［冇圖］睇左好多年聖經 你問我答（8）

原來係新教刪減聖經 咁黎巴信一個刪減聖經嘅宗教，會唔會喺生命樹同聖城刪分㗎？

啟示錄:22:19 這書上的預言，若有人刪去什麼，神必從這書上所寫的生命樹和聖城刪去他的分。

不屬於任何教派的我唔知有無資格參與討論,因為我唔會搵到啲咩reference出黎,無謂求其Google擺上黎比你地笑

不過從你地討論過程中,令我更加睇到唔同人/派別對聖經解讀都好唔同,而果種理念/解讀不同並唔係話解錯幾個字咁簡單

如果一個指引係無標準答案,咁後人要點解讀?一時又話只係寓意或者修辭手法,並唔係真係咁。
傳道嘅人就算講多句,後人嘅解讀已經可以好唔同,好似以訛傳訛咁,咁有意思咩?

其實無話有冇資格討論嘅，有合理嘅問題就隨便問就得，大家都係求知或者用宗教term，尋真理啫。你見樓主答你問題都好客氣，當然合唔合理／解唔解得通又一回事。
例如你見我引用咁多問題，全部都係唔同宗教／唔信教嘅人會問嘅問題嚟。

唔同宗教有唔同嘅標準答案，例如天主教有教宗做決定，正教有總主教議會做決定，甚至樓主攻擊你聽過嘅耶和華見證人都有最高決策人。
咁當然每個派嘅解經都有少少唔同，但最少人哋個教有個標準答案。
而新教因為信唯獨聖經，但每個人對聖經解釋都唔同，就變到無標準答案，否則唔會單係美國就有4萬幾間唔同嘅新教組織

真係唔好意思，全日都咁忙，琴日條問題都未答完，就比挑戰聖經既人不斷挑戰。

如果神留低本聖經唔理，咁樣真係唔知點解好。不過，好消息係，神係度。

神既指引，就係由神自己黎解，佢就係個標準，因為神係活神，會按照你遇到既事，用聖經同你講野。冇一個定死左既標準，因為你既需要會變。
創世記3章我以前睇過又講過，正如你見到咁，但係從來未試過咁樣解，我呢次比你既解釋係你果一刻你需要既，所以神叫我咁解，我自己講完都覺得有D驚訝，原來咁啱用都得。我睇到既係神既工作，你要睇都會睇到更多。
你未試過既話，咁樣聽落好抽象，但係你向耶穌講野，佢真係會答你，試過你就知。
我試過所以知道可信。我經歷過神既真實，係同聖經講既一模一樣，而你會都經歷到更多。

馬太福音7:7-11
//「祈求，你們就得到；尋找，你們就找着；敲門，就給你們開門。 8 因為凡是祈求的，就得到；尋找的，就找着；敲門的，就給他開門。
9 「或者這樣說，你們中間有哪個人，兒子要餅，反而給他石頭呢？ 10 又或者，兒子要魚，反而給他蛇呢？ 11 你們即使邪惡，也懂得拿好東西給兒女，何況你們在天上的父呢？他更要把好東西賜給求他的人了。」

我原本都唔想多評論，不過見你比人當正係獵物咁，用盡方法令你認識唔到神先安樂，反而正正就係聖經所講既情況。（蛇對女人說…）

至於我，不斷為你祈禱。

如果你有興趣認基督既信仰，又方便既話，歡迎你去 lihkg.church@gmail.com 搵我。

你想要既標準係點黎？如果你講係我既標準答案，咁標準係我度；如果你話耶證既標準答案，標準可能係耶證教主度；又如果你話係神既標準答案，標準應該係神度。

單憑人既智慧又點能夠達到神既標準呢？咁在地上的答案去唔到神的標準又如何呢？因此我地就應該放棄認識神？

我反而覺得有標準答案先怪，因為呢個標準充其量只係人既標準。我地做既應該反而係參考唔同答案，比較，得出相對比較合乎真理的答案。

其實你講得好啱既係，「傳道嘅人就算講多句,後人嘅解讀已經可以好唔同,」所以，生命要自己經歷，三觀要自己提煉，（for 信徒：聖經要自己讀），我地先會愈認識真理，別人既解法參考下可以，唔好盲目地take in。

冇見一排，親巴又活躍返。

的確，唔會信徒好多時有唔同睇法。我唔同既睇法都會參考，最後得出自己認為最合理既睇法。

先講馬堤亞，我傾向相信佢係使徒，即使聖經冇再講起佢。但呢個是與否既問題會點影響我地對真理既理解，比呢個是與否既問題既答案本身重要。

至於「第一世紀被視為聖經嘅馬提亞福音」，恕我孤陋寡聞，我想請求出處。如何得知馬堤亞福音第一世紀被視為聖經？

但係咁咪違反左聖經好清楚寫明要跟既教導？

有人話保羅開創了基督教
https://www.gotquestions.org/T-Chinese/T-Chinese-pauline-christianity.html
點睇依種講法

你想問我定黎巴？問我嘅話個答案係同新教信仰完全唔同㗎喎

或者可能你就係蛇，係聖經講緊嘅假師傅呢 喺連登獵食去引人入三一異端神

哥林多後書:11:4 假如有人來，另傳一個耶穌，不是我們所傳過的，或者你們另受一個靈，不是你們所受過的，或者另傳一個福音，不是你們所得過的，你們容讓他也就罷了。

彼得後書:2:1 從前在百姓中有假先知起來，將來在你們中間，也必有假師傅，私自引進陷害人的異端，連買他們的主他們也不承認，自取速速的滅亡。

喺猶太教眼中，你就係引人離開獨一耶和華，信耶穌係神嘅褻瀆者。

喺伊斯蘭教徒眼中你就係引人遠離獨一真神，信耶穌係神嘅假師傅。

喺天主教眼中你就係引人信耶穌基督親手建立嘅大公教以外嘅邪說。

喺正教眼中你就係有敬虔的外表，卻否定敬虔的實質嘅異端教派。

喺耶和華見證人眼中你就係解錯經嘅假師傅。

邊個係蛇、假先知、假師傅都未知

就算係，黎濛兩巴都唔會認
一個拒絕馬提亞係使徒，一個承認，是但錯一個或者兩個郁錯。唔會兩個都啱。但黎濛兩巴都仲要扮到新教好和諧 都未講正教係點睇新教同天主教添

https://youtu.be/Qdr7u6IP6sg
https://youtu.be/3MzWnO1VfvY

新教嗰d估都估到佢哋會點答，想睇下由唔同角度睇，一個猶太人自己宗教，出左個變革者，點樣由猶太教眼中嘅反叛者變成世界大宗教

唔知點回應你好,因為我睇完你打呢2段文字我都惗左好耐,不過經常都係覺得「咁樣合理咩?」


先唔講不同派別會唔會稱其他派別做異端

三大派別對聖經解讀我惗已經唔會完全一樣,如果理念完全相同,亦唔會有三大派別之分。而我相信有啲部分亦會有過分解讀,問題係到底點知有無解讀錯誤? 就算係筆錄者都未必對事件記錄得100%準確,原文翻譯做唔同語言,準確性又會有誤差,又經過咁多年,聖經又有無被修改過嘅可能性呢?你呢派解得通嘅內容,隔離派都解得通喎,不過人地點解同你解釋會唔同呢?

舉個例,我先假設聖經所言屬實,你之前有回答我有關禁果嘅問題, 聖經已經寫明係「知善惡的樹」,但你仍然唔覺得食左果實會令人知善惡。相反,聖經無寫就代表無發生咩?例如無記錄低叫夏娃唔好摸,就代表無叫佢唔好摸咩?

我意思係,既唔知事件真實性,又唔知後續解讀有無錯,好難叫人相信,而家上網見到圖或者片,你都唔夠膽100%信曬,何況係咁多年前手抄本

我本身係無睇聖經,亦唔相信有一位神係全知全能

但我覺得係有創造者存在, 佢/佢地比我地可能有更高智能,但並唔係全知全能全善,以我解讀,全知全能代表知曉一切過去未來,而且無所不能,即係基本上係決定曬所有野,佢就係規則。例如,神創造夏娃之前,其實已經知佢會被引誘,佢亦會食禁果,佢已經知道你會點選擇,其實就等於你無選擇。

少少離題

（5）創世記3章果段

可能我既用字令到你誤會左，唔好意思，多謝你提出。

我講左食完唔會識「分辨善惡」，我係想連埋個選擇黎講（但係我真係冇解釋清楚），而我講呢句想表達既意思係食完唔識「揀做樣好既事，唔做壞既事」，而按照聖經既上文，只有神眼中既好、同埋神眼中既壞，並冇其他標準，所以我想講既成句係佢地食完唔識「揀做樣神眼中好既事，唔做神眼中壞既事」。

點樣知呢一句成立呢，就係因為佢地真係食左，而後來提及既咒詛（地同人同字根，地受咒詛人都受咒詛，），同埋神同人既分離，就知道食左係唔好。而後來地上面都的確出現邪惡既事，就係神眼中壞既事。

相反，我同意佢地食完係「知道善惡」（創世記3:22講明），而呢個「知道」，我理解做「決定」，因為一旦知道左就有「人眼中某樣野係好/唔好」，而個後果就係人做自己覺得好既事，自己決定咩係好就做。而呢個就係神同人關係破裂既開始。

箴言14:12
//有一條路，人以為正，
至終成為死亡之路。//


（6）事件真實性

你咁講其實係好合理架，聖經的確唔係將全部野都記低晒（其實真係冇可能「全部」野記低晒，記晒都睇唔晒），而聖經資料既揀選，取決於神想透過作者表達既信息。

「可唔可以摸」，的確冇講。不過既然聖經係由神度黎，講到明係神講既野，有理由相信唔會搞錯。另一方面，神講左既野，人有冇做，卻係好清楚。


歷史性既資料係好明顯有揀過，例如猶大國同以色列國既每一代君王，聖經所強調既係佢地對神既態度同佢地做既事，有冇專一事奉耶和華，又總結佢地係神眼中又睇為好定唔好。反而個王朝既其他歷史、政策等等，都係從略。

講到尾，神都係想用聖經既啟示引導人回轉歸向佢，重新建立愛既關係。

（7）神並冇用盡自己既能力。

神有能力知晒未來既事， 所以佢能夠準確咁預言耶穌遭遇到既事，而耶穌都係在生既時侯預言自己既受死同復活。

但係神冇用盡自己既能力，反而放低自己有既。
耶穌再返黎審判既日子，佢有能力知，但係佢選擇唔知。每一個人都唔知，為左果一刻要警醒預備。
佢冇需要受降生受苦，但係示範左將佢原本有既神既榮耀都放低。既然有復活左既耶穌陪住我地，我地就可以放低自己捉住、但係神眼中唔好睇落唔好既事，就係一切既罪。效法耶穌、同佢同行，我地就得到神既能力，唔再需要傷害身邊既人。

腓立比書2:5-11
//5 你們要以基督耶穌的想法*為你們的想法：
6 他本有神的形像，
與神同等，
卻不認為這同等要抓住不放，*
7 反而倒空自己，
取了奴僕的形像，
成為人的模樣；
既有人的樣子，*
8 他就自甘卑微，
順服至死——
甚至*死*在十字架上。
9 因此，神高舉了他，
成為至高，
賜給他那超乎萬名之上的名，
10 使天上的、地上的和地底下的一切，
全都屈膝跪拜在耶穌的名字前，*
11 全都口裏宣認耶穌基督是主，
把榮耀歸給父神。//

我嘅信仰中係接受繼任嘅先知／使徒去接受聖靈啟示去得到更多新嘅解釋／教義。所以保羅進一步解釋耶穌嘅贖罪意思係啲咩，再深入去分析之類我覺得係無問題。而且保羅教嘅最多係有少少個人特色，但最少同我信仰中其他經文講嘅都一致。所以對我嚟講我接受保羅寫嘅嘢係「經文」。

睇返我信仰中都有好多「教義」都係啲人覺得同聖經無關，但我覺得睇你點睇囉。如果一個人只係信聖經(Sola Scriptura)而唔係信神會啟示新嘢嘅話，就唔會接受到我個信仰㗎啦，但如果一個睇了解整本新舊約聖經成書過程，就會知唔會有Sola Scriptura嘅教義出嚟。

最少聖經從來無教過Sola Scriptura，你見黎巴引個段提摩太後書都唔係講Sola Scriptura。

耶穌之後基督教話再無先知，是否覺得不合理

我當然覺得唔合理，因為聖經從來無話過耶穌之後無先知。佢哋最鍾意引用嘅就係呢節（馬太11:12），但如果睇多少少根本就唔係講緊施洗約翰之後無先知，而係叫人信由摩西開始嘅眾先知到約翰嘅先知，如果你信佢呢啲先知嘅話，就會知約翰係以利亞。

馬太福音:11:12 從施洗約翰的時候到如今，天國是努力進入的，努力的人就得著了13 因為眾先知和律法說預言，到約翰為止。14 你們若肯領受，這人就是那應當來的以利亞。

另外主流基督教好鍾意引用呢段攻擊我哋信有先知，但耶穌會警告有假基督／假先知，係必定以會有真基督／真先知出現會咁講。

馬太福音:24:24 因為假基督，假先知，將要起來，顯大神蹟，大奇事，倘若能行，連選民也就迷惑了。

而啟示錄都講過末世會有最少2位真先知出現

啟示錄:11:12 兩位先知聽見有大聲音從天上來，對他們說：上到這裡來。他們就駕著雲上了天，他們的仇敵也看見了。

所以基督口教嘅「耶穌之後無先知」根本就唔合乎聖經

最後，如果好嚴格咁講，我哋係信有活著嘅使徒，使徒已經包晒先知可以做嘅嘢。我哋傳緊嘅係摩西同埋彼得、雅各、約翰呢一位先知同三位原始使徒以天使姿態再返嚟地球，將佢哋嘅聖職權柄再次按手傳畀我哋嘅創教者。

當然我明外人聽起嚟會覺得天方夜譚，但最少我哋有宣稱持有彼得由耶穌到得到嘅權柄，呢個同天主教同正教所宣稱嘅都有同等意思。反而係新教無呢個宣稱。

馬太福音:16:18 我還告訴你，你是彼得，我要把我的教會建造在這磐石上，陰間的權柄，不能勝過他。〔權柄原文作門〕19 我要把天國的鑰匙給你，凡你在地上所捆綁的，在天上也要捆綁，凡你在地上所釋放的，在天上也要釋放。

用啟示錄11章黎支持耶穌之後仲有先知，係明顯曲解聖經，原因有三。

（1）啟示錄開首表明成本書係耶穌基督既啟示（1:1），並且清楚表明耶穌基督係alpha 係omega ，係創始成終既主（1:17-18），而耶穌就係坐係寶座上既神（21:5-6，22:12-13）。

因此，話耶穌之後仲有先知既謬誤，就係無視耶穌創始成終。

啟示錄1:1-5
//1 耶穌基督的啓示，就是神賜給他，要他把那必定快將成就的事，指示他的眾僕人*；他就差遣天使*顯明給他的僕人約翰； 2 約翰就把神的道和耶穌基督的見證，凡是他所看見的，都見證出來。 3 那誦讀這預言*的人，以及那些聽見這預言*又遵守其中所記載的人，有福了，因為時候快到*了。

4-5 約翰寫信給在亞西亞的七個教會。

願今在、昔在、來臨中*的那一位，與他寶座前的七靈，並耶穌基督——就是那忠信的見證人*、在死人中那首先復生的*、地上眾君王的元首——賜予你們恩惠、平安！//

啟示錄1:17-18
//17 我看見他，就仆倒在他腳前，好像死了一樣。他用右手按在我身上，說：「不要怕！我是首先的，是末後的，18 也是永活的；我曾死過，看啊，我現在活着，直到永永遠遠；我拿着死亡和陰間的鑰匙。//

啟示錄21:5-6
//5 坐在寶座上的那一位說：「看啊，我把一切都更新了！」又說：「你要寫下，因為這些話是忠信和真實的。」 6 他又對我說：「成了！我是阿拉法，也是俄梅嘎*；我是開始，也是終結。我要把生命水泉的水無償地賜給口渴的人。//

啟示錄22:12-13
//12 「看啊，我必快來！賞罰在我，我要照各人的行為報應他。 13 我是阿拉法，也是俄梅嘎*；是首先的，也是末後的；是開始，也是終結。//

（2）啟示錄相當精彩既結構，以「開」作為標記（啟示原文apocalypsis就係揭「開」原本遮住既野），連同引言結語，非常公整咁分開做7段，屬於倒影結構，中間5段係耶穌基督向使徒約翰啟示既5齣有聲有畫既戲，將睇唔到既現實揭開出黎（因為當時信徒睇到既係敬拜羅馬皇帝既場面同埋佢地唔拜而受到既迫害），個現實就係耶穌基督作為神既超然身份。

中間既第一、三、五段都係以榮耀既耶穌基督作為主角：
第一段（1:9-3:22）向佢自己既眾教會說話；
第五段（19:11-22:5）有隨從敵基督既所有靈界同地上既勢力，連同假先知，要同騎白馬（得勝既象徵）既耶穌爭戰，而耶穌靠從佢口出既（神既說話，即係聖經）不戰而勝；
第三段（11:19-15:4）以耶穌降生開始，然後撒但攻擊佢同屬佢既人但唔能夠勝過，以出乎意料之外既釘十字架作結。

而第二段（4:1-11:18）同第四段（15:5-19:10），以七印、七號、（七雷、）七碗為主線，以三個角度分別描寫連串歷史事件：
七印既角度，係出於教會，受緊迫害既教會。
七號既角度，係出於世界，受緊神審判既世界。
七碗既角度，係出於天上，執行緊神審判既天上，當七個號角冇人理。
第一至第六印係連續，第六同第七印中間有個插曲（7:1-17）：邊個可以站得住腳？就係受羔羊既血蓋印既人。
第一至第六號係連續，第六同第七號中間有個插曲（10:1-11:14）：受羔羊印記既教會應該要做咩？就係見證神既恩典，向唔悔改既人見證。
第一至第六碗係連續，第六同第七碗中間冇插曲，只有一句耶穌既說話（16:15）：警醒既，就有福喇。

按呢個結構，耶穌係11:10-12兩個先知之前同之後都出現，唔能夠話耶穌之前出現過，就話呢兩個先知係耶穌之後。
反而，呢個結構話比我地知，啟示錄段落同段落之間唔係一定跟時間次序（實際上每兩樣耶穌基督比約翰見到既片段都唔一定跟）。

如果要話耶穌之後有兩個先知，唯一可能就係呢一段之前耶穌出現，並且係歷史入面受死、復活、升天，之後再提及呢兩個先知。咁經文係咪咁講？我地一齊睇清楚。上文係約翰從天使手中攞左書卷食左，天使要佢再講預言。

啟示錄11:1-14
//1 有一根好像量杖的蘆葦賜給我，又有聲音對我*說：「起來，量度神的聖殿、祭壇和聖殿裏敬拜的人。 2 但要留下聖殿外的院子，不要量度，因為它已給了外族人，他們將要踐踏聖城四十二個月。

3 「我要賜能力*給我那兩個見證人*，他們要穿着粗麻衣宣講神的信息*一千二百六十天。」 4 他們就是兩棵橄欖樹，兩個燈台，站立在大地的主面前。 5 如果有人想要傷害他們，火就從他們的口中噴出來，吞滅他們的仇敵；如果有人想要傷害他們，就必這樣被殺。 6 他們有權柄關閉蒼天，不讓雨水在他們宣講神信息的日子落下，又有權柄統管眾水，使水變成血，並且能隨時隨意用各樣的災害，攻擊大地。

7 他們作完了見證以後，那從無底坑上來的獸要跟他們爭戰，勝過他們，又殺掉他們。 8 他們的屍首將要倒在大城的街道*上，這城按靈意叫做所多瑪，又叫做埃及，是他們的主被釘十字架的地方。 9 來自眾民族、眾支派、眾語言、眾邦國的人，觀看他們的屍首三天半，又不許人把屍首安放在墳墓裏。 10 住在地上的人都因他們而歡喜快樂，互相送禮，因為這兩位先知曾使住在地上的人受痛苦。

11 三天半之後，有從神而來的生命氣息進入他們裏面，他們就站立起來，看見他們的人都非常害怕。 12 他們*聽見有響亮的*聲音從天上傳來，對他們說：「上到這裏來！」他們就駕着雲升到天上，他們的仇敵也看見了。 13 就在那時，發生了大地震，那城的十分之一倒塌了，在地震中死去的人有七千名，餘下的人都害怕起來，把榮耀歸給天上的神。

14 第二個災禍過去了，看啊，第三個災禍快要來到！//

經文背景同解釋
11:1 「聖殿」唔再存在，AD 70 已經被毀，冇一舊石頭係另一舊上面（馬太福音24:2），約翰係拔摩島果時應該大約係AD 90。啟示錄21章 講左新耶路撒冷，就係新創造入面屬神既人，而且入面冇聖殿，因為有神（啟示錄21:23）。神既聖殿，就係屬神既人，因為聖靈住係入面（哥林多前書3:16，哥林多後書6:16）。所以約翰要量度既，係屬神既人。量度，為左保護佢地（撒迦利亞書2:1-5）。
11:2 聖殿外院原本都係比外邦人敬拜既地方。呢度受保護既係祭司先入得地方，就係羔羊所買贖既新祭司（彼得前書2:5，2:9），其他人得到保護既唯一希望就係回轉悔改。
11:2-3 全部數字都係符號。42個月（11:2），1260日（11:3），都係3年半，七年既一半。42係出埃及到應許之地對岸，中間經過既地方數目（民數記33:1-49），42係亞伯拉罕到耶穌基督既世代數目（馬太福音1:1-17）。但以理書7:25 都有 一年、兩年、半年。42個月/1260日，都係屬神既人受住壓力，要妥協對耶穌基督既效忠既壓力，要作見證既時間。呢段時間唔係永遠咁長，係有限度既。
11:3 「粗麻衣」，係先知着既衫，不過更加緊要既係，粗麻衣代表悔改（如 歷代志上21:16）。先知傳悔改既訊息，佢地自己都一直悔改。
11:4 「兩棵橄欖樹」，出自撒迦利亞書4章，指兩位受膏者，就係所羅巴伯王同大祭司約書亞。
11:4 「兩個燈台」，就係教會（啟示錄1:20），啟示錄2-3入面，7間入面得2間係忠心既見證，不過更加緊要，最少有兩個見證人，見證先成立（申命記19:15，約翰福音8:17）。教會為耶穌基督做既見證，就係世上既光（馬太福音5:14）。
11:5 「如果有人想要傷害他們，火就從他們的口中噴出來，吞滅他們的仇敵」：係以利亞既經歷（列王紀下1:9-12）
11:6「他們有權柄關閉蒼天，不讓雨水在他們宣講神信息的日子落下」：都係以利亞既經歷（列王紀上17:1-18:1）
11:6「又有權柄統管眾水，使水變成血，並且能隨時隨意用各樣的災害，攻擊大地」：係摩西既經歷，對埃及神明既十個審判，其中將尼羅河變成血（出埃及記7:14-25）。
11:3-6 夾埋一齊睇，就係神要比教會能力宣講悔改既信息，並且從反對既勢力當中得勝，正如摩西、以利亞、所羅巴伯、約書亞，直到施洗約翰一樣。
11:7 「無底坑上來的獸」：13章再出現，非人類既敵基督勢力。
11:7「殺掉他們」：敵基督既其中一個手段，因為唔中意基督，所以唔中意埋為基督做見證既人。
11:8 「所多瑪」：最唔道德、最腐敗既城。
11:8 「埃及」：最壓迫人、最硬頸既國家。
11:8「是他們的主被釘十字架的地方」：唔係耶路撒冷，因為已經夷平左。
11:8 「這城」指啟示錄入面叫「巴比倫」、抵抗天國並且迫害耶穌門徒既任何城，當時係羅馬。
11:10「這兩位先知」：有定冠詞，而且 「先知」同上文11:3「宣講神的信息」原文同字根）所以指上文已經出現既兩個見證人，就係好似摩西、以利亞、所羅巴伯、約賽亞，直到施洗約翰一樣，得着神既能力為耶穌基督做見證既教會。
11:10「曾使住在地上的人受痛苦」：聽到悔改既信息，良心受責備既痛苦，係悔改既第一步。
11:10「住在地上的人都因他們而歡喜快樂，互相送禮」：因為悔改而經歷到神既恩典。
11:11「有從神而來的生命氣息進入他們裏面，他們就站立起來」：出自以西結書37:10，枯骨有神既靈就復甦。當你以為見證耶穌既教會被剷除，聖靈使教會重新建立起黎。
11:12 「他們」指上文既見證人。
11:13 「那城的十分之一倒塌了」：對比 以賽亞書6:13 「國內剩下的人若還有十分之一，也必被吞滅。」阿摩司書5:13「以色列家的城派出一千，只剩一百；派出一百，只剩十個。」呢度數字扭轉左，9/10 滅亡變左 9/10 得救。
11:13 「在地震中死去的人有七千名」：對比 列王紀上19:18 「但我在以色列中留下七千人，是未曾向巴力屈膝，未曾親吻巴力的。」呢度數字扭轉左，淨返 7000 變成 死左 7000，用埋上面 1/10 即係 63000 得救。
11:13 全部數字都係符號。數字既扭轉，都係因為見證人既見證，雖然佢地被殺，但係佢地忠心殉道既結果係得救既人「把榮耀歸給天上的神」，呢個係神既恩典。

因此，話耶穌之後仲有先知既謬誤，就係忽略左引用左既舊約經文已經詳細說明左兩個先知/見證人既身分確實係耶穌黎之前既先知。

（3）啟示錄以外經文亦都反對耶穌之後仲有先知。

希伯來書11:1-4
//1 很久以前，神多次用多種方式藉着先知向我們的先祖說話。 2 在這末後的日子，他又藉着他兒子向我們說話；這兒子，神已立他為承受萬有的，神又藉着他創造了世界*。 3 他是神榮耀的光輝，是神本質的真像，他用自己有能力的話語托住萬有。他完成了潔淨罪惡的工作，就坐在高天威榮者的右邊。 4 他所承受的名既然比天使尊貴，他就比天使更崇高。//

先知既時代以經過去。猶太人亦都同意第二聖殿時期開始，哈該、撒迦利亞、瑪拉基死左之後，再冇同等權威既先知。（"The spirit of prophecy departed". Talmud, Yoma 9b, Sanhedrin 11a, Sotah 48b.）

神既兒子耶穌，就係從神而來創造世界承受萬有，神榮耀的光輝，是神本質的真像，即係神自己，佢自己都降生向人完全咁啟示神。冇先知可以比耶穌啟示得更多佢自己。

因此，話耶穌之後仲有先知既謬誤，就係忽略左引用左既舊約經文已經詳細說明左兩個先知/見證人既身分確實係耶穌黎之前既先知。

呢個位，用左「先知」黎理解佢地既身份，就係摩西、以利亞、所羅巴伯、約賽亞。
綜觀全段，兩個見證人係象徵為耶穌基督做見證教會，而「宣講神既信息」專指「傳悔改既信息」，唔需要亦都唔適合理解做「有先知權柄」既人。

我覺得標準應該要係神度

聖經應該係一本指引,目標係引領人認識同親近上帝(希望我無理解錯)

咁一本指引唔應該有標準答案咩? 好似做CPR同用AED咁,指引應該步驟清楚明確,唔睇指引就不如唔好用

除非個目標係可以透過唔同路徑/方法達到,咁指引就相對唔洗寫得太標準,好似寫essay,應該有個大致框架就得

但套用落聖經度,如果大家同意用唔同方法都可以親近上帝,大家亦無謂係度鬥嘴

所以我先覺得應該要有一個標準解釋,咁個標準應該係要由留低指引果位訂, 即係上帝。 如果上帝係全能,咁佢會知人嘅能力可以做到咩地步,指引亦唔會要求你去做你力不能及嘅事,因為上帝係想更多人認識同親近佢

指引清晰明確,就係最直接方法比人更容易認識佢,無標準答案個後果就係而家咁,唔同人有唔同解法,我覺得係違背左上帝希望你認識佢同親近佢呢點


題外話) 如果憑人嘅智慧係無法揣摩上帝惗法,咁我地點知佢係善,佢唔可以呃你咩,咁我要點信佢

今日個耶證姨姨又黎搵我

所以最基本要用人類標準任何話超出人類標準，邏輯都一定會出事，唔用人類標準，唔通用鐵血戰士，異形標準
簡單d就係神嘅善一定係人類嘅善，達唔到就一定有問題，依個係最低門檻黎其餘嘅全知全能都次要

講咁多廢話做乜？聖經都係話過耶穌之後無先知
唔好cherry pick人哋咁大段嘢去講廢話啦

多謝分享。

聖經應該係一本指引,目標係引領人認識同親近上帝(希望我無理解錯)

我覺得你大致冇理解錯呀。我試下用多一個角度，再立體D咁講下：好似一個人既爸爸咁，但係果個人細個冇拖實周圍跑去D小巷，同爸爸散失左，爸爸周圍搵佢，又寫左一封信講晒佢既心底話，周圍派，希望果個人收到，識行返出大街比爸爸搵到。聖經就係呢封信。

但套用落聖經度,如果大家同意用唔同方法都可以親近上帝,大家亦無謂係度鬥嘴

我係個比喻特登強調，唔係我地可以做到D咩親近神，而係神非常主動咁黎搵我地，基本上只要肯，就會比神搵到。

咁一本指引唔應該有標準答案咩? 好似做CPR同用AED咁,指引應該步驟清楚明確,唔睇指引就不如唔好用

CPR同AED有清晰指引，但係對大人同小朋友既做法係有分別（曾經學過少少，希望冇講錯有咩錯請指正），同樣道理，神既指引係對每一個人都唔同，都係度身訂做。整CPE，AED指引既人知道大人同小朋友身體結構有別，而神知道我地心入面既每一個動機，咁當然會為到我地每個人既需要，整到個指引更加適合。

咁神點做到度身訂造既指引呢？神係會黎搵你架嘛。如果你願意開放你個心比佢，係會聽到（收到意念）佢講野。

我諗你kick 住左既位，係未理解到神同人既互動。如果靠人單方面去追求，係正如你所講，有本聖經都唔知點用到。

我因為有睇聖經，所以神會用聖經黎同我講野。試過唔少次突然間諗起某句經文，明明好耐冇睇過，但偏偏又好應景咁講中晒我既狀況同需要，咁我就知係出自神。

題外話) 如果憑人嘅智慧係無法揣摩上帝惗法,咁我地點知佢係善,佢唔可以呃你咩,咁我要點信佢

信神都係因為佢係真。
神講左佢係善，神又係我條命（我諗濛巴都實有野分享）度處處顯出善。
我講得出攞條命黎向你保證（事實上我條命又真係係神手上），如果咁樣對你有任何幫助？
信任既關係，的確係要冒一個險，如果下下都收埋自己，咁係唔會建立到關係。
相反，神為你為我釘十字架死左，係佢冒住被拒絕既傷害向我地先踏出一步。