[鐵膠多圖]16日由北海道搭JR返九州瘋狂鐵道兼紅葉遊

去到金沢冇可能唔去近江町市場，我直頭一早9點鐘就去到　

近江町市場係金沢最出名嘅市場，除咗一般遊客想睇嘅魚生刺身外，水果、蔬菜、肉類都有得賣



行咗一陣見到有原隻海膽，已經忍唔住手試返隻先



點知幫襯完冇耐行多幾檔見到賣700Yen
呢一檔就有更多更正嘅刺身，今次叫咗一份帆立貝同埋富山白蝦，除咗好味都唔知講咩好

話時話，$2900 坐快運其實都係偏貴

我plan緊3月去，機票都仲貴到hihi，買唔落手
我已經飛邊個城市都得，反正都係一落地用全國pass

食完生嘢就食返啲熱嘢暖下胃，呢兩串串燒好好味，我特別鍾意啲煙煙韌韌例如八爪魚、螺肉



當然淨係食幾碟刺身同兩串串燒邊夠，最後就搵一間餐廳入去食個丼飯
不過今次行近江町市場其實都見到好多餐廳鋪頭未準備開返，特別係有啲餐廳可能專做遊客生意嘅，幸好人流唔多，而家嘅餐廳都足夠應付唔會大排長龍

上次1月去近江町食香箱蟹，正到

食飽就由近江町市場沿百万石通同淺野川大橋行去東茶屋街



一行到東茶屋街附近已經感覺到嗰種古舊得嚟好舒服嘅氣息

　
東茶屋街係金沢最出名3條古老嘅茶屋街之一，有好多古舊歷史建築，好多人都會嚟行吓影相打吓咭　




金沢另一樣出名就係金箔，喺東茶街屋就有呢一間賣金箔手信嘅鋪頭，入面整到好似博物館咁非常靚，就算唔買嘢都可以入去參觀　

行完金箔手信鋪就繼續喺附近街道睇吓行吓




行完之後就返去搵間鋪頭食金箔雪糕，嚟到金沢差唔多個個都會買一杯嚟打咭
雪糕好好食好有奶味，但金箔就冇咩味，不過最正都係睇個職員貼塊金箔上去嗰一吓

食完雪糕就搭巴士返去金沢站

返到金沢站就去酒店拎行李，然後返嚟搭車去京都

去京都就搭特急サンダーバード22號，以前呢一架車其實係由富山出發，不過自從北陸新幹線通車後已經縮短至金沢，遲啲新幹線再通車到敦賀時又會再縮短(定係會被轉移至新幹線列車名)



特急サンダーバード會用681系或683系，今次就搭到683系


普通時期嘅特急サンダーバード會用9卡列車，往大阪方向前頭係第9卡，而Green Car就係第1卡，好在係始發車站先可以慢慢影完再上車

由金沢開車後，差唔多整段北陸本線路段都係同即將通車嘅北陸新幹線並走，可想而知將來呢一段北陸本線都唔會保留而係全段轉移至第三鐵道部門

列車到達敦賀之後，就見到隔離嘅新幹線車站已經起得七七八八，如無意外都應該可以喺2024年頭伸延到敦賀
https://youtu.be/duQpzru7nX0
列車離開敦賀站時我拍咗條片，片入面可以睇到將來連接在來線站房同新幹線站房嘅超長行人天橋
除此之外，喺片段中間可以睇到有一條路軌由新幹線站伸延到在來線路軌，唔通遲啲北陸新幹線同北陸本線都會玩九州嘅リレー同月台轉乘
https://www.youtube.com/watch?v=yutZO3rEWKs
另外喺敦賀同新疋田之間會有一段路軌以螺旋式路線爬升80米，但係螺旋式路線只會喺上行線列車爬升先有，下行線因為係列車落斜所以用較直接嘅方式落山就睇唔到呢一個咁特別嘅路段

2個鐘頭多啲車程就到達京都，到達京都代表行程過咗一半啦

第一次喺京都站八条口離開，估唔到呢度有咁多扭蛋機，而且啲蛋好有京都特色，可惜走嗰日想扭先發現呢度都係有營業時間，朝早9點先開門


行去八条口對面嘅宜必思酒店地下，喺呢度搭MK Taxi，因為酒店包免費單程的士由京都站去酒店


好快就去到酒店，一落車就有職員幫手拎行李，果然五星級酒店有五星級服務


今次喺京都會住2晚京都凱悅酒店，事前我已經email酒店想用升級券住套房，不過去到前台先知呢間酒店係用唔到套房券，甚至因為11月紅葉期酒店太滿冇任何升級，最後酒店為咗補償我呢個高級會員，送返最後一日免費的士返京都站

雖然冇得升級，但酒店都安排咗一間景觀比較好嘅房間俾我

放好行李又繼續出發，雖然只係4點，但個天都開始慢慢變黑



喺京都第一站就去清水寺，由酒店行去清水寺途中經過大谷本廟円通橋，橋加紅葉個景超靚，好多人喺度影相


雖然開關冇耐，但京都真係超級多人，所以我就揀咗由少人啲嘅茶碗坂行上去清水寺

我疫情前book去大阪來回快運都要29xx
不過我加左靈活飛方便改機票
如果你要平過呢個價可能要等佢開新航點做mega sale

我上次去箔一
啲人一攞個雪糕出門口就俾怪風吹走半塊金箔

一上到去清水寺仁王門，即刻影張相打吓咭先

望返落去清水坂，人山人海

被日落染成橙色嘅三重塔

一路行一路回望返個太陽落成點


課金入場

我地係11月中去到清水寺，呢個時間未係紅葉見頃，但已經好靚


行到本堂前，又影多次日落

如果我好似以前咁鍾意快閃，其實唔會接受到2900呢個價錢，不過今次一嚟係開關後價錢升高咗好多，國泰全日空日航都4000以上，二嚟我去16日咁耐感覺又良好少少

暫時見過快運最平係早排做208單程，來回連稅最平1300左右，不過好快就被人搶晒，而家睇4月中後都要3000左右。至於傳統航空公司，國泰日航全日空全部都4000以上

至於疫情前，我平均都係買1000左右嘅機票，視乎日數同行程決定買唔買行李、座位等，但通常都2000內埋單

所以佢都係建議我係店內食，不過我嫌店內太熱太多人

由大舞台望去奧之院個位，全部都係人頭

見到咁多人就決定喺大舞台影一陣相先，影完先過去奧之院嗰邊


要去奧之院要慢慢咁排隊入去，好在未至於多人到逼死晒行都行唔到

去到奧之院剛剛好望到日落前最後一刻，日落加紅葉加清水寺大舞台，現場睇簡直不得了

影完日落都唔阻住其他人，我繼續行前少少影返個大舞台先

重有京都市同埋三重塔

影完日落先返去大舞台同本堂慢慢行

已經可以提名2022年嘅年度漢字


睇完本堂就經樓梯落去音羽之滝

行呢邊就可以由下而上影埋清水寺大舞台

返到出去再望下三重塔，已經由紅色變成日落照住嘅橙色

最後就由清水坂離開

由清水坂行到去產寧坂(三年坂)路口就轉入去


喺樓梯中間聞到好香嘅味，忍唔住叫咗一串章魚餅
但好在叫咗嚟食，因為跟住去高台寺行咗好耐先捨得去食飯


由產寧坂行到去二寧坂(二年坂)

最後行埋上去高台寺

去到高台寺停車場，已經見到一條超長人龍


由排隊去到買飛入場，差唔多排咗20分鐘，入場費600Yen


入到去其實人又唔係咁多，同埋雖然係夜楓但唔好期望會好多紅葉紅到好誇張

雖然高台寺唔係好多好紅嘅紅葉，但呢度夜間參拜都有特別節目，2022年秋天就係3D加音響投影
睇投影就要先除鞋行入方丈，喺方丈前庭旁邊坐低就可以欣賞
呢度可以影相但唔可以拍片，雖然我都係見到好多人拍片

離開方丈就穿過中門


然後就見到卧龍池，睇紅葉有水有燈就已經好靚，所以呢度都係聚集咗最多人

再行就會去到開山堂，旁邊有卧龍廊，不過呢度就封咗唔可以行


要上山就會行返中門出去另一條路

行到最頂就係傘亭同時雨亭

上到最頂就要落返去啦





落去嘅路會經過一個竹林，喺打咗燈嘅情況下睇竹林估唔到咁靚
同埋呢一個位可能要上樓梯，所以冇下面咁多人，影相超正


返到落去就行完一圈，可以經台所坂離開高台寺

暫時定咗想2月尾3月頭去到3月中尾，22至25日左右，不過而家就係諗等唔等特價先買，始終唔係旺季，但係又怕太多人去旅行 HKEXPRESS 直接唔做特價