【獨立】由九七年開始再嚟一次

你想講2002?

幾好睇 推

文呢？！？

LM支持

Lm

lm

樓上咪quote文啦第一日入講故台？

真

係呀唔小心打錯咗

今日更新時間大概應該係香港凌晨12點-1點左右

2002年2月12日

廣東已經有超過100人中咗非典⋯
【突發】天涯有人話板藍根可以防非典⋯
【鞭屍】之前邊個講封關戇撚鳩嘅死出嚟，今次香港真係多得你哋唔少⋯


我坐喺電腦前面，望住高登呢幾日嘅Post。隨着疫情蔓延，除咗謠言四起，乜嘢醋同板藍根可以防疫之外，輿論亦開始逆轉，眼見疫情有可能殺到埋身，支持封關嘅人亦都越來越多。

如果冇記錯的話，下個月香港就會爆發第一宗個案，到時呢股輿論就會演變成「如果政府一早封關就唔會有事」，將矛頭指向政府。

「老婆，最近東莞嗰邊好大鑊，呢排都係少出門口安全啲，你睇吓同瑪麗亞講放咗學就快啲帶阿仔返屋企，費事陣間中招。」

「係呀，我睇吓呢兩日買定啲口罩，你返工嘅時候帶幾個過去傍身。」

「阿仔！出面見到有人咳行開啲呀！知唔知呀！」

「知啦。」

你睇，疫情必然會引起恐慌，之後如果政府處理不善，恐慌就會演變做民怨，無論2002抑或2022都係一樣。

但另一方面，喺恐慌當中民眾會更期望「英雄」嘅出現，無論係有先見之明嘅賢者，抑或係有勇氣挺身而出直面恐懼源頭嘅勇士，只要喺恐慌當中逆流而上，就會得到大眾嘅推崇，無論係武漢肺炎疫情嘅吹哨人，抑或係沙士當中犧牲嘅醫護人員，都係同樣嘅道理。

而接落嚟要做嘅事，就係喺呢個「英雄」嘅光環上面分一杯羹。

依個故值得追

3月4日

「早前一名中國籍男子於廣華醫院急症室求診，經診斷後證實確診非典型肺炎，隨後病情惡化並送入深切治療部，該名患者於今日不治逝世，成為本港第一宗非典型肺炎嘅死亡個案⋯」

「特區政府表示，現階段非典型肺炎並未有社區爆發嘅跡象，呼籲市民無需過度緊張⋯」

「保安局局長葉劉淑儀表示，就23條立法一事，現時正處於諮詢階段，相關程序將會穩步繼續，同時亦強調雖然早前民調出現「電腦出錯」，但唔能夠表示大多數市民反對23條立法，相信只要能夠釋除疑慮，大多數市民都會願意支持23條立法工作⋯」

隨着時間過去，香港亦開始出現非典型肺炎個案，但港共一於少理，除咗講埋啲廢話之外，並無其他實際措施。

早前叫練sir準備嘅物資，相信佢都應該會明白我嘅意思。只要係港共採取相應措施之前，高調咁將物資捐贈去唔同嘅醫院，就可以有效提高自己嘅聲譽同大眾印象，為之後反對23條鋪路，不過我冇諗到嘅係⋯

翌日
蘋果日報頭條
「中策組顧問憤然辭職 批港府消極抗疫 籲各界民間抗疫」

等陣先等陣先等陣先，辭職？

「中央政策組顧問練乙錚表示於今早正式去信請辭顧問一職，強調請辭原因是由於過去數月多次呼籲政府重視非典型肺炎一事不果，有感中策組無力阻止港府施政不當，因而請辭。

練乙錚表示『中央政策組嘅目的，係提出意見比政府，等佢哋更有效推動政策，但如果政府都漠視我哋嘅意見，咁我留喺度仲有咩意思呢？』

同時，練乙錚呼籲香港各界團結一致，通過民間力量做好防疫措施，以減輕非典型肺炎對本港所造成嘅損失。」

我再睇埋落去。

「現時多名醫學界人士、包括民主黨在內各民主派政黨及組織響應呼籲，宣布成立『民間防疫工作小組』，將會向各大醫院捐贈保護衣等防疫物資，並於各區設置街站，發放口罩。

壹傳媒創辦人黎智英表示捐出二十萬港元作購買防疫物資之用⋯」

民主黨？黎智英？？
我行入房，攞起電話打俾練Sir。

「喂，我係X。」
「我想問一問，之前希望你準備個批物資⋯你捐咗出去？」

「係，始終人手抑或宣傳都唔識，聯絡其他民主派人士係必要嘅事，定係呢方面有咩問題？」

我一時語窒。的而且確係而家呢個年代，搵埋泛民一齊落水係一個最好嘅選擇，但係唔嚟啦間要將自己嘅成果分一部份出去，尤其是係要分比民主黨，唔多唔少我都有啲唔憤氣。

「無⋯你嘅決定係啱嘅。咁⋯辭職呢？」

「呢層主要係因為呢幾個月政府入面都有人向我施壓，如果繼續留喺中策組，一係遲早冇得做，一係就逼住收聲，與其係咁倒不如自己請辭⋯」

「OK，我明白，呢方面都辛苦晒你。咁嚟緊嘅就係喺疫情方面做足啲，相信我都唔使多講。」

「好，再講。」

雖然練Sir會搵埋泛民落水呢件事係我意料之外，但畢竟「封關論」一事將會喺未來為佢獲取唔少聲望，總算未係一無所得。

不過泛民高調落水，就要擔心另外一件事…

live
03年司徒華未死 民主黨仲有班大佬 睇主角可以點拆

中央港澳工作領導小組辦公室

係一間燈光昏暗嘅會議室，坐住一班着住西裝嘅人，而佢哋當中，隱隱以喺正中央嗰個略顯發福嘅中年男子為首。

「你們說，這件事要怎樣處理？」
佢將一份報紙拍喺枱面，係今日嘅蘋果日報。

「呃…上面的意思是說，中央與香港民主派的問題是內部矛盾，在疫情方面，不妨可以寬容一點⋯」

一名帶着眼鏡，身型消瘦嘅中年男子抹住汗講。

「媽的！他們今天敢批評特區政府，喧賓奪主搞什麼『民間防疫』，明天還不反了天！這件事，一定要給他們攪黃了！」

發福男子拍着枱咁講。

「但畢竟上面領導的意思⋯」

「你他媽跟了我這麼久，腦子還是像豬一樣，他們既然想要『防疫』，那麼便由他們去吧！不過，輿論上的工作⋯」

「領導，我明白你的意思了。」

「對，叫中聯辦那邊，是時候把『筆桿子』動起來了，總不能讓這些人那麼囂張，何況這樣搞下去，對二十三條的立法也會造成不好的影響。」

發福中年點起支煙，對消瘦中年講。

「就這樣吧！跟他們說，這件事辦不好，他們也吃不完兜着走，趕緊動起來。」

就係咁，國家機器開始動起來了。

明日繼續

畀泛民騎劫