[鐵膠多圖]16日由北海道搭JR返九州瘋狂鐵道兼紅葉遊

行完屋頂廣場就返落去食午餐，由去到日本第一日我都日日提住仙台牛舌好好味，最後我去到九州大分先有機會幫襯利久

今次叫咗2400Yen嘅2枚4切牛舌極定食，今次食利久重多咗一粒伊達茶大福做甜品

JR大分城最正就係有一間超大超齊嘅鐵道模型店

喺門口已經可以睇到超巨型鐵道模型，課金400Yen(假日500Yen)就可以試玩



啲車同場景都非常齊，差唔多咩年代咩形式嘅車都有咁滯，玩開嘅人嚟到一定破產

行完商場之後就返去車站搭車，跟住呢一程就係坐2點56分嘅特急由布院之森4號去由布院

搭久大本線，下一站就係最底嗰個古國府(ふるごう)

一上到月台以為列車已經到站，原本泊喺度只係休息等待回送嘅特急あそぼーい！

特急あそぼーい！走咗冇耐特急由布院之森就到站，由布院之森算係JR九州嘅皇牌觀光列車，由1989年由布院之森I世開始，到1992年開始利用キハ183系改裝成布院之森II世，再到1999年新造由布院之森III世，一直都係非常受歡迎好難預約座位

今次搭特急由布院之森4號用嘅車就係由布院之森I世，由布院之森I世係1989年由2卡1963年製造嘅キハ58系同2卡1970年製造嘅キハ65改造而成嘅キハ71系，雖然車體同台車都曾經更換過，但呢4卡車都可以話接近50年歷史

行到入車廂內都可以望到歷史嘅痕跡，好似返咗90年代咁

第4卡車就係往博多、由布院方向車頭

第3卡車會有一個公共空間可以睇風景同休息

第2卡車就有小賣部，拎記念乘車證同吸印都係位於呢度，同埋大家要留意由布院之森I世同III世嘅印係有唔同，記得要拎晒兩款印

行完晒4卡列車之後就返去自己座位坐低

今次搭特急由布院之森劃到第4卡13A同13B，即係展望席


快快手影埋由布院之森I世嘅記念乘車證就開始拍片
https://youtu.be/KCOL13Yk-ds
超正地望住運轉士開車，難怪呢個位要1個月前開賣第1日就要預約

1個鐘車程就去到由布院，落車後就慢慢影多幾張由布院之森I世嘅相

影到車都走埋就影站牌

好天氣時由布院一出站就可以望到由布岳，不過我兩次去到由布院都睇唔到呢個景色

個巴士站成塊閪咁

我2017年去完由布院，跟住2018年就開咗新嘅由布旅客資訊中心

旅客中心由名建築師坂茂設計，入面有行李寄存、售賣馬車車飛等功能，當然最重要就係入面有個好靚嘅廁所

旅客中心2樓有枱櫈亦都有大量旅遊書提供俾遊客，未夠鐘搭車可以喺度休息一吓

2樓亦都有個露台可以行出去睇風景，喺度望住由布院車站幾正
去旅館Check In前先喺由布院行一陣先，呢個時候終於望到少少由布岳


行完之後就搭的士去今晚嘅旅館一壺天，雖然路程唔遠搭的士都只係1000Yen，但行路嘅話要行30分鐘

Check In手續完成後就返出去影吓旅館，但呢個時候天已經黑得好快

首先係入口左手邊有間談話室，入面都有少量飲品同書籍提供，住客可以喺度傾偈休息

旅館最中心地方就係中庭，喺中庭可以望到由布岳


中庭旁邊、亦都係入口右手邊就係本館，大堂、餐廳都係位於呢度，而呢度亦都有簡單飲品提供

旅館只有十間房，每一間都有獨特嘅名，而我住嘅就係萌黃(Moegi)

一入到房已經望到有條樓梯



首先參觀下層，一拉開門就係客廳，非常傳統日式榻榻米設計


當然住溫泉旅館個重點就係溫泉，今次揀一壺天最主要原因就係有房內獨立溫泉，而且係一個室內一個露天
(不過露天溫泉啲水有啲凍，我都係浸室內嗰個再打開窗半露天咁浸)

最後就參觀埋上層，上層就係好普通嘅和式睡房

我知一人一張，所以先要 「」

疊住攞3張走咁，當刻覺得好唔好意思

溫泉旅館除咗浸溫泉外，另一樣重要嘅嘢就係食物，不過由於我用晒啲Budget喺房費，今次只能Book到一泊一食(60000Yen)，因為額外加晚餐要11000Yen一個人，窮撚嘅我只能外出晚飯


由於我一早已經喺Email確認唔會加晚餐，旅館職員非常好地入住時已經問定我晚餐會點安排，我回答會返JR站附近食，跟住佢就幫我預約埋的士

まぶし心係來自我一位好朋友介紹，我上次嚟由布院都係幫襯佢，今次都唔例外

入座後會先上前菜，有啲幾好味但有啲就唔啱我口味

我地兩個人分別叫咗鰻まぶし同豊後牛まぶし，餐廳職員就會先提供醬油調味

過咗一陣就會上埋主菜，上一次同今次味道都係一樣咁好食，最重要係5年後再食都冇乜點加價

可能まぶし心實在太出名，差唔多半間餐廳都係遊客已經都係香港人，好耐冇聽過咁多廣東話，好親切嘅感覺

食飽後去埋便利店就搭返的士返旅館，享受溫泉

你唔講唔覺

不過佢又真係設計到好靚，我都有啲後悔唔拎多張

而家朝早東京站出發直頭買個上車當豪華早餐食

第14日一早起身又喺房浸溫泉，由房望出去就係好茂密嘅樹林

陽光穿過樹林照落露台超正

浸完溫泉就穿過中庭去本館食早餐，今日天氣好好望到由布岳

本館食早餐嘅地方好特別，好似一間地下室咁有個門口要捐入去

Check In時職員已經預約咗食早餐時間，一坐低有部分冷盤前菜，例如沙律、刺身、漬物等等已經準備好

入座後就會上埋熱食同埋主菜，好似燒魚、豆腐、味噌湯、飯等等，成個早餐非常豐富而且好好味，好在我冇因為Budget而唔要早餐

食完前菜主菜後就上埋甜品，有牛乳布甸、乳酪，又係好好味，好味到想問有冇得添食

食飽後就返房休息，然後就喺預約好嘅時間去私人露天風呂，露天風呂有兩間，Check In時可以預約埋使用時間，每次可以用40分鐘

露天風呂有左邊同右邊兩間，左邊就有室內同室外兩個溫泉，右邊就只有室外但風景就靚啲，咁我緊係揀右邊啦

朝早天氣咁好，諗住可以望住由布岳慢慢浸，點知一到浸溫泉時就陰天

但唔知點解遠處有一座山就冇被雲遮住，睇咗好耐都係藍天

浸完溫泉就返房執埋行李準備Check Out，同樣地旅館都係幫我預約好的士，的士嚟到就會通知我地

溫泉旅館真係正

間溫泉酒店竟然冇得免費接駁

上次上捚由布岳除佐攻頂個一段 算易行

Check Out後就搭的士直接去到金鱗湖

未完全開關嘅金鱗湖同之前真係好大分別，不過雖然唔多人但就好多泡，而且啲泡都幾冇禮貌

金鱗湖最多人影相嘅建築物，日光日白其實冇咩特別

沿住金鱗湖旁行，重可以睇到啲紅葉

紅葉同天祖神社鳥居合照

行到去鳥居前面時，咁啱有隻雀企咗上去



行完天祖神社就行咗去後面一間餐廳嘅庭園，旁邊有小橋流水影紅葉真係好靚

JR九洲=EmptyR搞商場致富

係呀，所以住10晚平酒店都要住一晚溫泉旅館

得10間房只招待10組客人，同埋佢地有免費泊車，招待對象應該係揸車嘅客人

但要行幾耐

唔止，重有藥妝、酒店

來回五個零鐘

出發個位勁多芒草 見有人影婚紗

離開金鱗湖行返去湯之坪街道，經過もくあみの杜就入去行咗陣，剛才喺金鱗湖都係多雲陰天，但嚟到呢度竟然藍天

位於湯之坪街道盡頭嘅湯布院昭和館，我自己麻麻地呢間館重諗住佢會武肺時候收皮，但竟然重屹立不倒

湯之坪街道就同以前差唔多咁熱鬧，不過都係冇晒某國人就好舒服


另一間咁多年都冇變嘅就係湯布院フローラル ビレッジ(Floral Village)，除咗仍然好熱鬧之外，啲動物都好生猛

喺日本咁多日都因為趕車趕行程冇乜食過雪糕，今日有咁多時間就買杯雪糕慢慢食

鋪頭重好好咁有指示叫你去後面坐低慢慢食(其實應該係企喺附近食被其他鋪頭投訴得多)

叫咗牛奶朱古力雙拼，由布院嘅牛奶真係好好味

繼續行到去湯之坪橫丁，又入去行個圈睇吓有咩食先

入面有間汸臼庵好似幾吸引，呢間鋪頭本店喺京都呢間係由布院別庵店

又係食蒸天婦羅棒，今次就冇叫咁多淨係叫咗八爪魚，好味

食完蒸天婦羅棒就去對面繼續食

喺高山就食飛驒牛壽司，喺由布院就食豊後牛壽司，雖然真係冇飛驒牛咁好食，但都係好正會想食完再食

喺湯之坪街道行到一半，影返轉頭由布岳，好靚

慢慢邊行邊睇嘢邊食，行咗3個鐘左右去到差不多2點就返到由布院站

今日終於可以由車站門口直望由布岳

由布院站外有得搭馬車，每日都會寫低係邊3隻馬服務大家，2200Yen就用50分鐘帶你圍繞由布院行一圈，我有啲想坐但去到旅客資訊中心寫住冇得賣飛

咁冇得坐馬車又有時間淨，咁啱見到或る列車到站，就用Pass入車站影下車

或る列車係JR九州一架只賣旅遊套票嘅觀光列車，由キハ47系改裝而成，每逢運行日子就會來回博多同由布院一次，2點07分到達由布院站3點就會離開

影完車就返出車站外邊食午餐，貪就腳就試吓元祖豊後肉汁うどん

可以揀冷或者熱烏冬，配埋有啲肉片同大蔥嘅汁，我就好似沾麵咁夾起烏冬浸一浸湯再食，都幾好食

食完烏冬返到由布院站前，發覺個天好似再靚啲，於是見有時間就繼續周圍行吓影吓相