[鐵膠多圖]16日由北海道搭JR返九州瘋狂鐵道兼紅葉遊

行到咁上下就返車站，今次真係準備走啦

特急由布同特急由布院之森一日總共提供6班車往來博多同由布院，雖然3點56分有一班特急由布院之森4號，但因為正常情況下特急由布院之森1、2、5、6號用車係キハ72系由布院之森III世，而特急由布院之森3、4號就用前一日已經坐過嘅キハ71系由布院之森I世，所以今日寧願等多1個鐘坐唔同嘅車

由布院站並唔大，為咗避免月台上太擠逼，職員都會等上一班乘客落車後先安排今班乘客入站

入到站後先去對面月台影一影キハ72系由布院之森III世

日落下金黃色嘅由布岳同站牌合照

正面對多人影相嘅位置，咁啱冇人就快快手影張相

由於キハ72系由布院之森III世係全新製造嘅列車，喺第3卡會有一個寫住Buffet嘅門設計俾職員送物品上小賣部用

補返張第3卡Buffet門嘅相先

影完車外就行入車內，キハ72系由布院之森III世係高地台設計，好特別咁上車後要上4級樓梯

車廂之間連接嘅通道就設計到一條橋咁

行到第3卡就有剛才提過嘅小賣部，設計明顯比キハ71系由布院之森I世靚啲

2015年新造嘅第4卡，車廂、座位設計都同其餘4卡唔一樣，JR九州都特別宣傳呢1卡係比較靚同舒服

最後就行埋第5卡，雖然キハ72系由布院之森III世一樣有展望席，但唔知係咪夜晚怕反光嘅原因，一上車運轉士就拉開黑布遮住

至於我今次就冇劃到展望席而係坐第4卡，不過我坐落又唔覺特別舒服

2個鐘頭20分鐘左右車程就返到博多

咁其實可以留兩個全日，第一日行完山就返旅館，第二日行埋湯之坪街道就離開

其實我對九州都冇乜好感覺，應該係因為太多泡太嘈。反而成個函館都係香港人但係好靜

今次去到還好，雖然多泡但唔算太嘈

我去漁火通嗰間六花亭就全部日本人

返到博多之後就到博多站前廣場睇燈飾，同埋行吓聖誕市集

拎返行李之後就行多3分鐘到最後兩晚住嘅西鐵酒店Croom博多，原先想喺博多都住晒呢一間，不過18號嗰晚Full晒先揀另一間

一上到酒店大堂已經覺得好靚，Check In時服務又好好，下次再嚟博多都會優先揀佢

房間面積都算OK，買咗甜品返酒店都有張梳化坐住食

房入面冇浴缸，取而代之就係按摩花灑，如果想浸浴就可以到1樓大浴場

呢間房最正就係風景，作為一個鐵膠可以一開窗簾就望到JR路軌，一流

啱啱買咗去福岡了

搞掂好啲行李就出去食晚飯，但食飯前我先酒店對面博多巴士總站7樓嘅Namco行吓同睇扭蛋機先，點知去到見到有電車GO


首先玩咗一回合熟習返先，然後再玩多一次就開始正常返啲，都叫順利由原宿玩到目黑

打完機就穿過博多站

行大約15分鐘去到博多站東邊嘅博多一双本店，一去到已經見到超多人排緊隊

不過都係等咗10分鐘就可以入座


叫咗最基本嘅豚骨拉麵同餃子，個湯超級濃厚好好味，濃到直頭空氣入面都瀰漫住豬骨味，最重要係咁好味嘅拉麵都只係780Yen

食飽後就去便利店買埋甜品，然後返酒店睇世界盃英格蘭對伊朗

第15日朝早起身都重係好好天，冇咩雲有太陽

早上嘅博多站

今日雖然係去長崎但唔係搭特急リレーかもめ，而係搭7點28分嘅特急みどり7號

大多數特急みどり都係4卡編成，另外4卡就會係特急ハウステンボス，兩架車會喺早岐站分開向前往向自目的地，不過特急みどり7號就係8卡編成，去到早岐站只會調頭而唔會解結

第1卡至第4卡係特急ハウステンボス設計嘅783系，783系喺1988年登場，係日本初代跑到130公里嘅特急列車

783系另一個特色就係車門位於車卡中間，分隔開A室同B室兩個空間，當中第1卡A室就係特急ハウステンボスGreen Car

第4卡同第5卡就係特急みどり同特急ハウステンボス連接位置，兩邊都設有運轉室同自動連結噐，當列車去到早岐站分開後就可以運作

特急みどり嘅Green Car就位於第5卡A室

第8卡就係往佐世堡同豪斯登堡嘅車尾，呢邊就係特急みどり設計

影完車外邊就喺車廂入面由第8卡行返第1卡，途中就可以影埋第4卡同第5卡車內連接處


特急ハウステンボス設計嘅車廂好靚，每排座位嘅花紋都唔同

今次劃到1A同1B展望席，又可以望住運轉士揸車

坐低Set好電話拍縮時之後就食早餐，自從京都食過呢個卷後就成日都買嚟食

1個鐘頭多啲車程就到武雄溫泉站，不過今次列車就唔係停新幹線月台而係在來線月台，旁邊停咗787系嘅先係特急リレーかもめ專用新幹線月台(不過部分特急みどり都會掛特急リレーかもめ嘅名停嗰邊)

由月台盡頭望出去就見到兩邊路軌延伸出去其實最終都會匯合，特急みどり掛特急リレーかもめ時就係經呢度進入新幹線月台

在來線嘅武雄溫泉站站牌，有武雄溫泉標誌嘅樓門

在來線收費區好細，甚至連閘機都冇要人手改扎

呢度都有指示提醒新幹線收費區位置


當然最重要就係提醒乘客特急リレーかもめ係新幹線10號月台上車而唔係在來線月台，千祈唔好行錯

影完在來線站房就行埋過去新幹線嗰邊睇吓，但兩邊高低落差都幾大，來往兩邊都要搭扶手電梯

新幹線站房明顯新同大好多

列車資訊牌就布分開特急リレーかもめ同新幹線兩種顯示方式

站內地圖一眼睇晒兩邊站房佈局

特登搭早1個鐘頭車除咗停低影車站之外，亦都可以行吓武雄溫泉

由車站行到武雄溫泉樓門都要10分鐘，不過一場嚟到唔可能唔影返張相

武雄溫泉樓門同新館都係日本重要文化財建造物

冇幫襯就唔行入去啦，喺門口影一影入面就算

武雄溫泉入面會有唔同嘅公眾浴場或者貸切溫泉，收費同營業時間都有唔同

影完相就行返10分鐘返去武雄溫泉站

下一程車就搭9點40分嘅特急みどり9號同特急ハウステンボス9號

今次冇咗特急リレーかもめ停喺度，可以一次影晒武雄溫泉在來線同新幹線站牌

新幹線10號月台以前應該係在來線月台，而家轉咗去新幹線月台就加欄杆防止開錯門

今次坐第5卡特急みどり嘅Green Car


雖然座位同特急ハウステンボス一樣，但裝修唔同同埋冇展望席

搭到早岐站就落車睇兩架車解結
https://youtu.be/PUFUKj3loT8
拍埋片，但自動連結器分開嗰下要細心留意先睇到


睇完解結就返上車將座位調轉

淨係調轉自己嗰張冇調埋前面嗰張，空間即時變到好大

幾時飛

你個行程好正呀，我都想玩多次咁癲行程

40分鐘車程就由武雄溫泉去到佐世保

喺佐世保站入面泊咗一抽4卡編成嘅783系，呢一抽CM5編成嘅783系仍然保留1994年第一次翻新時嘅塗裝

而特急みどり同特急ハウステンボス所用嘅4卡+4卡編成反而經歷過2000年第二次翻新(將8卡改成4卡+4卡)同2017年第三次翻新(車廂內裝同車外塗裝)


佐世保擁有現時日本所有三座針尾無綫塔，呢三座塔由1922年起好開始到而家整整有100年，雖然針尾無綫塔好遠而且交通不便，但佐世保站內就有個展覽介紹

一開始以為佐世保站牌上面個圖案係熱氣球，原來係佐世保傳統玩具佐世保獨樂(喧嘩獨樂)


10點24分到佐世保但11點12分就搭車走，中間時間只夠出去海邊走走


佐世保係日本西面一個重要港灣，以前甚至係日本海軍基地所在，所以好多觀光資源都同島嶼有關，喺度經常見到好多船出出入入



行完海邊就返去車站，佐世保站亦都係日本JR最西端車站，喺車站東口門外就會見到呢兩個最多人影相打咭嘅牌同碑(不過最西端傳統鐵路車站其實係松浦鐵道西九州線嘅たびら平戸口站)

樓豬好有恆心

建築中的武雄温泉駅

無去武雄另外兩個景點 武雄圖書館 & 御船山樂園？

好快咁行完佐世保站就要走啦，搭11點12分嘅區間快速シーサイドライナー(Sea Side Liner)去長崎，資訊牌會顯示埋係幾多卡列車，如果想揀個好位坐記得唔好排錯隊

區間快速シーサイドライナー喺2021年3月11日之前都有用キハ66・67系同キハ200系，不過呢日之後就全線換晒YC1系


YC1系雖然係新車，但車入面大部分座位都係直排座位，對於要坐接近2小時車程嘅路線其實唔係太接受到

2卡列車入面只有車廂連接位附近有少得可憐嘅8個對向座位

大村線上面最出名嘅景點非豪斯登堡莫屬，記得以前細細個聽人去日本九州玩一定會去豪斯登堡，不過我去咁多次九州都未去過

大村線有一大段路都係沿住大村灣行駛，如果好天時風景係超級靚，可惜我搭嘅時候開始多雲

喺大村灣旁邊有一個絕景車站千綿站，千綿站係一個古老木造車站，因為開設咗千綿食堂配上咁靚嘅海景，成為咗長崎縣一個新景點

離開大村灣岸邊後，好快就見到西九州新幹線嘅大村車輛基地


過咗車輛基地之後就會到新大村站，雖然呢個站可以轉乘西九州新幹線，但在來線呢一邊就相當簡陋，只得一個月台上面有部售票機

SEASIDE LINER好彩坐過KIHA66

你肯等下班13號就係展望green可惜

VIA INN(JR西日本)正好多喎
望哂成個岡山站

無人餵,所以宮島鹿會食報紙

列車去到諫早站後，會喺度停留8分鐘

停車期間會同反方向嘅區間快速シーサイドライナー交匯，一次可以影晒兩邊嘅YC1系

諫早開車後會進入長崎本線，區間快速シーサイドライナー會行市布經由嘅新線，新線有好長嘅隧道路段，過咗隧道其實已經到達長崎市，重會望到稻佐山

大約2小時車程後就到達長崎


長崎站內有好多關於西九州新幹線宣傳物品


我未去過舊長崎站，但高架化後嘅新長崎站好靚，車站入面重開咗長崎街道かもめ市場，有餐廳有手信鋪等等

咁多日冇食過魚生丼，今次去到長崎就揀咗魚○亜紗食魚生


我好快就決定要食第1位特選海鮮丼，啲海膽、三文魚籽同魚生真係好正