[鐵膠多圖]16日由北海道搭JR返九州瘋狂鐵道兼紅葉遊

你用邊款pass?
如果用北海道周遊pass，坐特急唔駛補錢
詳細資料：
https://www.jrhokkaido.co.jp/global/chinese/ticket/railpass/index.html

鐵膠嚟講，睇吓你分享啲車、風景都好開心

我未必有下次咁瘋狂啦，就算買全國都可能只係要坐東海道新幹線

睇完你篇嘢再睇返自己北海道嗰篇，真係變咗好多咁

我以為你講全國Pass

咁北海道我都係建議火車+租車配合嚟玩

如果有Pass當然火車，冇就睇價錢做人都啱嘅

我個細喼本身唔重，擺晒嘢都係7字頭唔過8

係架，一個武肺啲嘢可以唔同晒，我去過咁多次九州都好，今次去都係好有新鮮感

LM先

當年去到留萌駅真係打算去埋黃金岬點知架濕鳩巴士星期日唔開
計過數都係放棄影埋條廢棄鐵橋+食碗拉麵就走人

其實特急買來回都係5550

https://www.jrhokkaido.co.jp/CM/Otoku/006557/

樓主個plan咁，點解唔盡d搭內陸機去稚內，由稚內開始搭JR遊落鹿兒島

試下用45L行山背囊，啱啱好 hand carry，其實真係好方便，如果自己冇乜物慾唔買好多嘢嘅話。

或者準備多個手提袋收埋，行程尾站喺大城市購物。

係Plan嘅時候已經知唔開定去到先知

滑雪咁更加唔怕大雪啦，最多咪留多啲時間喺滑雪場

我有諗過，但我由福岡出發只係飛到新千歲飛唔到稚內

我就係盡量唔帶多餘嘢，有咩真係唔夠咪去到日本買

一起身由酒店房望出去，見到藍天白雲就好開心

喺電梯口就可以望到函館山

同埋一陣我地會去嘅函館朝市

Check out後先將行李放喺酒店，然後就行去函館朝市，由酒店行過去都唔洗2分鐘



函館朝市分咗幾個部分，有好似築地場外市場咁係街邊鋪頭，亦有橫町市場，喺行完成個朝市一次之後，覺得橫町市場入面呢一間餐廳吸引啲，於是就決定幫襯佢

今次叫咗函館丼，有蟹腳、海膽、帆立貝同三文魚籽，每一樣都係我好想食嘅

可能係疫情太耐冇接待過海外遊客嘅關係，食飽埋單後，估唔到重有小小嘅紀念品送返

食飽後就搭函館市電去五稜郭公園前站
五稜郭果然名不虛傳，連地下指示都要五角形


雖然個車站叫五稜郭公園前，但其實由落車行到去五稜郭公園都要10-15分鐘

去到五稜郭公園先參觀五稜郭塔

五稜郭塔入面有介紹日本二十塔，而我第一次認識二十塔就係睇過一個巴打一個旅程去晒二十塔，呢個巴打都係我去日本旅行嘅其中一個啟蒙

五稜郭塔入場費900Yen，買完飛就搭電梯上去展望台啦

上到去展望台就見到五稜郭嘅模型

除咗模型亦都有展板介紹五稜郭嘅歷史


由五稜郭塔高空俯瞰五稜郭公園，11月初有埋紅葉真係超靚


另一邊望出去就可以見到函館山

五稜郭塔嘅影

睇晒5邊嘅風景後，就可以落下一層繼續參觀


下層除咗有紀念品店、Cafe等等外，亦都有透明地板，又係考驗大家有冇畏高嘅時間

最後喺下層影多次五稜郭公園，就參觀完畢準備落去公園行吓啦

特別史跡五稜郭跡

五稜郭公園地圖同介紹

進入五稜郭公園首先要經過一之橋到達半月堡


半月堡係五稜郭其中一個防禦設備，初時設計係5個出入口都各起1個，但後來因為經費不足最終只係起咗1個



由半月堡望出去嘅風景

參觀完半月堡就經過二之橋進入五稜郭中心部分

入到去首先見到板庫同土藏，入面係手信鋪同Cafe


喺板庫同土藏對面就係箱館奉行所，原本嘅奉行所已經喺箱館戰爭後拆除，現時嘅奉行所係近年復原返


但由於日本法例對於木建築嘅規定，復原時冇將整個奉行所還原，只係復原咗一部分

喺五稜郭中心部分參觀完後，就行埋土壘順便睇吓紅葉

喺土疊上面行真係好舒服，特別係紅葉時期就更加有靚，希望可以喺櫻花期再嚟一次


由土疊影返五稜郭塔

係五稜郭公園內亦都有一棵大銀杏，又係非常之靚


行完土疊返到二之橋就離開五稜郭公園，走嘅時候見到有職員好努力咁將啲紅葉吹返入公園入面


由於唔想行返10分鐘返市電站，所以就喺附近搭巴士返去函館站