525 Like
21 Dislike
先知-穆罕默德
2022-10-10 19:41:56
diu
我愛批鬥座
2022-10-10 19:45:09
日月空曌
2022-10-11 05:42:24
深夜,兩老已經瞓着咗,我夾住喺佢哋兩個中間。瞓唔着嘅我望住天花板,一次又一次咁諗緊對家今日一連串嘅反擊,但始終諗唔到一個完美嘅方案。
其實只要順住勢安排義工去醫院,就係最好嘅解決方法,唔單止目前嘅困境會迎刃而解,甚至可以奠定防疫首功一事。
但世事邊有咁簡單,雖然泛民基層確實有唔少支持者非常堅定,甚至當中有人以死明志亦不在話下。但去到有一定名氣嘅政治人物,尤其係律師、醫生等專業人士,大多數都極為錫身,莫講話為咗防疫,就算係為咗香港少條毛都未必願意,莫講話入去高危病房。
但如果唔去,咁成件事就有啲麻煩,尤其係如果中國政府真係派醫護嚟香港,比佢哋搶先一步的話,市民一旦有對比,「無膽匪類」呢四個字就肯定走唔甩。
我知道七一會發生大遊行,換言之六月嘅時候疫情已經結束,問題係其他人唔知呀嘛,係咁嘅情況底下,又有幾多人願意去犧牲呢?
自由行、緊急醫療物資呢啲都係小事,只要唔解決政府呼籲義工抗疫呢件事,之前所有嘢都會付諸流水。
日月空曌
2022-10-11 05:42:42
翌日 民間防疫工作小組會議
「琴日政府以及中聯辦做咗啲咩,相信各位都睇到,今日邀請大家過嚟,在希望群策群力,諗個辦法去應對難關。」
司徒華對住會議室入面嘅其他人講。
「喺度都唔同大家遊花園,最理想嘅方法,再睇吓在座各位有冇醫學界嘅朋友願意去醫院⋯」
司徒華自知呢個要求未免有啲強人所難,所以都無繼續講落去。
「華叔,唔係我唔想幫你,但我婦科㗎,入到去都幫唔到啲咩手⋯」
會議室入面有人咁講。
「我一家大細⋯你明㗎啦。」
亦有人咁樣回應。
之後,會議室入面就冇人出聲,現場一片沉默,大家你眼望我眼,好似等緊邊個頂唔順講嘢先咁。
「雖然我唔係醫護,但如果有需要嘅話⋯」
正當練Sir準備開口嘅時候,一把聲打斷咗佢。
「如果大家唔介意我經驗尚淺的話,我去又如何?」
開口嘅係一個短頭髮,圓面戴眼鏡嘅年輕醫生。
點改都撞名
2022-10-11 05:56:50
張錫憲?
紹伊古一戰封神
2022-10-11 08:06:51
幾好睇 留名
吳海鷹
2022-10-11 08:35:53
咪quote文啊
Shing身鳩毛
2022-10-11 08:59:45
OutoftheBlue
2022-10-11 09:27:11
瘋花血月
2022-10-11 17:48:12
Lm
不良少女(自稱)
2022-10-12 01:04:52
已經估到 樓主好嘢 樓主 cls
日月空曌
2022-10-12 02:32:54
「如果大家唔介意我舊年先畢業,我願意帶着其他義工去幫手。」
嗰個男人繼續講。
如果我喺現場的話,恐怕都會大吃一驚,畢竟呢個人喺後世以其一系列與本土論述相關嘅著作成名,根本無幾多人知道佢係醫科出身。
佢最出名嘅作品名為《鬱躁的城邦》,佢叫徐承恩。
「好啊!徐醫生!果然年輕有為!有承擔!」
「未來就靠晒你哋班年輕人啦!」
果然離地中產嘅論點幾時都唔會變,一聽到有人願意承擔風暴,其他參與者就即刻興奮咁講,同啱啱推嚟推去嘅畫面完全係兩個世界。
「徐醫生⋯你知道呢件事有風險,你真係考慮清楚啦嘛?」
司徒華就一皺眉頭,對住佢問。
咁又啱嘅,入高危病房呢件事唔係講笑,更何況比起無人去,到時臨時縮沙就更加大鑊。
「唉⋯如果有得揀梗係唔想啦⋯但問題係而家我哋無得揀,係咪?有啲嘢總要有人做,如果個個都唔去,事情就會變得更加嚴峻⋯所以華叔你放心,我喺度應承大家,無人去的話,我去。」
徐承恩在一次向會議室入面嘅其他人表達自己嘅決心,而聽到佢呢番說話,現場亦有幾個人耷低頭,一副羞愧嘅模樣。
「好!就咁決定。徐醫生,我司徒華喺度向你保證,如果你唔好彩出咗事,我哋必定會作出補償。但無論點都好,今次你係責任重大,我哋一定唔會忘記你嘅付出。」
司徒華咁講。
第二日,民間防疫工作小組喺《蘋果日報》入面接受採訪,表示將會動員義工響應政府呼籲參與抗疫工作。
同時,工作小組嘅街站除咗派發物資,亦呼籲民間醫護人員登記做志願者。
一個星期後,民間防疫工作小組入面,將會參與政府志願醫護計劃嘅人,除咗徐承恩之外,合共30人,當中以診所及私家醫院嘅護士為主,醫生則5人,分別來自唔同嘅專科,其中一個正正係當日有份參與會議嘅人。
紹伊古一戰封神
2022-10-12 02:48:59
鐵拳無敵鍾培生
2022-10-12 02:56:44
佢寫嘅書好有料
irregular
2022-10-12 03:54:52
live
傳說的加利仔
2022-10-12 07:47:01
樓主,可唔可以唔用”志願者”呢幾隻字?寫得呢d文,受眾係咩背景大家心知肚明,呢幾隻字好土共。
黃道吉日
2022-10-12 13:13:04
文字獄
Shing身鳩毛
2022-10-12 16:29:41
03年香港地又真係叫義工多
紹伊古一戰封神
2022-10-13 04:37:27
樓主我們到了