【獨立】由九七年開始再嚟一次

「各位同學，尋日『我的志願』張工作紙大家做咗未呢？有冇同學仔可以同大家分享吓？」

隨着老師發問，唔少小朋友都舉起隻手，爭住發表自己嘅「偉論」，但係又有幾多人嘅夢想，可以堅持到大個？

「我大個想做醫生，因為….」
「我想做老師⋯」

我抬頭望一望窗外，見到接放學嘅家長陸續去到幼稚園門口，見到人群當中自己父母，我知道係時候到我啦。

「老師！我，歐陽健峰！未來想做個警察，同爹哋一樣，除暴安良，維護法紀，捉晒啲壞人！」

我特登用一個較大嘅聲量，等喺門口嘅父母聽到我講啲咩。呢個就係呢幾年我一直扮演嘅形象，一個憧憬父親，一心想做個警察，智力上比起同年人較為優越嘅小朋友。

只有咁做，先可以為提前接觸警察系統一事作鋪墊，畢竟一個想做警察嘅小朋友，叫老竇帶佢見下「警察叔叔」，一啲都唔出奇，你話係咪？

喺返屋企嘅路上，老竇抱住我，好開心咁同老母講：

「老婆，你話我哋難得放假來接仔仔，竟然聽到阿仔話想做警察，『除暴安良，維護法紀』，睇吓講得幾好！」

然後佢露出一個得戚嘅笑容。

「阿仔不嬲都叻仔㗎啦，不過你呀，阿仔想做警察，你就要做個好榜樣俾佢睇，知唔知啊。」

我老母就咁樣回應。

就係咁，我哋一家三口就返屋企，但兩老唔知嘅係，我的而且確係想「除暴安良」，不過同佢哋諗嘅可能有少少唔同啫。

Lm

留名

同日深夜，我確定屋企所有人已經瞓着咗之後，偷偷地爬起身，去到客廳打開咗部電腦。

呢部電腦係一年前老竇買返嚟，由於平日我會用「上網睇書」做藉口問兩老借用，因此無set到密碼。

入到桌面，見到右下角嘅「12/06/2022」日期，除咗感慨一下命運嘅偶然之外，亦都確信今日係踏出第一步嘅日子。

用着久違嘅鍵盤，喺Yahoo!到打出「Freegate」進行搜索，呢個係一個係2022年3月，由美國NGO推出嘅VPN，最早係為咗令法輪功學員避免中國嘅網絡封鎖，但對我嚟講，有另外一個用途。

我需要令我嘅代理人相信我，我一個方法就係展示出對未來嘅掌握，但於是一來稍有不慎，就會令自己身份曝光，因此我哋需要利用VPN增加追查嘅難度。

開咗VPN，簡單咁註冊咗一個Yahoo! Mail，從網上搜尋到佢嘅電郵地址，逐字逐字咁開始寫一封Email。

「敬啟者：

本人有重大事宜告知，但由於諸多事務纏身，唯有以電郵形式聯絡，還請見諒。

1. 6月15號世界盃土耳其對中國，將以土耳其三比零勝出。

2.本月末將有一批法輪功學員被香港政府拒絕入境。

3. 9月23日，香港教區樞機胡振中將會因骨髓癌病逝，主教一職將由陳日君接任。

對於上述資料還請保密，而情報來源請恕本人現階段未能透露，但當時機成熟時還望撥冗面談。

X上
開埠161年6月12日」

雖然呢封E-mail放喺10年之後同詐騙、垃圾電郵無分別，但放喺而家呢個時代至少都會望兩眼，只要內容成真，相信能夠引起佢嘅注意，為之後嘅接觸鋪路。

留名支持

係咪打錯咗年份？

邊個位

2022年？

頂⋯唔小心打錯咗
2002先啱

lm

lm

勿爛尾

主要係你驚唔驚會俾人搞

其實小弟就唔驚俾人搞
最驚係大家唔鍾意啫

暫時幾好睇

我就鍾意嘅

lm

推

最鐘意用真名。
會唔會有老懵董出現，幫我打鳩埋佢。
煲呔權會唔會同老懵董搞基？

留名

如是者一連幾月，我都喺返學、放學、觀望局勢三者循環當中渡過。但值得慶幸嘅係，喺電郵入面提及嘅三件事都如前世一樣發生。

喺十月上旬，正當我喺深夜一如既往檢查電郵嘅時候，發現一封新嘅回覆。



既然第一步，即勾起對方注意嘅目的已經達成，咁而家就係要同對方接觸並取信於人。但在此之前，我要好好諗吓點樣同佢接觸。

對對方而言，一個能夠準確預測未來嘅人，自然會對其身份覺得好奇，會猜度背後動機亦係合理不過。甚至企喺對方而家嘅立場，接觸一事會否有公權力介入亦係未知之數，因此必須要再三謹慎。

對我而言，暴露身份意味着損失，先唔講會對往後扮演警犬一事造成變數。重要嘅係，我而家先得五歲，喺對方眼中只係一個小朋友，哪怕掌握住一個準確而神秘嘅情報來源，一旦身份比對方得悉，往後要影響佢嘅決策會變得更加困難。

因此，係呢一步嘅重點，就係喺接觸對方與身份保密之間取得平衡，既要令對方信任，又要隱藏自己嘅身份。

今日去到呢度，今晚俾多少少時間我諗諗之後點寫
聽日繼續，大家可以估吓對方係邊個
有興趣可以多啲討論

LM

對手想見面

LM