[鐵膠多圖]16日由北海道搭JR返九州瘋狂鐵道兼紅葉遊

我以為你咁早係去個個8點就收工個特急車站

我打錯字，我想打接近180度

唔係，呢一日行程其實唔太鐵膠

島原站係好古舊嘅車站，重係用人手改札

一出站就見到島原市觀光地圖，不過我要去嘅地方就冇顯示出嚟

由車站直行就見到島原城，不過而家維修中睇唔到全相

大約行10分鐘就去到今次嘅目的地，唔知有冇人認得係邊

6點未夠就起身，就係為咗咁可愛嘅島原三柴

由上面望入去，首先見到福太郎喺屋內休息中

然後就試吓叫佢地，福太郎、豆太郎、小太郎，豆太郎就凸個頭出嚟

豆太郎縮返入去之後，就到小太郎伸個頭出嚟

喺度留咗半個鐘左右，見到佢地都返入屋冇再出嚟就走啦
去探島原三柴要小心車輛，唔好阻塞道路同埋唔好太大聲嘈住左右隔離屋

探完三柴之後就沿鯉の水辺路行去島原港



第一間清流亭旅客中心，除咗有手信賣重有一個超大嘅鯉魚池，大到可以喺店內有透明地板睇魚

喺清流亭對面就係鯉の泳ぐまち，可以喺度睇鯉魚同埋合照


由島原三柴出發，要行成30分鐘先去到島原港

去到島原港就去買船飛去熊本

由島原去熊本一日有7個來回，今次搭第二班10點15分，1500Yen一位


島原來往熊本係搭日本唯一一隻雙體汽車渡輪Ocean Arrow，船程只需要30分鐘

一上船就見到好靚嘅中庭

船頭有啲座位圍起咗，要額外課金400Yen先可以坐

但其實其他座位都好靚，真係唔需要額外加錢


2樓甚至有梳化卡位，比起1樓課金位更正


開船後就可以出去露天甲板睇吓雲仙岳，可惜今日有雨


30分鐘船程就到達熊本，真係好快

熊本我嚟啦

落船後就喺熊本港碼頭行一陣

好可愛嘅水手熊本熊


行完就出去搭巴士，通常船到後20分鐘左右就會有車

搭50分鐘車程左右，560Yen就可以去到櫻町巴士總站，以前呢度係露天巴士總站，而家就起咗新商場

穿過櫻町商場後就去到下通

不過今次就冇慢慢行下通，而係好快咁經下通去熊本熊廣場

去到後第一時間要報名參加3點熊本熊見面會


跟住就入去熊本熊廣場參觀，有超多名人嘅簽名

喺熊本熊嘅Office入面擺放咗熊本熊喺2011年日本吉祥物選舉冠軍嘅獎盃

熊本熊張辦公枱，係熱門打咭點之一

熊本熊自畫像

係呀，就算搵Coin Locker都多好多選擇

尿袋我放背囊，一個都唔係好重

行完熊本熊廣場之後，距離2點45分公佈抽選結果重有差唔多2個鐘，就出去行吓熊本城先

以往由熊本熊廣場行去熊本城可以由最近嘅須戶口門進入，不過自從2016年熊本大地震後，呢個出入口就一直封閉住，而家要進入熊本城參觀就要經長塀行去南口

熊本城喺大地震後好多地方都受損得好嚴重，其中長塀上面嘅馬具櫓更加要解體重修


去到行幸橋後，就可以經行幸坂去南口售票處，然後就跟住藍色路線入城

由行幸坂望出去備前堀，可以見到好多石垣其實都未修復，難怪入城只可以行特別通道

另一邊奉行丸嘅石垣更加係雜草叢生，唔講可能以為係普通山坡

南口售票處整到好靚，由買入場券到行入城嘅路線都規劃得好好

淨係入熊本城就800Yen，2館共通連埋湧湧座(わくわく座)都只係850Yen就決定課多50Yen

入城路線係一條好靚嘅見學道路，條橋起到差唔多同石垣一樣咁高

由橋望出去已經係樹冠，第一次由呢個角度睇銀杏樹

損毀咗嘅石垣就咁用石屎暫時封住

由高處望返落去竹之丸通路，見到好多地方都震到爛到好恐怖，難怪當初話要完全修復熊本城要20年

幸好熊本城著名嘅二様の石垣冇受破壞

行到見學道路盡頭就係本丸御殿

來往本丸同其他地方一定要經過本丸御殿下面嘅暗がり通路，係熊本城一大特色

以往由其他地方進入本丸就係行呢個方向，而家就封咗唔可以行

去到本丸就見到一棵超大嘅銀杏樹

然後就可以睇到熊本城天守閣

進入天守閣前可以睇埋熊本地震後天守閣受損情況

唉當日入唔到去，喺出面影完天守就走咗

熊本熊諗起error

佢好似係近呢一兩年先開放返入去

同生Bear跳舞

開始入去天守閣參觀前，可以睇到其他遠離見學道路嘅地方損毀更嚴重

同舊時一樣要入天守閣參觀順路就係先入小天守


入到小天守後嘅位置就係地下室，可以睇到大地震修復後加多咗幾多抗震安全設備

雖然熊本城天守閣內部係有電梯，但都係決定順路由最低層行上去參觀




上到去一階之後就會睇到熊本城嘅歷史，熊本城前身係隈本城，直到1588年加藤清正入主後加建後先改名熊本城

熊本城天守閣原本都係木建築，雖然喺西南戰爭時未被攻陷，但係1877年就被一場火燒毀，最後去到1960年先重建返

加藤家咁耐以嚟興建過嘅城池，除咗為人熟悉嘅大阪城、名古屋、江戶城等等外，連韓國都有

部分日本名城嘅高度比較，原來最高係名古屋城，比起姫路城重要高

雖然熊本城大小天守閣都係1960年重建，但城內其實都有一座建築物由江戶時代保存到今日，甚至經歷2016年大地震都屹立不倒，就係被戲稱為第三天守嘅宇土櫓



行到去三階後，就會睇到熊本城近代歷史，包括3個流傳熊本城天守閣失火嘅傳說，同埋決定重建天守閣嘅過程


最後去到四階就係講2016年熊本大地震同埋隨後修復嘅情況，如果有曾經捐款支持熊本城甚至可以喺復興城主名單試吓搵唔搵到自己個名

四階之後就冇晒展覽睇，跟住就經過埋五階去到頂層六階展望台，一上到去就望到北邊小天守閣

然後就順時針睇埋東邊，呢度望出去就睇到本丸

南邊就係見學道路同埋新起嘅櫻町商場

西邊就係二之丸廣場同埋金峰山

最後就由展望台影埋東南邊，熊本信用金庫上面嘅超巨型熊本熊

睇完風景就沿樓梯行返落去大天守地下室離開

去到2點45分就返去熊本熊廣場睇抽選結果，順利獲得入場機會

入場時每人會派發一塊板一支筆，同埋板後會有兩張紅色圓形貼紙

然後就可以入場坐低，等待熊本熊出場啦

3點左右熊本熊就出現啦，11月份嘅熊本熊以一身畫家造型出場
https://youtu.be/FP2PkuSRpj8
熊本熊會同大家邊唱歌邊畫畫，超百厭嘅熊本熊用畫筆畫工作人員對手添

畫完之後熊本熊就會公開佢畫成點，同埋叫大家一齊展示出嚟

出場、傾一陣偈、畫畫、再大合照，30分鐘左右好快就過，之後熊本熊就會離開啦

最後就係Fans喺熊本熊廣場內影相打咭同買手信嘅時間，不過我就喺報名後趁人少少已經做晒，唔洗而家同其他人逼，我就近距離影埋熊本熊今日嘅畫作就離開

同熊本熊見面後，就經下通行去新市街嘅勝烈亭食飯

坐低後就會有前菜同磨芝麻嘅用具放低

叫咗鹿兒島六白黑豚豬柳扒定食，好好味超好食，由於我4點前落單，午餐價錢只係1950Yen

另外叫多一客炸蠔，又係好味到唔識形容，絕對唔係香港平時食到嗰啲急凍吉列蠔

食飽後就行去辛島町站搭熊本市電A系統

大約15分鐘車程就去到熊本站，我上一次2017年嚟熊本都重係舊站房，5年後已經拆晒同重建成安藤忠雄設計嘅新站房

新站房門口有熊本熊迎接乘客

昔日熊本站未完全高架化前，來往白川口同新幹線口要經過地下通路，如今已經非常方便地直接地面通過就得

站入重有幾個打咭位啱晒熊本熊Fans，包括東西連絡通路入面嘅站牌

另外我都用JR Pass進入新幹線收費區影埋呢個超巨大熊本熊頭

影完熊本熊大頭後就返在來線區間，搭5點07分嘅車北上


817系普通列車開往銀水

不過我搭30分鐘去到玉名就落車啦

特登由熊本搭30分鐘車就係為咗SL人吉

8620形編號58654蒸汽火車已經喺前一日(2022年11月18號)渡過100歲生日，但JR九州就喺10月時宣佈58654因為維修困難將於2023年開始只作不定期行走，然後就會喺2024年正式退役

雖然呢班車叫SL人吉，但因為而家鳥栖站冇轉台車所以往熊本方向只能用DE10拉動，58654就會喺車尾供乘客影相用

可以睇到唔需要顧及行走狀況嘅蒸汽火車運轉士幾悠閒，佢都好樂意同大家合照

58654初初投入服務時一直都係行走長崎、唐津地區，直到1968年調往人吉後就冇離開過，1975年退役後更加存放喺矢岳站嘅人吉SL展示館。

不過1987年JR九州希望可以重新以觀光列車方式營運返蒸汽火車，喺多個考慮因素下決定復修58654，復修後58654曾經行走SLあそBOY達17年直到2005年因為豊肥本線坡度問題令到58654難以維修再次退役。

但隨住九州新幹線將於2011年全線通車，JR九州希望有效利用火車作觀光資源，又咁啱搵到當初製造58654嘅設計圖，最後決定用4億日元維修好58654，然後於2009年正式復出並行走於坡度平緩嘅肥薩線(八代到人吉段)。

可惜2020年7月一場豪雨沖毀咗人吉，球磨川氾濫更令肥薩線到今日都未有修復計劃，58654之後只能喺鹿兒島本線上掛住SL人吉之名行走

影完車外就到車內，SL人吉係3卡50系客車組成，由水戶岡銳治特別設計，3卡客車客室部分都差唔多只係座位材質唔同

第2卡就設有小賣部售賣紀念品同食物

小賣部對面就係拎記念乘車證同吸印嘅位置，不過記念乘車證已經由58654變成DE10

影完相就返座位坐到返熊本，臨到達熊本先收到乘務員拎過嚟嘅蛋糕，原來而家坐SL人吉會有嘢食

搭SL人吉比普通列車耐，要40分鐘車程先返到熊本，落車後就去影埋車頭嘅DE10

呢個時候見到對面月台特急あそぼーい！都返到熊本


之後重有時間就留低再影多啲58654嘅相，最後望埋佢離開月台先走人