【獨立】由九七年開始再嚟一次

Bravo!

食完早餐開始更

翌日，港共政府隨即宣布針對殉職醫護人員提供支援嘅進一步措施。

「行政長官董建華表示，對於沙士期間因參與防疫工作而殉職嘅醫護人士，特區政府相當重視對佢哋家屬嘅支援工作。

除咗早前公佈要求財委會撥款兩億，為受感染病毒嘅醫護人員提供援助以及用於醫護人員進修及培訓之外，將特別追加一千萬為殉職醫護家屬提供支援，包括但不限於為其在世子女提供獎學金、對失去收入來源嘅家庭提供必要經濟援助等⋯

行政長官董建華希望通過呢個措施，彌補殉職醫護家庭所面臨嘅經濟影響，同時亦希望此措施能夠比目前仍然堅守崗位嘅醫護人員知道，特區政府將會成為佢哋嘅後盾，為佢哋提供一切所需支援。」

望住電視機嘅新聞報道，果然自己會諗到嘅嘢，對家都會諗到，當殉職醫護家屬成為輿論嘅關鍵，各方自然會努力將佢哋拉去自己嗰邊。

而香港人本身就習慣「大事化小」，只要政府稍為讓步，或者睇起上嚟好似有幾分誠意，唔少人都會選擇妥協，如果唔係「階段性勝利」呢個講法又點會曾經大行其道？

不過呢種「讓步」，並唔係每一個人都受落。

6月8日

距離六四已經過咗幾日，數十年如一日嘅行禮如儀自然無需在意。但有趣嘅係，今年雖然有沙士疫情，但參與人數反而比舊年更高。

其實大多數嘅人不唔太在意集會、遊行嘅主題，亦唔會去深究搞手係邊，或者當中可能真係唔多唔少想悼念六四，但更加多人只係當成一個可以抒發憤怒嘅機會，同元旦、七一遊行一樣。如果唔係一九年六四就唔會有咁多人高呼香港獨立啦。

不過今日嘅重點唔係呢度。


民間防疫工作小組會議

「六四集會辛苦晒大家，今日主要係想問一問聯絡殉職醫護家屬嗰邊嘅進度…」

司徒華對住其他與會者問。

「華叔⋯我諗你都知，本身啲家屬其實都十五十六，政府又表示會提供支援，其實佢哋好多都已經收貨，唔係咁易勸得郁㗎⋯」

其中一個參與者咁講。

「嗯⋯唉，我呢邊都係，今日同其中一個家屬聯絡，佢哋都表明無意繼續追究。」

司徒華繼續講。

「不過我覺得練乙錚提議起訴政府呢件事，確實有必要做落去。或者我哋諗吓有冇其他方法，例如工作小組有冇義工不幸確診，佢哋會唔會願意參與起訴？」

「呃⋯冇辦法啦，我再問一問。」

「話時話，練乙錚呢？」

「啱啱見佢喺出面走廊打緊電話。」

話音剛落，練Sir就拎住電話衝咗入會議室，面上不復一直以來沉穩、冷靜嘅表情，略帶興奮咁同其他人講。

「啱啱我同鄭夏恩醫生家屬傾完電話，佢哋應承咗願意參與起訴！」

語畢，會議室內鴉雀無聲，片刻後掌聲如雷。

6月12日

民間防疫工作小組公佈將聯同殉職醫護家屬、確診醫護及義工起訴港共政府由於對疫情處理失當，導致人命傷亡。

而喺工作小組各方奔走努力下，呢單官司亦出乎意料之外有效率，將於一個星期之後開庭。

雖然有唔少建制派以及親中媒體都嘗試抹黑呢個舉動，指工作小組終於暴露真面目，喺呢個時候用法律手段拖政府後腿，利用醫護家屬謀取政治資本。

然而喺過去一年串輿論攻防之中，「疫情蔓延係政府失當」呢個概念早已深入民心，加上喺「殉職醫護家屬」呢個光環加持底下，絕大多數香港人都同意呢場官司，認為只係工作小組為家屬討回公道。

如是者，一個星期後，二零零三年六月十九日，官司開庭。

雖然因為疫情原因，大多數人無辦法入去法庭入面旁聽，但法庭出面依然有唔少人選擇睇電視機直播，入面嘅記者席亦坐滿唔同媒體嘅記者。

喺法庭門外嘅案件文件，控方律師一欄嘅人名，正係黃國桐。

打官司嗰部分唔易寫 加油巴打
下次見到黃國桐俾佢睇下

桐叔

其實你寫到全香港都係黃絲，黃之鋒做埋特首都冇用，有共匪存在，根本冇可能獨立

呢兩日比較忙，聽日更新

Lm

支持

可以返97已經係FF故啦，FF故都唔俾人FF，你咪自己寫篇［統戰港台澳］囉

比黃屍同河童統治嘅香港 只會係另一個時空嘅惡夢
係2020-2022依班人都係會批鬥人帶口罩迫人打針 話一齊抗疫畫面好靚

點解依個故咁吸引 係因為佢真係從本土派嘅角度出發 支持樓主

其實好多香港人都有一個誤解，大家成日都將最大程度嘅關注放喺第一日上庭，當正嗰日係最重要咁，但事實正正相反。通常上法庭嘅第一日，都只不過係同控辯雙方確認案情，問一問辯方亦唔認罪，跟住安排正式開審時間，然後散場。

我仲記得前世梁天琦第一日開庭，好多人特登請假去聽，我都唔例外。法庭內外都坐滿晒人，結果唔夠半個鐘就完場散水，早餐時段都仲未完。

今次依單案都一樣，唔夠一個鐘就宣佈退庭。而且法庭一樣係「拖字訣」，將正式開庭日子定係七一遊行之後，七月18日。

「黃律師，請問你對呢單案有冇信心啊？」

法庭門外，案件相關嘅人士被記者追問。

「官司嘅結果最終都係要交由法庭判決，但相信呢幾個月嚟，香港市民對於政府有冇過失自有判斷，而我亦都相信法官嘅眼光係雪亮嘅，最終會給予受害家屬一個合理嘅答覆。」

黃國桐停咗一停，對住發問嘅記者講。

「咁黃律師你又會唔會擔心一旦敗訴，將會影響其他家屬日後向政府索償嘅舉動呢？」

「當然如果呢單官司敗訴，加上死因裁判庭裁定醫護人員係『自然死亡』，往後沙士受害嘅醫護以及佢哋家屬要再向政府索償，自然係會變得困難⋯」

佢繼續回覆記者嘅問題，大約過咗五六分鐘之後，記者開始將目光轉向企喺側邊嘅司徒華。

「華叔，對於今次呢件事，民間防疫工作小組有無一啲意見或者補充呢？」

《蘋果日報》嘅記者問道。

「多謝呢位傳媒朋友嘅提問，工作小組有唔少義工曾經同醫護一齊共同工作，甚至認識部份殉職醫護，我哋自然梗係感到萬分嘅哀傷同悲痛。

所以我哋更加希望法院能夠有一個公平嘅判決，佢哋嘅犧牲唔單只係因為疫情，更加係基於行政失當，我哋無辦法令到病毒呢個元兇付出代價，但香港政府作為疫情擴散嘅幫兇，我哋一定要令佢負上應得嘅責任，先可以為受害嘅醫護人員討回公道。

司徒華咁講。

「咁華叔，相信你都知道唔少市民都非常關注呢單案件，咁除咗關注之外，工作小組認為仲有啲咩行動能夠為呢件事提供幫助？」

《蘋果》記者繼續講。如果呢個時候我在場的話，一定會感嘆「有自己媒體真係好」，有陣時好多嘢唔方便用你把口直接講，但只要有一個媒體揸手，就可以簡單咁用媒體將問題引出，再經媒體把口講出嚟。

「嚟緊七一，民間人權陣線將會舉辦遊行，我哋民間防疫工作小組亦會參加，我希望大家能夠企出嚟，身體力行向政府表達不滿。參與嘅人數越多，政府所面對嘅壓力就越大，讓步嘅機會就越高⋯」

果然，官司既然被拖延去到七一之後，咁當務之急就係拉高七一參與人數，呢點司徒華都好清楚。而係社交媒體未出現嘅時代，報紙、電台就係最主流嘅動員方法，因此點樣把握每一次報道嘅機會去宣揚重點內容，可以話係老一輩政治人物嘅必修課。

而七一對我嚟講算係開始行動之後面對嘅第一個香港歷史重大時刻，因此當日同歷史上嘅出入，就係我呢段期間嘅一份成績表。

睇得出樓主好熟過往十幾年香港政治

好懷念

個故事走向咁樣發展 好易會變到販民過於強大
本土仲難抬頭 就算練蛇係主角隻棋係販民入面上位 又制唔制衡到班仆街呢