【新春大吉】經典男裝討論（52）【皮鞋、西裝、皮件、配飾】

從高登到現在，西裝帖歷近十載，雖以西裝、皮鞋為主，但諸如︰皮具、皮製品保養、工裝衣物、鞋靴及飾物都歡迎大家討論。惟望大家討論前先詳閱規則與資料。基本資料將置於頁首供參考，同時為免爭執及誤會，望各位將心比已，免傷和氣。

一、凡事理性討論，和氣為重，以理服人，勿人身攻擊。

二、技術相關話題，或較深入之討論，請附以圖片解說，以便理解。

三、建議有能力之同好多分享自身穿搭。

四、此帖歡迎折扣資訊、購買方式等討論，亦歡迎商家表明身份加入討論，但請自重勿作鬼祟「打手」之舉。

五、勿提問頁首相關基本資訊，如有出現亦望各位善意勸導，不必過度於日經／月經內容延伸。

六、評論商品好壞請附上一手照片，一圖勝千言，亦能避免「有心人士」惡意攻擊或刻意胡亂吹捧商店的情況出現。

七、勿理伸手黨。

常見問題雜錦︰

Q1、西裝日常應該如何護理？
A1、每季度乾洗一次，勿過度洗滌，日常只需以熨斗熨整同時高溫消毒即可。

Q2、如果羊毛西裝滴到油污應如何處理？
A2、如範圍不大，請先以適量清水小範圍沖洗，再以專用去油漬劑（如順風牌）進行小範圍處理；如範圍較大則應送往乾洗店處理。

Q3、為何我的西裝不耐穿？
A3、除日常護理外，如經常需要穿著西裝的朋友應最少準備3到四套西裝輪換，一套西裝尤其西褲一周不應穿著超過兩天，亦不應連續兩日穿著同一套西裝，既不衛生，亦大大降低西裝耐久度。

Q4、皮鞋的日常護理需要甚麼用品？
A4、就全顆面小牛皮鞋的基礎護理而言只需要一罐滋潤霜（Conditioner）、一罐清潔劑、一至數罐鏡面蠟、一個馬毛刷即可，麂皮、特殊皮革則有專用護理用品。

Q5、皮鞋壽命一般多長？如何延長皮鞋壽命？
A5、以Goodyear Welted皮鞋為討論基礎的話，鞋底可換，一般而言能穿到皮面損壞為止，從幾年到幾十年不等，皮面壽命則視乎鞋主的使用方式。適度進行保養、多買幾雙鞋輪換皆可大幅延長皮鞋壽命。

Q6、有沒有推薦的乾洗店？
A6、預算充足的話一律建議Jeeves。

Q7、新手入門應挑選甚麼布料？
A7、辦公室使用為主的話推薦深灰色或藏青色100支左右精紡，如只是為Smart Casual打扮而買則不用拘泥，挑選自己喜歡的顏色即可。起步建議純色，會較有花色的面料更泛用，方便分拆搭配。

Q8、恤衫應該到哪裡做？
A8、在香港，有預算的情況下一律建議Ascot Chang。

Q9、試穿西裝時應注意甚麼？
A9、（成衣、毛樣試穿皆然）請務必記得帶上恤衫及皮鞋，或則袖長、褲長、領子等的檢查將難以推定。注意西裝不能過緊或有拉扯，西裝領子應緊貼恤衫領（或各類有領衣服），懸於領上而非拱起。

Q10、身材有所變動，西裝不合身了應該怎辦？
A10、如果是訂造之衣物，可帶往製作該衣物之裁縫店進行修改，費用會較為相宜，亦更懂得如何處理。如果是購買的成衣，則可帶往如︰天倫洋服等專職修改的店鋪進行處理。

Q11、作為新手，應如何選擇自己第一套西裝？
A11、這視乎用家自身需求及使用場境。如見工、辦公室使用，建議藏青色或深灰色淨色套裝，採較低調保守的款式為主；如日常穿搭使用，則可按自身習慣及喜好挑選。一般而言，除特殊場合著裝外，顏色愈深、款式愈簡單則愈正式，反之則較休閒。

亦可參考下方兩連結中的內容，為香港著名西裝店W.W. Chan & Sons 主事的Patrick Chu 及其徙 Arnold Wong對一些新手問題的看法︰

https://lih.kg/uqENeGX

https://lih.kg/uqENeHX

Q12、關於顏色方面的配搭應從何入手？
A12、喜愛及適合的因人而異很難一概而論，應參考自身情況及皮膚顏色處理。就一般情況而言，如果是對顏色把握沒有信心的話可以挑選飽和度較低的顏色，且身上主要顏色區塊控制在三到四個，會較為穩妥。顏色搭配方面可參考下方連結︰

https://www.shutterstock.com/zh-Hant/blog/complete-guide-color-in-design

Q13、為何西裝要Full Canvas？不同價錢既又有何分別？
A13、西裝外套一般而言是有所謂的「結構」，簡而言之，這些結構是為了令西裝呈現出客人／ 裁縫心目中的線條而出現。作為結構既物料一般有兩種，一種係熨到布上的黏襯（Fuse），另一種是縫在布上的毛襯（Canvas)，它們可以獨立地出現，亦可以混合地使用（Half Canvassed）。

而因為黏襯是一片膠膜，不論使用的黏襯多薄，也不論有否混以毛襯以Half Canvassed的形式出現，只要布料上加了黏襯，都必定會使西裝變得焗促，在天氣悶熱的香港尤甚。因此，在經濟條件許可的情況下，只推薦全毛襯結構的西裝。

至於不同價格帶的全毛襯西裝，手工上會有較大差別，可參考下方連結︰

https://lih.kg/tCmOReX

除了手上毛襯以外，部份本地裁縫店、國內外成衣及大型服裝品牌也會提供機器縫合毛襯結構的選擇，與價格較高的手縫毛襯其差異主要為，手縫可以控制走線的密度及方向，而機縫則從始到終只能往一個方向走，可參考下方連結。

https://lih.kg/tCmPjkX

Q14、皮帶、吊帶、皮件等飾物應如何選購？
A14、因各人預算、審美、偏好不同，難以給予具一致性的建議。目前帖內巴打們嘗試過又覺得可靠的，皮帶入門可以訂購Equus Leather，稍加預算亦可選擇本地匠人如︰Roco Leather、Kenneth Leather等，皮匠一般亦有製作如：卡匣、錢包、皮袋等皮件；至於吊帶方面，目前全球吊帶代工以兩家為大宗，分別是Bretelle and Braces 及 Albert Thurston，兩者皆於全球有大量經銷商，自行按價格及款式選擇即可，如偏如古著風格，一些古著品牌，尤其是日本品牌，如︰Adjustable Custome 等，亦有推出復古吊帶，請各位自行發掘。

Q15、扁平足患者應如何挑選成鞋？
A15、視乎閣下扁平足的嚴重程度，選擇皮鞋會有不同策略。對於情況不嚴重的輕症患者，未必需要放入全掌支撐鞋墊，只需在鞋內放入足弓支撐半墊即可，因此對尺碼選擇影響不大；至於情況嚴重者，則請於試鞋時帶上矯形鞋墊，以配合鞋墊長期使用。惟不論情況嚴重與否，請務必注意鞋子最寬處寬度及鞋腰寬度，機縫外底的皮鞋如鞋腰做窄，鞋內可容納人足的寬度也必然減少，足弓較低、較肥者穿著時鞋子開口容易往外拋開，不舒適也不雅觀，同時亦缺乏空間容納鞋墊。

Q16、訂造西裝一般需時多久？
A16、因每家裁縫店配合的工場（或自家、或外判）工序、手工、流程不一，故沒有一絕對標準答案，保守而言一般是一個半月到兩個月之間，具體情況可參考下方連結。

https://lih.kg/tRmyKNX

前文摘錄：

為方便大家跟進先前的討論以及方便各位檢索，同時鼓勵布興趣、有經驗的巴打分享自己經驗，於此後每個新帖都將個整理之前帖子中的心得分享，因此前討論過於長篇，本人能力有限未能一次過統整所有文章，如果巴打們有發現其他值得PIN起的文章，可以隨時推薦，並將於下一帖子中置於首頁。

牛肉乾︰

關於何謂入門門檻
https://lih.kg/tCmOReX

關於Lapel Roll的技術剖析
https://lih.kg/tCmPjkX

牛肉乾春夏天西裝分享
https://lih.kg/uqENhxX
https://lih.kg/uqENhyX

W W Chan Patrick & Arnold 對新手問題的看法
https://lih.kg/uqENeGX
https://lih.kg/uqENeHX

Beveled waist 介紹
https://lih.kg/uHvotsX

Fishball_boy：

領的構造分享（圖）
https://lih.kg/uqEMMEX
https://lih.kg/uqEMMFX

恤衫基本介紹
https://lih.kg/hELCFT

成品皮鞋推薦︰

流血級︰
Berwick、Meermin

（以上兩品牌爭議較大，有認為可以接受，亦有認為浪費金錢，請自行斟酌。）

叩門級：
Allen Edmond、Yanko、TLB、Carmina、Cheaney、J. FitzPatrick、Loake、Oriental Shoemaker、Löf & Tung
（成鞋表現不盡人意，但整體可以接受者）

撞彩級：
Alden、Vass
（於該領域表現出色，然而品控浮動較大，質素參差者）

入門級︰
Crockett＆Jones、三陽山長、Trickers、Enzo Bonafe
（出品表現穩定、鞋楦選擇充足、具一定規模者）

進階級︰
John Lobb Paris、Edward Green、Gaziano＆Girling、JM Weston、Saint Crispin’s、Cothay、Berluti
（於各自領域表現出色者，具規模且出品穩定，有開創性且價格較高昂）

因本帖主撰寫人牛肉乾為業內人士，其與國外訂製鞋匠的合作品牌因避嫌關係不在此表之內。近年如雨後春筍冒出之成鞋品牌因參考數據不足亦不列於此上。

至於訂製皮鞋因費用高昂，且本地缺乏鞋匠，故只列出市面上成鞋產品；訂製鞋匠相關資訊將以單元方式撰寫，亦歡迎有經驗者於帖內討論。

裁縫推薦

此下列出帖內推薦之裁縫店鋪，乃集帖內眾人之意見，在列者皆為業內較可靠者，同時歡迎各位補充資料。最終價格會因面料之不同而有所變動，價格僅供參考，實際情況以各店報價為準。

此處以價格為分級標準，請自行因應能力選擇；外國裁縫因有關樣本數較少，將以單元方式介紹。


港幣約＄6,000至$8,000預算︰
一、Dream Bespoke
二、 Brown’s Tailor


港幣約$10,000至$14,000預算︰
一、Prologue
二、The Anthology
三、Gordon Yao

港幣約$15000以上預算︰
一、 W.W. Chan ＆ Sons
二、Ascot Chang

本帖主撰寫人牛肉乾為業內人士，其店舖因避嫌不列入此表。

以上所列者皆長期提供西服訂製服務。諸如︰The Armoury、Bryceland’s等以國外裁縫訂製會、品牌MTM為主的買手店則不在此列。

預算不足者，則建議購買下列品牌之成衣或Made To Measure。雖效果與手工含量不及上列店鋪，但在有限預算下不失為可取之選。產品價格及詳情可於其專門店或網站查詢。

一、Suit Supply
二、Spier & Mackay

而預算低於三千港幣一套的朋友，因市面上此般價格之產品用料、造工差劣，只建議提高預算。身不由已者，建議到Uniqlo、H＆M、Zara等廉價品牌選購，以節省開支。

係度講多兩句，其實咁多個帖以嚟雖然主要做整合既人係我，但各位巴打們都提供左好多唔同既意見同購物經驗，亦都係因為有大家既意見，先可以整合到帖頭既資訊。

留意到近幾個帖以黎，打伸手牌唔爬文既情況愈黎愈多，好多月經問題資深巴打們已經答到唔想答咁滯，由衷希望各位巴打問問題之前先黎一黎帖頭有無提及，我相信如果係無提及到既，各位熱心巴打們一定好樂意為大家排疑解難。

不經不覺，皮鞋同西裝都買左十幾年，當年網上資訊貧乏（尤其中文資訊），好多野都係靠親身去試，翻譯外國文章，同埋網上同同好分享、討論而學習番黎，雖然麻煩，但一步一步印咁學習，過程中遇到唔少同好，係一件幸事。如今線上環境已同當年我初入坑時大有不同，網上充斥著好多唔同既文章，甚至可以話資訊有點泛濫，當中有好文章，亦有錯誤、誤導既資訊。

經常同大家講，唔好做伸手黨，做下功課先，互相尊重，除左係想令討論環境更好之外，亦係為大家著想，網上資訊真假難分，有做功課，了解多啲件事，先可以盡量避免自己被誤導而中伏，係落判斷既時候先可以做到最岩自己心意既抉擇，而唔係一昧跟住人地既意見去做。

再者，每個人既需要同喜好都係唔一樣的，除左客觀工藝上、用料上既資訊，係經典男裝既世界入面亦有好多關於審美、關於風格同關於喜好既事，呢個係經典男裝既魅力，同時亦係旁人無辦法俾意見既地方，與其一昧靠人推薦，何解唔自己做下功課打打基本功，再大家一齊開心討論呢？希望各位共勉。

最後係度祝大家新春大吉、恭喜發財、身體健康、兔年行好運、日日著靚衫。

想請問吓隻皮鞋d皮爛到咁有冇得救?

劉明一生危

留名留名

留名

尋日攞套衫去銅鑼灣jeeves到洗 原來31號last day
另外中環jeeves到二月尾都有7折

LM

會唔會做唔住

銅鑼灣分店執？

裂左就無了，著到爛買過對啦

個經理話利園大裝修所以暫時唔開住

我最近兩間都起過
應該只係銅鑼灣lee garden 裝修影響，中環揸打大廈有繼續開

明白了. 謝謝

我淨係去普通乾洗店，其實個分別有幾大？

Shearling coat有冇巴打知點先叫好quality?
係咪毛密夠厚 順滑有光澤 皮板唔硬 就可以入手

人在外國 呢排好L凍 諗住去vintage鋪執件shearling頂一頂 見好多都unbrand /google唔到牌子 唔知點揀

類似呢啲款

呢件loro我有

好取決於你洗啲咩。如果你只係洗下普通羊毛冷衫、普通羽絨咁應該分別不大，但如果係洗西裝、特殊finishing既衫、又或者簽名波衫之類，分別就都幾大下。

首先佢地有好多唔同既機可以做spot clean，高壓蒸氣、高壓水槍etc. （有興趣想知既朋友可以睇佢地啲youtube片，都介紹得幾多下），所以係需要清理居部污穢、霉班等等，同時又唔想傷到啲刺繡、簽名、喱士既時候就好有用，同埋佢地專業在知道各樣既別應該用咩步驟同方式去處理，始終佢地收得貴，又做開貴價市場要應付班有錢人同啊太，得罪人可以好大鑊，所以處理各樣野上相對會比較小心。

另外就係熨方面，呢個同西裝比較有關，現時大部份既乾洗鋪，包括中價既例如白洋舍，乾洗完西裝既熨整都係用機夾，所以成日會聽到3扣2俾乾洗鋪熨左做3扣，Double pleated西褲俾人熨左兩條骨出黎之類既情況，因為佢地機夾係無三扣二呢樣野，佢地啲工場師傅見到有三粒鈕，咪格硬夾左佢做三扣。而Jeeves主要都仲係師傅人手熨，比較上無咁易炒車。當然，呢個對識熨衫既巴打黎講問題不大，熨衰左咪自己再熨過，但對於唔識搞或者屋企個熨斗唔夠力既朋友黎講，熨炒左都幾頭痕。

仲有一樣我覺得好緊要既係，佢地交衫上門既時候會配埋闊衣架，袖入面領底之類會塞紙，當然衣架只係膠，唔係甚麼貴野，但係最少運到去你屋企既時候件衫係企企理理，唔會話呢度又摺左果度又皺左。

雖然jeeves真係收得好貴，洗一套西裝都成三舊水，但佢如果本身洗既野比較貴，又或者唔想咁多麻煩／炒車，Jeeves呢個錢係抵俾。

買唔起loro 我求其google咋
想知貴shearling同其他比有咩分別
咁先可以係堆vintage入面揀下有冇好野

我見Permanent style同gentlemen gazette 都好少提shearling 唔知點睇

冇乜點買呢類產品，我都係得一件，都係留返俾其他巴打答你