【獨立】由九七年開始再嚟一次

將上述幾個關鍵字組合之後，我有個諗法。

「第一，官司本身就係用工作小組嘅名義，官司仲未完，本身就唔應該解散，如果唔係到時無論係用民主黨名義抑或其他泛民組織接手單官司都好奇怪⋯」

我未講完，練sir就接過話題，繼續講。

「第二，無論係工作小組嘅性質，抑或係組織義工入去醫院幫手，工作小組都有義務要去支援嗰啲受沙士影響，尤其是係喺醫院抗逆導致確診嘅人，因此呢個時候絕對唔能夠解散。」

「嗯，冇錯。然之後第三點，為咗確保同類型嘅事件唔會再發生，以後唔會再有醫護因為政策失當而犧牲，我哋需要一個類似工會嘅組織去保障醫護嘅權益，而工作小組本身就係一個最好嘅雛形。」

「就咁話！」

我哋兩個異口同聲咁講，但講完，雙方不約而同陷入沉默。

冇錯，呢個講法喺政治道德上完全講得通，司徒華亦冇可能正面拒絕呢個提議，如果唔係喺道德上就會落入一個低地。

但問題係，呢個講法只能夠令佢表面上放棄啲舊錢，實際上佢一樣可以利用人數同政治力量嘅優勢，安排一個親泛民，甚至直頭係泛民中人去做高層，最終掏空呢舊嘢。

所以我哋需要一個方法阻嚇佢哋，等佢哋唔敢向呢嚿錢落手。

時間剩低六七分鐘，我再喺腦海入面重溫過去香港政界發生嘅每一件事，諗一諗仲有冇啲乜嘢案例可以參考。

會議…阻嚇….

馮敬恩？MyRadio?

我腦入面唔知點解浮現咗呢兩個關鍵字，頓時有個諗法。

「練sir，我想問吓而家嗰會有咩人喺度？」
我問佢。

「劉慧卿、徐承⋯」
「得，夠做！」

正所謂「卿姐係大廳，萬事唔使驚」，有呢件八婆喺度，咁就方便啦。

「練Sir，有件事希望可以拜託你，雖然明白可能同你嘅道德觀或者政治倫理有衝突，但希望你可以接受吓，先過咗呢個難關先講。」

「你講啦，只要唔好太過分都冇問題。」

「一陣間轉頭開會⋯」

就係咁六分鐘好快就過去，會議繼續。

會議室入面

「啱啱休息嘅時候我都諗過，我反對而家解散工作小組，我知道咁樣可能大家會有唔同意見，但希望聽一聽我講先。」

「首先，同政府嘅官司係用工作小組嘅名義，霎時之間解散公眾嘅反應都無法預計。

加上本身有部份嘅醫護家屬對於政黨介入有一定保留，佢哋願意參與呢場官司正正係因為工作小組相對中立嘅角色。如果而家話解散，就算官司有其他政黨願意接受，家屬會唔會介懷都係另一件事。」

練sir喺會議室入面咁講，有部份醫護或者素人義工出身嘅與會者都點頭同意。但另一邊，泛民組織出身嘅人冇任何回應，劉慧卿同埋其他比較火爆嘅已經開始啤住練Sir。

「另外，工作小組嘅捐款，本身就應該用返喺沙士呢件事上面。雖然而家疫情過去，咁但係有好多受害者同埋家屬佢哋嘅生活都受到影響，我哋應該運用呢舊資金去給予幫助。

更何況部份嘅義工係響應我哋嘅呼籲，先走入醫院幫手，如果我哋而家唔理佢哋，咁其實係用完即棄啫。」

「咁你意思即係話，之前應該畀晒中咗沙士嘅人同埋佢哋家屬？」

話口未完就有人出聲，唔係劉慧卿，不過係另一個民主黨嘅人。

「冇錯，呢個係政治道德問題，呢舊錢係因為沙士而嚟，就應該『優先』用返喺沙士所帶嚟嘅問題，如果唔係同食人血饅頭有咩分別。」

嘩，估你唔到，估唔到呢一世「人血饅頭」呢個詞語第一次出現居然係用喺民主黨身上，前世你屌本土派人血饅頭屌得咁開心，報應嚟啦。

「咁依你高見，咁多個組織出人出錢出力，甚至有人俾人打，都唔應該比佢哋，總之就應該顧晒班家屬先，係咪？」

劉慧卿終於出聲。

聽完佢咁問，我好清楚咁聽到練Sir喺電話另一邊吞咗啖口水，果然八婆發起癲上嚟唔係人咁品，今次真係辛苦晒。

城市戰嘅話，popo屌打老解

先呢樣嘢我真係寫唔出
真心如果唔用其他方法，正面打係打唔贏，呢個係事實大家要接受先

唔係睇你個故，我都唔知原來劉慧卿以前喺前線

一次追3話，爽

堆

持平啲講，卿姐又真係從來冇講過「啲票喺我度」。成句嘢係傳媒移花接木出嚟

睇樓豬會唔會阻止示威

好耐冇日日係連登等更新追故

樓豬呢

lm繼續表示支持

繼續支持樓主

正皮支持樓主

Live

推

好睇！！！
期待結局
即使係虛構，但總有盼望

啱啱發展個故，追到live,其實明顯大家都好後生，竟然唔係咁多人一睇就知係練sir.

真，去到軍事衝突層面，香港肯定會比中共炸撚左

好難炸㗎，唔用核武嘅話
你睇俄軍炸馬里波炸咗幾耐都爛唔晒就知
仲要到最後，其實都唔係靠炸死亞速營，而係靠令佢哋彈盡糧絕

邊洗炸，海陸空全面封鎖，一個月香港就收皮。樓主應該諗緊點樣利用外國勢力