[鐵膠多圖]16日由北海道搭JR返九州瘋狂鐵道兼紅葉遊

可能過咗大雪佢就會揭返開

我都試過跑到身水身汗

行完運河之後就行埋附近嘅堺町本通，小樽除咗運河出名之外，亦都係一個好多歷史建築嘅城市，而堺町本通算係歷史建築最集中嘅一條街，差不多每一間建築都會見到呢一塊指定歷史的建造物介紹　


大部分歷史建築而家都有新嘅角式，好多都係改裝成賣玻璃或者音樂盒嘅鋪頭，就算大家唔買嘢都可以入去行吓睇吓

呢條就係堺町本通




本身冇諗過午餐都食海膽，不過見到呢一間餐廳嘅海膽丼只係賣3980Yen就忍唔住入去又食多次
雖然今次係平啲，但係一樣都係咁好食

雖然話堺町本通好多賣玻璃嘅鋪頭，不過細心留意其他大部分都係北一硝子或者大正硝子，同以前西洋菜街啲電器鋪唔係豐澤就百老匯一樣

行到堺町本通盡頭就會見到座常夜燈，咁就行完堺町本通可以返轉頭架啦

不過返轉頭之前都可以繼續欣賞吓呢度啲咁靚嘅建築



如果撞啱00分，呢一座世界第一座嘅蒸汽時計重會有報時添

行完堺町本通之後都差不多夠鐘要返小樽站，呢個時候太陽已經開始落山


今次搭4點32分嘅快速エアポート返札幌

今次都係坐733系

搭得快速エアポート當然利用Pass嘅優勢預約埋U seat

快速真係快啲，半個鐘左右車程就返到札幌站

返到札幌後，第一個鐵膠行程要出現啦，就係搭5點30分特急オホーツク去旭川


而今次搭嘅車型就係キハ183系，呢一款車係非常特別，所以講一講背景先
キハ183系喺1980年國鐵年代已經投入服務，至今已經有42年，初投入服務時當然係北海道皇牌特急列車，特別係主力用於來往函館同札幌嘅特急北斗
不過隨住新列車包括キハ261系、キハ281系、キハ283系等等開始研發同投入服務，キハ183系亦都由主力慢慢開始退落嚟
但由於キハ183系嘅全能同多謝國鐵年代製造時嘅鋼水夠好，キハ183系仍然可以喺北海道不同地方繼續第二甚至改造成觀光列車，令到キハ183系風采不減
不過隨住JR北海道有更多キハ261系投入服務，キハ283系將會轉戰石北本線，喺不久將來取代喺度服務多年嘅キハ183系
而今次都極大機會最後一次坐到キハ183系



キハ183系另一個特色就係升高咗50cm嘅Green Car，配上更廣闊嘅車窗就可以等乘客欣賞到更多景色


而2022年咁啱亦都係石北本線全線開通90週年，真係好希望有一日可以深度遊北海道，搭晒成條石北本線去到網走

最後搭咗1個鐘頭多啲去到旭川就落車

旭川暫時係我喺日本去過最北嘅地方


旭川市道路設計好好，由旭川站一出，一條大直路就可以去到最市中心最熱鬧嘅地方

同樣地喺出發前我已經係網上搵定旭川有冇想食嘅餐廳，今次嚟到就試吓好多人介紹嘅天金

選擇主要都係醬油、味噌同鹽味3款


我揀咗7號有牛油同粟米配醬油湯底，另外亦都叫咗一份餃子，相比起信玄我會更喜愛天金，我覺得佢係更加好味同啱我口味

食飽後就行返去旭川站


返到去車站見未夠鐘搭車，就係旁邊嘅Aeon行一陣，雖然只係11月但已經佈置好晒聖誕樹

部份キハ183係用V12引擎

樓主一定係肥仔黎

旭川大約1個鐘頭就會有一班車返札幌，通常係00分開出嘅789系，有時係特急カムイ有時係特急ライラック，不過9點左右呢個時間會有兩班分別來自稚內同網走嘅特急返札幌，所以就冇00分開出嘅列車，於是我回程再次搭到キハ183系行走嘅特急オホーツク

旭川站月台會有屏幕顯示列車停車位置

又再次見到キハ183系


上到車後就拎返剛剛喺Aeon買嘅提子同雪糕出嚟食

同樣1個鐘頭多啲車程就返到札幌

落車後發現後一班由稚內去札幌嘅キハ261系特急宗谷都返到札幌，咁就一次過影晒兩架車先
返到札幌後由於太夜加上第二朝要一早起身搭車，所以都直接返酒店休息

有無玩呢部機

呢部係人，唔係機

食飽後就行返去旭川站

下？
真係好鐵膠

鐵膠係咁㗎喇

咁又冇留意到，不過啲引擎聲係幾好聽

是

而家睇埋F1之後對d引擎之類嘅嘢好敏感

冇用到，我好似冇見過添

我反而有用傳統機然後叫人幫忙，真係喺隔離打開塊板伸個頭出嚟

正確，為咗搭キハ183系所以來回旭川食個拉麵

F1其實幾好睇，不過我鍾意法拉利所以唔係好想睇

今日未夠6點就起身，6點23分已經到札幌站，就係為咗搭頭班車特急ライラック1號

雖然特急ライラック同特急カムイ都係由札幌去旭川同埋用789系，但特急カムイ用789系1000番台係冇Green Car，只有由函館調過嚟行走特急ライラック嘅789系0番台先有，所以好好彩咁今日搭到特急ライラック

789系0番台第1卡後半部分係一個迷你普通車廂只有4行共14個座位


前半部分就係有15個座位嘅Green Car


開車後就將琴晚喺旭川Mister Donut買嘅比卡超拎出嚟食


食飽之後喺車上睇吓風景，1個鐘左右就到達深川站

喺深川落車其實係準備第二個鐵膠行程，就係搭留萌本線
本身以為停咗喺度呢一架車就係一陣會搭嘅車，於是開定個電話準備影佢

點知原來要搭嘅車已經俏俏入咗站，今次搭嘅係キハ54系

1卡車廂入面已經差唔多全部卡位都有人坐，而且大部分乘客都係搭足全程，唔知係就快廢線所以多人坐定係本身都差唔多客量呢

開車後就周圍影吓相，影吓運轉仕開車


途中會經過一啲比較特別嘅站，好似木建築嘅惠比島站
同埋Google先發現原來呢個車站曾經用作拍攝，而劇中呢一個車站就叫做明日萌

亦都有好似幌糠站呢類用簡易待合室嘅車站

亦都有北海道嘅Fujiyama

搭足全程都係1個鐘左右，好快就到終點留萌站，留萌市自稱係日本第一夕陽，不過今次我會原車離開，無緣欣賞啦

又喺度講少少背景，留萌本線以往嘅總站其實係去到增毛町嘅增毛站，但由於客量少加上沿線曾經有多次災害發生，令到營運成本非常高，所以喺2016年已經將留萌到增毛一段廢除，而留萌本線亦曾經係全日本最短嘅本線(而家已經變成第二短，最短係日高本線)，而深川至留萌一段亦都已經達成廢線協議，2023年開始會分兩階段廢除整條留萌本線，所以今次都係最後乘坐留萌本線嘅機會

原先以為原車走可以留喺車上面等架車開，點知運轉仕通知我地要落車，咁就順行出埋站外影下留萌站

返到入站舍發現都幾多人排隊等車，難怪要落車出站

留萌市最著名嘅鹽味數之子，原來產量佔日本一半以上

再次搭返キハ54系，不過今次連卡位都坐唔到，乘客數量比去程更多

又1個鐘頭返到深川站後，就搭返10點07分嘅特急オホーツク2號返札幌，冇錯又係キハ183系

1個鐘頭多啲後我地又返到札幌，由朝早6點半出發搭完車返到嚟已經係11點鬆啲

突然出咁多篇，睇唔切

呢部係キハ150喎