[鐵膠多圖]16日由北海道搭JR返九州瘋狂鐵道兼紅葉遊

難得去到熊本點解唔試下熊本馬肉

好珍惜嘅相

其他兩個景點太遠，唔夠時間去

我第一次去長崎

唔夠時間啦，我都有諗過夾時間搭國鐵色或者展望車，但夾唔到

我住嗰一晚好貴，我而家呢一間平啲

聽過食咗人地啲Yen

上面德永羚海 #5721 呢位會員我之前 block 咗。唔肯定純粹係屌販民拆大台定係真五毛，請自己判斷。



做乜好地地一個鐵膠 post 有 2 個 block user 遊走

live 撚咗

我之前試過啦

多謝佢地幫手推Post

準備又有update啦

愛國是工作，遊日是享受

有講錯啲咩
你地block定唔block我無興趣知呀

由東口出站後，就會到達舊長崎站拆卸後留落嚟發展中嘅空地

長崎站外都做緊聖誕佈置，不過其他地方都已經做好咗甚至福岡已經開緊Party，但長崎而家先整

藍色位置就係舊長崎站前廣場同長崎電氣軌道長崎站前位置，中間灰色位置就係舊長崎站地盤，由而家嘅東口行到去長崎站前就要兜好大段路

整個舊長崎站前位置都係爛地一片


2023年就會有新設施開業，但預計到2025年先完成整個站前更新計劃


長崎電氣軌道個站設計好靚，兩邊月台中間路軌，月台兩邊有天橋連接行人路同長崎站，最緊要係搭車指示好清晰，想去邊一睇就知要去邊個月台等車

不過啲車就唔係好準時，明明我睇咗5分鐘後有車，於是就慢慢影相同睇吓周圍，點知轉個頭就見到有車埋站，急急腳行去月台上車

搭5分鐘左右，去到市民會館站就落車

一落車由月台望出去已經見到櫻町通變成好靚嘅銀杏大道

行到去中島川旁就已經見到眼鏡橋嘅指示


中島川喺長崎市內一條著名河流，河川上面建設咗多橋石橋，好多都好有特色

呢條咁拱就係東新橋，係中島川第8座橋樑

過咗東新橋後好快就見到眼鏡橋，眼鏡橋係第10座橋樑


眼鏡橋喺1634年已經起好，到1960年更加被指定為國家重要文化財產

影完之後就行埋上橋

喺橋上就睇吓附近風景，影吓中島川同埋上游第9座橋樑魚市橋

仲有如果你覺得劉祖迪之流都算係你地黃絲一份子，咁我覺得黃屍呢個名完全無改錯你地off topic完

試過睇時間表夾到班展望，點知落到月台先知佢出返飯煲頭

行到過對岸之後就沿住樓梯落去河邊繼續行，不過樓梯有啲斜同每級都幾高，行嘅時候要小心啲

落到河邊就可以好近距離咁睇到眼鏡橋，眼鏡橋係兩個相連石拱橋組合而成嘅橋，配合水中倒影就形成好似眼鏡咁

中島川除咗眼鏡橋外，附近亦都有另一景點心形石

心形石同眼鏡橋合照，雖然好多人都會叫大家喺河邊搵吓心形石喺邊，但經常都有人圍住心形石影相，想搵唔到都幾難

喺眼鏡橋上下游都分別設有踏石等遊客可以行過對岸

企喺正中間影出去角度就最靚，可惜今日天氣唔好，河面都唔夠平靜

過到對岸又影多次眼鏡橋

影完就爬返上去馬路走人，不過呢邊樓梯比頭先更斜，真係同爬冇分別

由馬路望返落去，又有幾個人圍住心形石影相

見到係咁會勁唔開心

無嘅，下次再搭 lor，反正岡山好近姐

眼鏡橋係咪長年盤據日本最失望景點三甲

今晚終於到我
d行程有d似你

行完中島川同眼鏡橋之後又返去市民會館站搭車，超大個字寫住平和公園方向，怕遊客搭錯車

都係搭3號線，今次去赤迫方向

上車前見到架車好似咁靚都覺得有啲特別，原來呢架車係2017年受路面電車魅力向上費補助後由水戶岡銳沿設計嘅みなと列車

大約20分鐘車程就去到平和公園站，喺度落車後就跟住指示過馬路

過馬路後好快就見到平和公園入口

入去前先到旁邊參觀二戰時期松山町防空洞，不過防空洞都唔係100%安全，原子彈爆炸時候仍然有好多人喺防空洞內身亡

上到去首先見到平和之泉，長崎平和公園同廣島嘅設計差不多，都係一條中軸貫穿整個公園

經過平和之泉後就係世界和平象徵區，呢個區擺放咗15個國家贈送嘅紀念碑

再繼續行就見到長崎之鐘

去到平和祈念像前就係長崎刑務所浦上刑務支所跡，即係監獄遺址

行到最盡頭就係北村西望製作嘅平和祈念像，像嘅右手指向天代表原子彈嘅威脅，而左手水平代表和平，合埋眼就係為死者祈福

平和祈念像兩旁就係充滿紙鶴嘅折鶴之塔