[quote]事實係你個post寫得唔清唔楚,想其他人知發生咩事但係又唔肯寫清楚來龍去脈
唔好意思本來段嘢係質問佢,但俾佢block咗我,我半夜小修小改就出post係我錯唔好意思
KPI:英國某間Recruitment Agency
Fiona:KPI員工,新加坡電視台紀錄片個女主角
故事背景:有班移英香港人入KPI做散工,喺某工廠有開工冇出糧,罷工要KPI跟進,然後俾KPI恐嚇唔開工嘅話會搵其他人取代佢哋班「搞事分子」
KPI澄清:係工廠嘅錯,個人面識別有bug搞到冇計到幾個人嘅工時,所有嘢已經平息,亦話事件唔係罷工,而係係紅媒屈Fiona同kpi
同現實有出入嘅地方係
1)香港人的確係有罷工
2)受影響唔係得幾個人
3)KPI冇澄清罷工換人返工呢句言論
數吓Fiona同KPI點呃香港人
1)講到工廠工好輕鬆
2)去到工廠會話冇工返
3)expect你可以隨傳隨到返工
4)工作內容同講好嘅唔同
5)永遠都係其他人問題(例如:香港人英文唔好,香港人唔識程序)
6)要同佢哋熟先可以攞到啲輕鬆工
7)有嘢搵佢十問九唔覆,對香港人呼呼喝喝(但會見到佢Facebook啱啱出post講其他嘢)
8)食水深,同一間工廠,KPI啲散工同另外一間agent嘅散工時薪可以差£1
我都知工廠一定辛苦,agent都一定係呃你返工,呢點我唔怪得佢
只係Fiona同kpi講到香港人幫香港人,但佢哋嘅言行舉止都當香港人係低等生物咁用到盡,呢個先係問題所在。
無錯香港人梗係呃香港人,香港人梗係鍾意睇人仆街,兄弟爬山梗係你上我落你死你事,香港人精神係雙重標準
點解唔可以團結互相幫助,要搞第二個美麗新香港?
你真係鍾意俾人剝削,移英仲要俾香港人孤立?
留港搭地鐵驚甩門?行路驚俾人斬?
我都唔想搞到上連登,但我真係好睇唔過眼佢果陣粉色太平,食人血饅頭
一車車水魚去做工廠,辛辛苦苦搬抬仲要俾人當狗咁撚
出post出得有啲魯莽,講嘢1999唔好意思,有嘢唔明可以問
Push, 樓主pin this 啦
有冇得搞大件事令到佢冇得立足做agent,
佢仔女就係人,其他移民港人就唔係人?
不過呢類仆街應該唔止得佢一個,
移民嘅人真係要團結
團結其實都有好多隱憂
雖然我個情況比較特別所以唔能夠做例子
但我接觸嘅事來講(真事嚟,吹水還吹水,呢啲嘢唔會亂玩)
基本上你去邊度做啲咩事聯絡咩人
藍絲或強人勢力係可以立即截住
相信佢地有能力收到料
同埋立即可以吹佢地勢力嘅雞
立即做野去封你頂
我認為
如果唔小心會比呢啲人入侵你自己生活
小則破財大則損命
睇電影都知(污鼠)呢啲係咩角色,我遇到嘅都係呢類型。
打錯字改返