[鐵膠多圖]16日由北海道搭JR返九州瘋狂鐵道兼紅葉遊

搭完纜車就行返去最熱鬧嘅町家通搵嘢食

近距離影埋嚴島神社五重塔先


行行吓聞到好香燒蠔味，原來就係呢間餐廳傳出嚟

向來唔太鍾意排隊食飯嘅我忍唔住排咗一陣食呢間餐廳，首先叫咗兩隻生蠔

重有一碗蠔飯

最後當然唔少得燒蠔，不過落單前職員都會提你要等幾多分鐘問你等唔等

食飽就邊行返碼頭邊睇嘢

回程就搭中另一架船彌山丸
https://youtu.be/on0GKPWTWXc
回程時候拍嘅縮時片段

依家講到第幾日？

第11日

廣島行程來來去去都係呢啲組合

所以下次去就去吳市

真係一模一樣

當年去特登留意退潮時間所以可以行到去鳥居底不過之後潮漲得好快唔駛一個鐘已經浸哂
回程無去搭覽車反而坐左架貴船直接返廣島原爆公園附近之後去左朋友介紹既另一個原爆遺址 袋町小學
https://peace-tourism.com/story/fukuromachielementaryschool.html

吳市我上次去咗，今次冇時間就冇去到啦

Bookmark先，下次去廣島可以試吓不一樣的行程

btw 我都有喺搭船定廣電中掙扎過，但廣電平好多

我今次就懷疑喺二戶撞到四季島

上之去高山食完飛驒牛，覺得好食過喺神戶食嘅神戶牛
不過可能我喺神戶食果次唔係頂級牛

返到宮島口碼頭，一落船就見到好可愛嘅路牌君提你行去右手邊

廣電宮島口站好靚，由於冇閘口所以大家就算唔搭都可以入去影車

今次搭廣電2號線，用嘅係5000系低地台電車

原先有考慮過由宮島直接搭船去平和記念公園定搭廣島電鐵，最後因為價錢平好多就揀搭電鐵

搭50分鐘左右車程去到原爆ドーム前就落車

落車後行過對面已經係廣島原爆中好標誌性嘅原爆ドーム

原爆ドーム前身係廣島縣產業獎勵館，喺原子彈爆炸後少數冇被完全摧毀嘅建築物之一，戰後亦都獲得保留成為今日廣島市內一個地標


穿過元安橋就到平和記念公園，首先去北面嘅平和之鐘


喺平和記念公園入面都有好靚嘅銀杏，叫做為咁悲傷嘅地方增多加少少色彩

跟住睇埋原爆之子像，呢個像係記念佐佐木禎子呢位小朋友

去到平和記念資料館對出就係平和之燈、平和之池同原爆死沒者慰靈碑

由慰靈碑直望，盡頭就係原爆ドーム


平和記念資料館入場費由50Yen加到200Yen，不過都仍然係好平好值得睇

加咗價但入面嘅展覽都有更新過同加多咗


一入到展覽，首先就係1945年原爆前廣島市嘅影像


然後...就係人類歷史上第一粒原子彈爆炸後嘅廣島市

1945年嘅地圖配上原爆ドーム、爆心地、記念資料館位置


然後行天橋去到本館就有更多原爆後嘅資料，不過好多都好震撼，所以唔貼出嚟啦

喺本館返東館前會經過一條長走廊可以望到平和之池同原爆ドーム，呢度新加咗平和記念公園、平和記念資料館嘅建設介紹

亦都有中島地區即係現家平和記念公園嘅復元地圖

中島地區被爆前同被爆後嘅對比


返到東館就係新設嘅展覽，首先會講原子彈嘅開發同埋投下嘅經過

兩款不同原子彈，小男孩同胖子嘅模型


廣島同埋長崎嘅被爆區域，平地嘅廣島就一個圓形咁向外爆，三面環山嘅長崎就跟住地形咁向港口方向爆

原爆ドーム被爆後同被爆前嘅模型

最後就介紹核不擴散條約，希望以後唔會再有核武出現



離場後就有一個免費嘅相片展覽，同樣都係展出一啲廣島市嘅歷史照片，不過呢度就冇咁沉重

離開平和記念資料館後已經天都黑齊，影多一次夜晚嘅平和之池就去食飯

喺平和記念公園行去本通，睇吓有咩好食

最後行咗一陣都係決定搭廣島電鐵返廣島站食廣島風御好燒

返到去發現廣島站前原來已經拆到一乾二淨


幸好Google到廣島御好燒通原來只係搬咗位而唔係冇咗

最後喺咁多間餐廳入面，揀咗最少人排隊嗰間


叫咗一個魷魚御好燒，非常好味

食飽後就喺廣島站行多一陣，然後就搭返山陽新幹線さくら571號返博多

等車時見到旁邊月台停咗500系行走嘅こだま863號，但我冇睇到原來列車會喺廣島停站咁耐，如果知嘅我會去影埋車頭

到我想影500系時，我要搭嘅車都已經到站

同樣係N700系Green Car

由第2日喺福岡飛去札幌，到第11日我終於返嚟九州啦，之後5日都會喺九州內活動(除咗有日去下關)

平時行開博多口，今次就第一次去筑紫口


最初係想Book今晚同最尾2晚都係西鐵博多Croom酒店，但今晚嗰邊冇房最後就貪近揀咗Green Hotel

隻船好貴但快


袋町小學校遺址好冷門見香港台灣都無介紹過
朋友話都係佢啲日本朋友介紹先知

袋町小學係廣島少數戰前的鋼筋水坭建築所以好好彩頂到原爆，所以爆炸後用作臨時收容所俾生還者一個集中地
成個遺址最震撼的是樓梯側的黑板，那時的生還者用黑板留言尋找失散親友; 黑板之後在復原時被掩蓋直到小學重建時意外發現
另外仲保留學校的地下室同一道鐵門，不過地下室個氣氛好陰沉不宜久留
如果大家識日文這裡有幾位老伯伯做導賞可以傾下計


https://www.thinktheearth.net/think/2017/10/010hiroshima_school/
除咗袋町小學原來仲有其他原爆遺址

我見都未見過，希望下年可以再去東日本地頭撞下佢

頂級同唔頂級比起食咩牛更重要

個feel好懷舊，好似睇緊啲日本鬼片嘅學校咁

經過1晚休息後，第12日行程正式開始，一早天未光就起身Check Out

未夠6點就返到博多站，不過今次唔係去搭新幹線而係搭在來線嘅特急リレーかもめ1號


大部分特急リレーかもめ都係用787系，呢架係水戶岡銳治頭幾款為JR九州設計嘅列車，喺1992年已經投入服務

787系係JR九州最多用途嘅特急列車，不論係2004年九州新幹線未起之前嘅特急つばめ或者全線通車前嘅特急リレーつばめ、2022年西九州新幹線嘅特急リレーかもめ、甚至係來往宮崎嘅特急にちりん等等都有機會見到787系身影，所以787系係真正嘅Around the Kyushu

787系除咗有普通座席同Green Car之外，喺Green Car所在嘅第1卡會有埋個室，最多可以4個人坐


經過個室之後就到Green Car車廂，只得14個座位


喺第1卡最前面，就係最高級嘅DX Green，整列車只有3個座位，每個座位可以接受180度躺平

開車冇耐後就返去食早餐

去到武雄溫泉後就嘗試特急リレーかもめ轉乘新幹線かもめ

雖然只係得3分鐘轉乘時間，但都足夠大部分乘客去車頭影返最新嘅N700S

雖然武雄溫泉實際上係西九州新幹線嘅頭站，但站牌上仍然有標示到特急リレーかもめ嘅上一站江北

同樣由水戶岡銳治設計嘅N700S，有超巨型嘅書法字體かもめ

今次搭到Y3編成

第1卡至第3卡係2+2指定席，座位同800系一樣

呢個座位好睇唔好坐，不過對於最多30分鐘車程嘅西九州新幹線就冇問題

好Cyber嘅車間通道


最後就參觀埋第4卡至第6卡嘅自由席

6點リレーかもめ博多出發，7點到武雄溫泉；7點03分轉かもめ，7點21分到諫早，總共1小時21分鐘就到，比起以前特急かもめ快咗22分鐘

出閘後就向島原鐵道車站方向行


去到車站後就買飛，由諫早出發去島原要1460Yen


島原鐵道キハ2500系，有個好特別嘅牌マルマサ 味付海苔號


島原鐵道有好一段路都係沿住有明海行，睇住海景好舒服好正　

大三東站號稱係全日本最近海嘅車站，真係由月台行出兩步就已經跌落海

經過75分鐘車程終於由諫早去到島原

DX GREEN可以180度咩？我嗰陣坐最多都係150度左右