既預設讀者係猶太人，所以進入佢地既文化黎理解聖經好重要。如果你同佢地講聖經入面既善/惡，佢地第一樣會諗到既係神睇咩係善（好）同神睇咩係惡（唔好），而唔係一個抽離既道德標準。

創世記2:16-17
//2:16 耶和華上帝吩咐那人說：「園中各樣樹上所出的，你可以隨意吃，
2:17 只是知善惡的樹所出的，你不可吃，因為你吃它的日子必定死！」//

如果睇晒成段聖經連埋上下文，個文學手法係好重象徵性，唔可以照字面解（例如：又話食左果日一定死，結果仲繼續係度生勾勾）。
所謂禁果，其實係一棵叫「善惡知識樹」既果子。咩叫知善惡，聖經呢個位冇講明，但係好肯定既係，做左一樣耶和華神講明唔好做既事，就會同耶和華神關係破裂。

如果要詳細睇「善惡」點解，可以有兩個方向理解：
第一，善/惡 原文同 好/壞 同字，比較上文，創世記1章講左好多次（例如1:4 神看光是好的）神創造完神睇落係「好」。所以人自己決定咩係好咩係唔好，就係違反緊神創造左既秩序，神話唔好人話好，神話好人話唔好，都係使人同神關係破裂。

第二，舊約原文希伯來文入面，當一對相反詞放埋一齊，可以表示計埋中間既所有野，所以食左果子係令人識自己想點就點唔洗理神，結果就係（點睇都仲係）人同神關係破裂。

至於罪，原文字根係「射箭唔中紅心」，引伸到人做唔中神想人做既野，所以聖經入面罪唔係講緊道德犯錯（當然有好大重疊既部分），而係講緊做左會同神關係破裂既事。

關於食左個果子既一段，之前詳細睇過解過，有興趣可以入以下傳送門：

［冇圖］睇左好多年聖經 你問我答（7）
- 分享自 LIHKG 討論區
https://lih.kg/zEdKsbX

（3）關於撒但，聖經冇話佢能夠創造任何野。聖經係咁形容撒但：

約伯記1:6
//1:6 有一天，上帝的眾使者來侍立在耶和華面前，撒但也來在其中。//
啟示錄12:9
//大龍就是那古蛇，名叫魔鬼，又叫撒但，是迷惑普天下的；牠被摔在地上，牠的使者也一同被摔下去。//
啟示錄12:12
//所以，諸天和住在其中的，
你們都快樂吧！
只是地和海有禍了！
因為魔鬼知道自己的時候不多，
就氣憤憤地下到你們那裏去了。」//

「侍立」，代表既係清楚既主僕關係。神先係創造主，佢冇將創造既主權交比撒但。
撒但做既野係「迷惑」，新約原文希臘文呢個字係「引入歧途」，令人行錯路，行錯一條神唔想人行既死路。
撒但係明知自己輸左比神，就黎被神審判，所以出盡力迷惑人。

（4）聖經冇明確指出。以我既理解，撒但係想自己成為神，至少係好似神咁樣比人崇拜。以聖經既角度，撒但真係好蠢，因為佢冇當神有到，唔識死。

箴言9:10
//敬畏耶和華是智慧的開端，
認識至聖者便是聰明。//

（5）正如（2）講過，全知同全能唔係一個概念，而係對神貼地既描述。之前分享過，我攞返貼題既部分出黎：

全能神係希伯來文名El Shaddai 既傳統譯法，原意唔肯定。

創世記17:1
//亞伯蘭年九十九歲的時候，耶和華向他顯現，對他說：「我是全能的神。你當在我面前作完全人，//

因為唔肯定，所以我個人唔會用呢個字大造文章。

不過肯定既係希臘文都有用呢個名， pantokrator 全能者。

啟示錄1:8
//主上帝說：「我是阿拉法，我是俄梅戛( [ 1.8] 「阿拉法」、「俄梅戛」是希臘文首末的二個字母；21:6，22:13同。)，是今在、昔在、以後永在的全能者。」//

對神既形容從來唔會冇上下文就咁講，例如呢度就用左A-Z 同埋今在昔在仲黎緊。
「今在」係神係燒唔爛既荊棘向摩西顯現果個名，其他部分係用神既永恆黎對比迫害教會既羅馬政府既短暫。

所以與其攞全能黎做神既定義，不如係提及神能力既經文當中，睇下人既處境係點，而神既全能可以點樣用係人（即係你地讀者們）身上，咁就知道我地可以從神得到點樣既盼望。

（2）全知

我第一樣諗起既係神對人既完全深入認識。
聖經入面一首好出名既詩篇就咁講。

詩篇139:1-6
//139:1 大衛的詩。交給聖詠團長。
耶和華啊，你已經鑒察我，
認識我。

139:2 我坐下，我起來，你都曉得；
你從遠處知道我的意念。

139:3 我行路，我躺臥，你都細察；
你也深知我一切所行的。

139:4 耶和華啊，我舌頭上的話，
你沒有一句不知道的。

139:5 你前後環繞我，
按手在我身上。

139:6 這樣的知識奇妙，是我不能測的；
至高，是我不能及的。//

呢度詩人講佢覺得神對人既認識有幾深，諗咩都知，做咩都望到，未講到出口既野都知。
詩人係讚嘆神了解佢果種親近，唔係比神𥄫實做錯咩都大鑊，亦都唔係討論哲學諗下神知佢會點揀佢係咪仲有自由揀。
神既全知，對於人係一種被認識既感覺，由心入面舒服到出黎。

（6）聖經，同埋耶穌，都係神向人完全既啟示。既然你之前冇認識過，簡介下呢兩者：

聖經，由39卷舊約書卷，加上27卷新約書卷組成。因為人同神關係破裂左，所以聖經由頭到尾既教導，核心都係耶和華拯救人，因此人就可以同神復和。
舊約主線：透過奇事，耶和華拯救以色列人，唔洗再做埃及既奴隸。神同人立舊約，確立關係。
新約主線：透過耶穌，耶和華拯救全世界人，唔洗再做罪惡既奴隸。神同人立新約，確立關係。
新舊約聖經其餘既部分，基本上都係教導點樣做自由既人，同埋人係歷史入面既回應。

耶穌個名就係「耶和華拯救」咁解（馬太福音1:21）。耶穌曾經自稱過「我是」（約翰福音8:24），呢個係耶和華既自稱，所以耶穌就係耶和華神。聖經其他地方亦都清楚表明耶穌係神，而二千年前耶穌成為左人，住係我地中間（約翰福音1:1，1:14）。

信耶穌得拯救，可以唔再受罪既束縛，有得揀唔做明知係惡既事，亦都同永恆既神復和，可以同返神一齊，就係永生。呢個係神白白既恩典（禮物），唔係靠做好既行為能夠賺到（約翰福音3:16，以弗所書2:8-9）。

方便起見，下面放返聖經既經文比你參考。（我引用左貼近原文而且行文流暢既「新漢語譯本：新約全書」 https://www.chinesebible.org.hk/onlinebible/index.php ，係暫時最好既譯本，可惜舊約翻譯尚未完工。舊約聖經暫時建議參考「和合本2010」、「新譯本」同「現代中文譯本2019版」 https://bible.fhl.net/new/read.php ）

馬太福音1:21
//21 她將要生一個兒子，你要給他取名叫耶穌*，因為他要把自己的子民從罪惡中拯救出來。」//

約翰福音8:24
//24 所以我對你們說，你們會死在自己的罪中；你們若不相信『我是』*，就會死在自己的罪中。」//
約翰福音1:1
//1 太初有道，道與神同在，道就是神。//
約翰福音1:14
//14 道成了肉身，住在我們中間，充滿恩典和真理，我們都見過他的榮耀，那是從父而來的獨一兒子*的榮耀。//

約翰福音3:16
//16 神是那麼愛世人，甚至賜下他獨一的兒子*，使所有相信他的人，不至滅亡，反得永生。//
以弗所書2:8-9
//8 因為*你們是靠着恩典，藉着信心而得救的；*這*不是出於你們自己，而是神所賜的； 9 也不是出於行為，免得有人自誇。//


（7）耶和華見證人

簡史：
1870 年，Charles Taze Russell 開左一個叫Millennial Dawn Bible Study既聖經班，又寫左佢既神學書 The Millennial Dawn。
1886 年，The Watchtower Bible and Tract Society 成立，宣揚C. T. Russell 既觀點。
1916 年，C. T. Russell 卒。
1917 年，J. F. Rutherford 繼任並完成 The Millennial Dawn 最後一本，同年該組織分裂，Rutherford 既跟隨者開始叫自己做耶和華見證人。

主要信仰內容同聖經比較：
1. 耶穌唔係神，係天使長米迦勒。而聖經講明耶穌係神（經文參考上面）。
2. 得救需要信、聽話、行為全部夾埋。而聖經講明得救係靠住恩典，藉住信心（經文參考上面）。
3. 否定三位合一，認為耶穌係受造物，聖靈只係神既能力。而聖經指出耶穌係神， 聖靈都係神，連埋聖父耶和華，夾埋係合一既神。（我諗一黎就講呢樣你會覺得好抽象，有興趣先再講落去）
4. 耶穌既死係亞當犯罪既贖金。而聖經話耶穌擔當左世人既罪（如 希伯來書9:28）。

權威：
Watchtower聲稱該組織係解釋聖經既唯一權威，完全唔鼓勵大獨立思考。佢地聲稱歷代教會已經將聖經敗壞左（現有大部份公認聖經譯本，都係由發現到最早既可靠抄本，直接由原文翻譯），出版「新世界譯本」，反映按照C. T. Russell 同後繼等人既神學。

而聖經入面就講到人認真睇聖經（當時指舊約）係咪真。

使徒行傳17:11
//這地方的猶太人比帖撒羅尼迦的人開明，熱心領受這道，天天查考聖經，要知道這道是否真實。//

自認神的代言人, 用自己ge見解不斷醜化為聖經同上帝ge形象, 違背新教對於聖經ge基本原則

支持上帝殺嬰, 支持天災同人類飢荒

精神病患者殺人都係神ge安排, 但你地就唔承認上帝所作所為, 只因呢個行為違背你地內心ge形象, 但你地又唔可以猜測上帝意思, 所以你地係論斷緊你地ge上帝

明明行好事做好人係自由意志, 你地又唔承認, 夾硬話係上帝控制, 再一次違背上帝ge安排, 又一次論斷神

以上種種都證明緊你地只係不斷咁墮落

BTW上帝聖經有教你地食宗教自助餐

黎巴朦叔 : 我地尊重其他宗教
同樣係黎巴朦叔 : 信其他宗教行好人做好事唔信耶穌 = 證明自己身有屎

你地講呢一句出黎係唔係代表緊基督教, 聖經同上帝
以神的代言人自居, 講野完全唔經大腦, 對其他宗教ge不尊重

呢D叫唔叫墮落?

首先好多謝你打咁多字答我問題,同埋都睇得出你係好虔誠。不過資訊量有啲多,我惗要啲時間消化下,不過你解釋同個耶證講嘅好大分別,睇黎唔同派別對聖經理解真係好唔同,佢係話亞當夏娃本身係完美,係永生,因為食左禁果受到懲罰變得不完美,仲活左九百幾年係因為神嘅一日等於我地千年,我地而家咁短命係因為仲承受緊亞當夏娃當年犯落黎嘅罪。

另外有關第二點想再問下,希望我無曲解你意思,你意思係夏娃本來係必定會遵守神嘅指示,一定唔會去掂或者食禁果?因為佢未食禁果之前係唔會自行分好壞,所以必定會遵從神嘅指示,但因為受到蛇(撒旦)嘅引誘同誤導,先會食禁果,咁佢唔係好無辜咩?點解仲會同神關係破裂,神唔應該理解佢咩?

另外佢仲比埋亞當食,咁亞當無被引誘,又點解會食禁果?

sorry for你解左我一個問題,我又拋翻幾個問題出黎,希望你唔好覺得我係踩場或者咩,純粹係唔了解所以問下

黎巴，我有啲有關屬靈嘅私人問題想問你，方唔方便私下搵你傾

拍巴，當然可以，屬靈帶領我冇咩經驗，略盡綿力，願神親自答你， lihkg.church@gmail.com

神點解要跣猶大一鑊？

好多謝你既追問，亦都好欣賞你虛心問清楚既態度。
我都明白講左好多野要時間睇同諗（其實爆左去啱啱4000字）

我一路準備緊個答案，然後發現自己訓着左一半，咁一係我而家應下你先，等你知我冇消失，如果訓着左就聽日繼續答你啦

想先了解下你點解覺得神跣左猶大一鑊既？

首先好多謝你打咁多字答我問題,同埋都睇得出你係好虔誠。不過資訊量有啲多,我惗要啲時間消化下,不過你解釋同個耶證講嘅好大分別,睇黎唔同派別對聖經理解真係好唔同,佢係話亞當夏娃本身係完美,係永生,因為食左禁果受到懲罰變得不完美,仲活左九百幾年係因為神嘅一日等於我地千年,我地而家咁短命係因為仲承受緊亞當夏娃當年犯落黎嘅罪。

另外有關第二點想再問下,希望我無曲解你意思,你意思係夏娃本來係必定會遵守神嘅指示,一定唔會去掂或者食禁果?因為佢未食禁果之前係唔會自行分好壞,所以必定會遵從神嘅指示,但因為受到蛇(撒旦)嘅引誘同誤導,先會食禁果,咁佢唔係好無辜咩?點解仲會同神關係破裂,神唔應該理解佢咩?

另外佢仲比埋亞當食,咁亞當無被引誘,又點解會食禁果?

sorry for你解左我一個問題,我又拋翻幾個問題出黎,希望你唔好覺得我係踩場或者咩,純粹係唔了解所以問下

我真係訓着左

以下我試下照住聖經黎回應你既問題，希望講得清楚。無論點樣，都歡迎你再問。

（1）神比左清楚既吩咐，就係唔好食知善惡樹既果子。神其實冇話唔可以摸。

創世記2:16-17
//耶和華上帝吩咐那人說：「園中各樣樹上所出的，你可以隨意吃，
只是知善惡的樹所出的，你不可吃，因為你吃它的日子必定死！」//

（2）人係有得揀係咪聽從神既吩咐。事實上，人後來揀左唔聽神既吩咐，就知道人唔係必定聽神既吩咐。

創世記3:6
//於是女人見那棵樹好作食物，又悅人的眼目，那樹令人喜愛，能使人有智慧，她就摘下果子吃了，又給了與她一起的丈夫，他也吃了。//

（3）我覺得個果子冇魔法係入面，唔會比到人一種分辨好壞既能力，可能比到人既只係維他命C 反而「睇一樣野係好/壞」對比左上文神睇佢創造既世界係好/非常好，呢個係關係破裂既開始，因為當雙方面係重要問題既睇法唔同，關係就會出問題。（例如兩個朋友去食飯，一個話食藍店好，一個話食藍店唔好…）

創世記1:31
//上帝看一切所造的，看哪，都非常好。有晚上，有早晨，這是第六日。//

（4）撒但既迷惑，在於扭曲神既說話，佢本身冇能力使神要必定發生既事唔發生，佢只係不斷提醒人，你有得離棄神架，有得做呢樣做果樣（件事係犯罪，不過個包裝好好睇）。比較下撒但講既野同神講既野（上面引左 創世記2:16-17）：

創世記3:1-5
//耶和華上帝所造的，惟有蛇比田野一切的走獸更狡猾。蛇對女人說：「上帝豈是真說，你們不可吃園中任何樹上所出的嗎？」

女人對蛇說：「園中樹上的果子，我們都可以吃；
只是園子中間那棵樹的果子，上帝曾說：『你們不可吃，也不可摸，免得你們死。』」

蛇對女人說：「你們不一定死；
因為上帝知道，你們吃的日子眼睛就開了，你們就像上帝一樣知道善惡。」//

條蛇第一句，其實冇講錯，神的確冇講「所有樹出既果子都唔食得」，但係探緊口風睇下女人係咪熟悉神既吩咐。

女人既回應，反映左佢其實冇將神既吩咐清楚咁放入心。（當然唔會係要考記性，因為當然神同人關係仲係良好，神就係度，我想像可以隨時問。）
藍色係唔同既地方：女人既講法降低左個神吩咐既程度（食啦，任食！ vs 可以食；食左會死，死梗！ vs 費事死），女人將神既吩咐模糊左（知善惡樹 vs 中間果棵樹），女人將神講既加左/減左（冇講 vs 唔可以摸，食果一日 vs冇講）。

條蛇第二句，見女人唔熟，就係果個位加料：食左唔一定死。
比較返，蛇講既「食左唔一定死」，同女人講既「唔好食費事死」，係冇衝突既。
但係蛇講既「食左唔一定死」，同神講既「食果日必定死」，係完全相反。

所以，問題係個女人唔熟神既吩咐，先至有位比條蛇乘虛而入，扭曲到神既說話。

同樣，當有聖經以外既人話自己有對聖經既權威，要非常小心，因為聖經就係神既說話，如果唔認真睇、唔熟就好容易聽左撒但既扭曲版本都唔知。咁樣就唔係派別既問題，而係偏離左神，後果非常嚴重（如果當左行為係得救既條件，咁就成世驚緊自己係咪真係做得足夠好，咁就係禍音；神既福音係使人輕省，使人得安息，馬太福音11:28-30）。我自己唔係權威，我只係盡我既能力，按住神比我研讀聖經同解釋聖經既呼召，將聖經既教導指比你睇。

（5）同神關係破裂

神當然理解。關係係雙方面既，就算一方唔介意都好，另一方（得罪完人）都會有所避忌：「我做左佢唔中意既野，點面對佢好？都係冇咩唔好講咁多野，唔好見咁多。」咁樣就關係破裂喇。
睇返聖經，其實兩個人都係咁樣：

創世記3:8-10
//天起了涼風，那人和他妻子聽見耶和華上帝在園中來回行走的聲音，就藏在園裏的樹木中，躲避耶和華上帝的面。
耶和華上帝呼喚那人，對他說：「你在哪裏？」
他說：「我在園中聽見你的聲音，我就害怕；因為我赤身露體，我就藏了起來。」//

一聽到聲就驚，要匿埋，唔想見到耶和華神，仲講左幾次。呢個就係人同神關係破裂左既狀況。

果個人既原因係赤身露體，即係佢唔能夠係神面前完全坦誠，因為佢自己知道做左神講明唔好做既事，佢係神面前覺得羞恥（參考 創世記2:25）。

（6）亞當點解會食

聖經用左三方面黎講。

第一方面，係一個敘述，冇講點解，但講左其實亞當係撒但迷惑既現場，佢一句聲都冇出過。女人比佢，佢就食左。

創世記3:6
//於是女人見那棵樹好作食物，又悅人的眼目，那樹令人喜愛，能使人有智慧，她就摘下果子吃了，又給了與她一起的丈夫，他也吃了。//

第二方面，係亞當既親身說法，除左講返件事之外，留意佢拉埋神落水，即係賴落神度。

創世記3:12
//那人說：「你賜給我、與我一起的女人，是她把那樹上所出的給我，我就吃了。」//

第三方面，係神講，呢度講出左個問題所在：亞當聽左老婆講，冇聽神講。

創世記3:17
//又對亞當說：
「你既聽從你妻子的話，
吃了那樹上所出的，
就是我吩咐你不可吃的，
土地必因你的緣故受詛咒；
你必終生勞苦才能從土地得吃的。//

其實呢度呼應上面，3:17原文係「亞當聽左老婆既聲音」，個結果就係3:10，當佢地兩個「聽到耶和華神行黎行去既聲音」，就匿埋。所以聽邊個話好緊要，影響到同神既關係。






（7）另外，耶證既講法，有牽涉聖經既經文，我都分享少少睇法：

「永生」，舊約入面既用字係「活」，除左生物學果種相對於死既活既狀態之外，作為形容只有用係神身上，唔會用係人身上，其中都冇咁形容亞當同夏娃。一般用係發誓，常見格式係「我指住耶和華既永生起誓，XYZ」（例如 民數記14:28），用原文既表達就係「如果耶和華係活既，就XYZ」（而講同聽既猶太人當然都知道耶和華係活，耶和華自己都有咁發誓）。新約既用字就係簡單直接既「永遠既生命」，有神既兒子（即係耶穌）就有，冇神既兒子就冇（約翰一書5:11-12）。

「食左禁果受到懲罰」，如果用返聖經既用字，地受到咒詛（創世記3:17）人要多受痛苦。古猶太人，大部分時間都係農業社會，一般男人耕田，一般女人生仔湊仔。聖經描述既咒詛（因為同賜福既神分開左），就係無論男女，生活冇左神一齊，變得好辛苦好痛苦。（當然成段經文3:14-19好豐富，仲講埋人既關係，耶穌既應許，撒但既結局，你有興趣先再講。）

「神睇千年如一日」，聖經出現左兩次，一次係 詩篇90:4 ，如果由頭（90:1）開始睇，就知講緊相對於神既永恆，一千年都好似一日咁短；另一次係 彼得後書3:8 ，呢度仲連埋「一日如千年」，上下文講緊主耶穌末日再黎果日係好突然咁黎到，神既時間表你係估佢唔到，比人所諗既長左（或者短左）都唔出奇。

「我地咁短命」：基本上，人既壽命同人會犯幾多罪（有幾遠離神）成反比：人開始犯罪之前，去到食生命樹既果子（創世記2:9），犯左罪之後就冇得去食（咁就唔會永遠咁犯罪，創世記3:22），之後人去到好邪惡果時，耶和華就話人會有120歲命（創世記6:3）。

下面係引左既經文。

民數記14:28
//你要告訴他們，耶和華說：『我指着我的永生起誓，我必照你們在我耳中所說的待你們。//
約翰一書5:11-12
//11 這見證就是：神賜給我們永生，而這生命是在他兒子裏面的。 12 那有神兒子的，就有這生命；那沒有神兒子的，就沒有這生命。//

創世記3:17
//又對亞當說：
「你既聽從你妻子的話，
吃了那樹上所出的，
就是我吩咐你不可吃的，
土地必因你的緣故受詛咒；
你必終生勞苦才能從土地得吃的。//

詩篇90:4
//在你看來，千年如已過的昨日，
又如夜間的一更。//
彼得後書3:8
//親愛的，有一件事你們不可忘記，就是：主看一日如千年，千年如一日。//

創世記2:9
//耶和華上帝使各樣的樹從土地裏長出來，可以悅人的眼目，好作食物。園子當中有生命樹和知善惡的樹。//
創世記3:22
//耶和華上帝說：「看哪，那人已經像我們中間的一個，知道善惡，現在恐怕他又伸手摘生命樹所出的來吃，就永遠活着。」//
創世記6:3
//耶和華說：「人既屬乎血氣，我的靈就不永遠住在他裏面；然而他的年歲還可到一百二十年。」//

究竟份工有幾得閒先有咁多時間護教？

可能佢正職就係做依d野

之前分享過，搵得返，希望幫到你

［冇圖］睇左好多年聖經 你問我答（4）
- 分享自 LIHKG 討論區
https://lih.kg/bweqECV

post(4) #28

如果我有統計資料喺手，我一早就俾人斬....

仲有，香港年輕一代嘅基督徒好多都好鐘意以貌取人，同埋蔑視弱勢社群。

個腦成日充斥住撒但思想，唔肯去愛神愛人，仲要扭曲經文。

成本聖經當廢紙，連一頁都唔肯睇，俾人問到口啞啞，仲好意思喺19年嗰陣為公義而企出嚟。

連弟兄中最小的一個都唔肯愛護，仲自稱基督徒？等做山羊啦你哋！

頭先好擔心你，為左你祈禱，我相信耶穌始終都會比你認識到。
對於我黎講，或者我唯一做到既，就係捱住眼訓分享下點解我對呢個兩個回應不敢苟同。
（都係有D長，慢慢睇，唔洗急）

係神既角度，完全唔係「比本聖經你，自己各有各信啦」。
基督教係由猶太人而出，耶穌自己都係猶太人。

（1）古猶太人既時代
（好關耶穌基督事，但係冇咁直接，有興趣就落下面睇。）
簡單一句：神應承左耶穌會黎。

（2）耶穌基督既時代，教會既成立
（好關教會既信仰事，但係冇咁直接，有興趣就落下面睇。）
簡單一句：耶穌復活就有教會。

（3）教會既發展

因為歷史既原因，東西羅馬帝國分開左，後來各自發展出兩個基督教傳統，就係西歐果邊既羅馬公教（天主教）同東方俄羅斯果邊既正教（東正教）。

羅馬公教後來座擁政治權力，離開左聖經既教導（好多神父自己都未睇過完整既聖經），貪污腐敗，多次有神父想改革，去到16世紀，改革既聲音終於比大眾聽到，其中五個唯獨（拉丁文：sola）既教義將基督新教同當時既羅馬公教分左出黎：
1）唯獨聖經（係權威）
2）唯獨靠恩典（得救）
3）唯獨靠信心（稱義）
4）唯獨於基督（有拯救）
5）唯獨為神榮耀（生活）
因為當時得拉丁文聖經，所以開始左翻譯去德文，英文等唔同語言。

唔同地區都改革既結果係出左唔同既宗派：路德宗、改革宗、長老會、聖公會等等。
針對嬰兒浸禮，以前有重洗派（幫大個左公開認信耶穌既人再浸禮），後來成為浸信會。
每一個宗派都承認聖經既權威，亦都會互相溝通。

其實天主教自己都有改革，又成立左耶穌會。

基要運動，針對後現代主義、自由主義、達爾文主義，帶人返到耶穌既真理。
靈恩運動，為教會既敬拜方法帶黎復興，又鼓勵信徒向聖靈開放。
福音運動，就係跟住耶穌既吩咐傳好消息，使人認識耶穌，同神復和。

呢D都唔係分裂既教派，而係教會入面既運動。而且同一個信徒/教會可以同時受多過一個運動影響，所以夾硬分做一派派黎講係唔符合事實。既然唔係分裂，更加唔存在宗派之間以異端相稱。
約翰福音17章，耶穌更加多次講到屬佢既人合而為一。

（4）聖經教導人要提防既，係假先知同假教師。

彼得後書2:1
//從前在民間有假先知起來；同樣，將來在你們中間也會有假教師，偷偷地引進使人滅亡的異端。他們甚至不認買他們的主人，自取迅速滅亡。//

異端之所以係異端，唔係因為佢地同其他人理解唔同，而係因為一路話信聖經，一路否認聖經，甚至攻擊聖經。佢地以自己為權威，又拒絕同其他宗派溝通。如果有任何人話你知耶穌既教導都冇佢地既教導咁重要既話，要極之小心。呢個危險，聖經一早講左。要小心。
















（1）古猶太人既時代

猶太人既歷史源於接近4000年前，神呼召左亞伯拉罕，一個成世冇仔生既老人，神應許佢後裔好似沙咁多，而且全世界都要因為佢得福。神令到佢同停左經既老婆生到以撒，以撒又生左雅各，就係以色列，以色列生左12個仔，其中一個係猶大（猶太係呢個名後來既翻譯變化），耶穌既養父養母就係猶大既後代。以色列既子孫寄居係埃及，後來大受迫害400年，去到大約1290 BC，耶和華神就用左好大既神蹟奇事，透過摩西拯救以色列人出埃及為奴之家，帶佢地進入應許既迦南地，就係今日重建既以色列國一帶。猶太人到今日仲守緊既逾越節，就係要記得神當年點樣拯救佢地。要知神係度，猶太人既存在就係證據。（呢個係猶太人自己歷史既開始，聖經入面都講左幾次，例如 使徒行傳7章）

神同以色列人立約，就好似男女結婚咁，但係以色列對神不忠，一次一次咁樣離棄神。神就派先知提醒佢地，佢地反而為左繼續犯自己中意既罪，唔悔改，連先知都殺。先知寫左並且編輯好舊約聖經。神同以色列人既關係，就好似個丈夫睇住個情人出去做淫婦咁，呢個係舊約聖經常用既比喻。（例如 以西結書16章）

神派先知叫以色列人悔改，既然佢地堅持唔聽，神就令到以色列既南北都分別亡國（722 BC / 586 BC），只係留返小部分人遲D返返去重建耶路撒冷。但神又應承佢地，預言將來會有一個受膏者（希伯來文：彌賽亞，希臘文：基督），集先知、祭司、君王（三個身份都會被人用油膏抹）於一身，佢係猶太人等待要黎既拯救者。

（2）耶穌基督既時代，教會既成立

於是，神照住聖經既應許，自己親自黎到世上成為肉身既耶穌，教導、醫病、趕鬼，傳天國既福音，充滿恩典同真理，三年之後按住聖經既應許同埋佢自己對自己既預言，被出賣、被鞭打、被釘十字架，三日後復活。耶穌最後晚餐果時同左門徒立新約。耶穌受害之後，門徒驚到匿埋，復活既耶穌向佢地顯現，佢地就開始信耶穌係主、係神（「主」呢個字就係猶太人對神既名耶和華既避諱），並且出黎公開傳講耶穌已經從死復活，按照耶穌既吩咐使人都做耶穌既門徒，又有神蹟跟住佢地。

就係咁，信耶穌係主、係神既人數激增，基督既教會就成立，先係猶太人，然後非猶太既外邦人，耶穌既道傳開，由耶路撒冷去到成個羅馬帝國。同時，因為親眼見證過耶穌在生、受死、復活既門徒開始死，就將耶穌既言行教導寫低左，連埋使徒寫比教會既書信，夾埋就成為新約聖經。

唔知點回應你好,因為我睇完你打呢2段文字我都惗左好耐,不過經常都係覺得「咁樣合理咩?」


先唔講不同派別會唔會稱其他派別做異端

三大派別對聖經解讀我惗已經唔會完全一樣,如果理念完全相同,亦唔會有三大派別之分。而我相信有啲部分亦會有過分解讀,問題係到底點知有無解讀錯誤? 就算係筆錄者都未必對事件記錄得100%準確,原文翻譯做唔同語言,準確性又會有誤差,又經過咁多年,聖經又有無被修改過嘅可能性呢?你呢派解得通嘅內容,隔離派都解得通喎,不過人地點解同你解釋會唔同呢?

舉個例,我先假設聖經所言屬實,你之前有回答我有關禁果嘅問題, 聖經已經寫明係「知善惡的樹」,但你仍然唔覺得食左果實會令人知善惡。相反,聖經無寫就代表無發生咩?例如無記錄低叫夏娃唔好摸,就代表無叫佢唔好摸咩?

我意思係,既唔知事件真實性,又唔知後續解讀有無錯,好難叫人相信,而家上網見到圖或者片,你都唔夠膽100%信曬,何況係咁多年前手抄本

我本身係無睇聖經,亦唔相信有一位神係全知全能

但我覺得係有創造者存在, 佢/佢地比我地可能有更高智能,但並唔係全知全能全善,以我解讀,全知全能代表知曉一切過去未來,而且無所不能,即係基本上係決定曬所有野,佢就係規則。例如,神創造夏娃之前,其實已經知佢會被引誘,佢亦會食禁果,佢已經知道你會點選擇,其實就等於你無選擇。

少少離題

邊個會斬你

唔知點回應你好,因為我睇完你打呢2段文字我都惗左好耐,不過經常都係覺得「咁樣合理咩?」


先唔講不同派別會唔會稱其他派別做異端

三大派別對聖經解讀我惗已經唔會完全一樣,如果理念完全相同,亦唔會有三大派別之分。而我相信有啲部分亦會有過分解讀,問題係到底點知有無解讀錯誤? 就算係筆錄者都未必對事件記錄得100%準確,原文翻譯做唔同語言,準確性又會有誤差,又經過咁多年,聖經又有無被修改過嘅可能性呢?你呢派解得通嘅內容,隔離派都解得通喎,不過人地點解同你解釋會唔同呢?

舉個例,我先假設聖經所言屬實,你之前有回答我有關禁果嘅問題, 聖經已經寫明係「知善惡的樹」,但你仍然唔覺得食左果實會令人知善惡。相反,聖經無寫就代表無發生咩?例如無記錄低叫夏娃唔好摸,就代表無叫佢唔好摸咩?

我意思係,既唔知事件真實性,又唔知後續解讀有無錯,好難叫人相信,而家上網見到圖或者片,你都唔夠膽100%信曬,何況係咁多年前手抄本

我本身係無睇聖經,亦唔相信有一位神係全知全能

但我覺得係有創造者存在, 佢/佢地比我地可能有更高智能,但並唔係全知全能全善,以我解讀,全知全能代表知曉一切過去未來,而且無所不能,即係基本上係決定曬所有野,佢就係規則。例如,神創造夏娃之前,其實已經知佢會被引誘,佢亦會食禁果,佢已經知道你會點選擇,其實就等於你無選擇。

少少離題

首先，我覺得你提出既呢D問題同埋質疑，全部都係非常合理。

我亦都好欣賞你認真諗，你令我諗返起，我一開始想信果時，都冇諗得咁深入。
想當年，我果時只係覺得，咁認真講到死人都翻生，肯定唔係吹水吹出黎（係吹都唔係吹呢樣），一定係有D料到，於是就繼續聽住先。講到好似好老咁

我試下逐點回應下，希望幫到你。

（1）對聖經既解讀

先假設聖經係神完全既啟示，否則講唔到落去（對我黎講呢個假設已經驗證左）。聖經一樣係咁樣形容自己。

提摩太後書3:16-17
//16 聖經全都*是神所默示的，對於教導、責備、糾正、訓練人行義，都是有益的*， 17 讓屬神的人得到充分的裝備*，可以行各樣的善事。*//

（之前分享過咩叫「神默示」，有興趣可以參考下， https://lih.kg/zArfsRX ）

簡答：越接近第一代讀者既解讀，就越原汁原味。解得通成本聖經，就係其中一種正確既解讀。

（1-1）聖經係歷史中，神同人一路互動一路寫出黎。每一卷書卷，都有當時既歷史背景同意義，有佢既寫作原因，例如上面既提摩太後書，按照教會傳統就係大約AD 66-67，使徒保羅坐緊監寫比佢信仰上既仔提摩太既信。雖然面臨殉道，保羅對神仍然滿懷信心，勉勵提摩太要堅強，忠心服侍主，完成傳道的工作。（參考新漢語譯本 https://www.chinesebible.org.hk/onlinebible/index.php 入面既書卷簡介）

當解釋聖經既時侯，進入當時既人世界，先至可以有最準確既解釋，當時大家都係咁諗既話，我地就應該避免用自己既認知取代。（出名例子：耶穌時代既猶太人聽到「地獄」，唔係諗18層，唔係諗折磨，而係諗一個地名，諗耶路撒冷城外既燒垃圾山谷。所以離少少題講句，其實所謂「落地獄」唔係聖經講。）

（1-2）另外，聖經有好多（對於猶太人）明顯既結構，解經係應該尊重返作者既鋪排。
今日既人寫文章，個結構通常係

引言：我覺得X好靚
論點1：隻眼好靚
論點2：個樣好靚
論點3：頭髮好靚
結論：我覺得X真係靚

但係當時猶太人寫野常用既結構唔係咁，而係首尾呼應，包住另一個首尾呼應，一個包一個，最重要既核心放中間。用返上次提過輕省同安息果段做例子：

馬太福音11:28-30
//28 「凡是勞苦、擔負重擔的人，都到我這裏來吧，我要讓你們得到安息*。 29 你們要負起我的軛*，向我學習，*因為我內心溫和謙卑；這樣你們就可給自己*找到安息。 30 因為我的軛是合適的*，我的擔子是輕省的。」//

前後都係講擔子，講軛（放係牛/驢上面既架，運貨/拉車/耕田用），講安息，成段既核心信息係要學耶穌既溫和謙卑，唔睇自己重要，安然處於卑微既環境。（耶穌就係咁做左，神就將佢升高。腓立比書2:9）

（1-3）睇完原本點解，去到應用教導係日常生活，就可以有多好多變化，只要冇同聖經既教導有衝突，我又唔擔心有過份解讀。

（1-4）我細過都係香港讀書同長大，我好習慣考試有標準答案，我都相信受到呢個習慣影響，會覺得好多野都有一個標準答案，尤其係話自己係真理既耶穌同聖經。但係諗真D，又唔係架喎。今晚食乜餸，又或者朋友生日送咩禮物，又或者去邊度拍拖，有好多野都可以同時係啱、係好。

公教、正教、新教三大傳統，拎住同一本聖經，對同神既經歷行三條唔同既路，我唔覺得有一種傳統係所有方面都比其他更加出眾。我覺得三個傳統各有長短，值得互相學習。



（2）聖經既無誤

呢個基本上都同上面係同一個假設：既然係神特登向人啟示，就唔會整本錯既野比人睇。（不厭其煩講多次，對我黎講呢個假設已經驗證左）

聖經係集好多種體裁既文學作品，都係神為左人悔改返去佢果度，而感動先知同使徒寫既。

（2-1）既然有呢個目的，就唔係為左準確記載事實，亦都唔係為左介紹世界點樣運作，即係：用今日既歷史同科學既眼光去睇，係會睇唔中point ，睇漏左最重要既野（仲會睇唔明）。例如

創世記1:7
//上帝就造了穹蒼，把穹蒼以下的水和穹蒼以上的水分開。事就這樣成了。//

就咁睇既，可能會當做天空下面係海，天空上面係大氣層。
不過以前既猶太人既世界觀唔係咁樣，佢地覺得上面都有水，有個平台（穹蒼）托住，裝住上面既水。
（而水又象徵邪惡既力量，神有主權分開水，神係邪惡當中回復秩序。可能你會諗，嘩，任你講啦。但係佢地身處既文化入面，又真係有個邪惡既海神 https://en.m.wikipedia.org/wiki/Yam_(god) ，而聖經又的確有講惡人同水既平行句，例如 詩篇69:14
//求你使我脫離那些恨我的人，
使我脫離深水。//）

（2-2）既然有唔同體裁，咁就應該用返適合既方法去理解。詩歌文體佔左聖經好大比重，如果當左係記敘文，就會難以理解，甚至當錯。例如就上面舉既 詩篇69:14 。

（2-3）雖然聖經既目的唔係記載歷史，但係聖經既歷史性係好清楚。聖經考古，就有好多同聖經相符合既發現。

https://en.m.wikipedia.org/wiki/List_of_inscriptions_in_biblical_archaeology



（3）聖經既翻譯

你講得好啱架，翻譯左真係差好遠。估下呢度講緊咩？

Before my bed lies a pool of moonlight
I could imagine that it's frost on the ground
I look up and see the bright shining moon
Bowing my head I am thinking of home

3

2

1

開估 https://en.m.wikipedia.org/wiki/Quiet_Night_Thought

我地睇中文聖經，有少少似一個外國人望住上面段字咁。係差好遠架，不過有語言障礙，冇計，如果自己冇學，咁唯有聽D識原文，受過正統神學訓練既牧師解，又或者聽神學院老師解。（例如 https://www.youtube.com/@user-ix5de8bw5b/playlists 。利申：我係度頂住檔先架咋）

雖然咁講，翻譯左既聖經仍然係聖經，仍然足夠你去認識到神。少左原文既韻味，睇唔到佢點樣食字，其實冇咩所謂。

（4）聖經既保存

同上既假設：既然神向人啟示，神就將啟示準確咁保存到後世。（對於我：已驗證）

（4-1）關於聖經，耶穌就咁樣講過：

馬太福音5:18
//18 我實在告訴你們，只要天地還沒有消逝，律法中的一點一畫都不會消逝，直到一切都成就。*//

律法指舊約聖經。耶穌作為聖經背後既作者，講聖經既每一個希伯來字母既一點一畫都唔會消逝，代表左神用左超自然既能力，使聖經係歷世歷代中保存好，咁先有得使律法全部成就。

（4-2）現有既聖經既抄本，有99%都同其他互相吻合。

早期抄寫聖經既文士，要做既野就係抄一模一樣既抄本，佢地用左極費時間精神既方法保持準確度，數晒一卷書夾埋有多個字母，記低最中間果個，抄一份再數再睇下要肯定一樣。

不過人始終係人，抄出黎始終有出入。
淨返1%有唔同既位，大多數都係串法既分別，例如美式color vs 英式colour 。
其餘基本上都係一睇就知既串錯字，例如xolor 。
有好少係咁啱寫左另一個字出黎，例如colon 。睇埋上文下理，其實好容易得出邊個先係原本想講果個字。

另外有一類，就係成句/成段多左出黎。有呢D情況，係因為書卷既空白位置原本寫左註釋，抄抄下抄埋落正文。例如：

約翰福音5:3-4
//裏面躺着許多病人，有失明的、瘸腿的、癱瘓的( [ 5.3] 有古卷加「等候水動，因為有天使按時下池子攪動那水，水動之後，先下水的人無論患甚麼病都能得痊癒。」)。//

又爆左字數，好夜喇，訓醒再答埋，有拖冇欠

黎巴引用提摩太後書3:16-17
//16 聖經全都*是神所默示的，對於教導、責備、糾正、訓練人行義，都是有益的*， 17 讓屬神的人得到充分的裝備*，可以行各樣的善事。*//

但鍾意引用希臘文嘅黎巴喺呢個時候又唔引希臘文了 希臘文明明唔係講緊聖經，係講聖πᾶσα γραφὴ，即係所有經文／寫作，從來都無bible嘅意思。

πᾶς,a \{pas}
1) individually 1a) each, every, any, all, the whole, everyone, all things, everything 2) collectively 2a) some of all types

γραφή,n \{graf-ay'}
1) a writing, thing written 2) the Scripture, used to denote either the book itself, or its contents 3) a certain portion or section of the Holy Scripture

另外黎巴自己都識講，提後按照教會傳統就係大約AD 66-67，但點解AD66～67寫嘅書可以包括埋之後AD68~95嘅書／信呢？

又要信Sola scriptura，但聖經本身又無教Sola scriptura，算唔算口口聲聲話自己信聖經但其實唔係信緊聖經呢？