【獨立】由九七年開始再嚟一次

追數, 快更

俾多少少時間我，英國時間12點之前一定有更新

對唔住各位大佬

「今次聯絡，係有一啲更加重要嘅嘢想同你講，或者話想同你合作。」

「⋯⋯坦白講，我同你素未謀面，好難相信你。」

對於佢嘅回覆，其實都係合理之內，試問邊個會無啦啦相信一個藏頭露尾，又未見過面嘅人？

「你唔相信『我』唔緊要，我只係將信息提供俾你，做定唔做，決定權以及件事嘅控制權都係你手上，至於消息嘅準確性，相信我唔需要多講。」

「嗯⋯請講」

「今年年底，廣東省將會爆發一種致命病毒，冇耐之後將會傳播到香港。我希望你能夠喺疫情爆發初期，利用自己嘅身份，公開呼籲政府封閉與中國嘅關口，阻止病毒蔓延。」

其實我心入面非常清楚，香港政府根本唔會應承封關，畢竟比起你哋班賤民，舐共先係第一要務。不過我都唔在意是否封關，重點係在於「公開呼籲」，等到疫情爆發，市民苦不堪言，最早提倡封關嘅人就自然顯得有先見之明，簡單嚟講即係「老師又中」。

「第二，相信你都知道香港政府已經就23條進行諮詢，來年將會正式放上立法會，而屆時公布嘅內容將會比你所知嘅更加嚴苛，我希望你能夠喺反對23條嘅活動當中扮演更重要的角色，例如可能參與相關團體，或者以體制內嘅身份去公開批評。」

「嗯⋯第一點冇問題，但第二點相信你都知我而家喺中央政策組做緊顧問，角色上可能會有少少尷尬，如果係利用我而家呢個角色，向政府表達民意⋯」

練sir語氣多少有啲猶豫，始終咁樣做就等於同政府徹底決裂，今年只係2002年，唔多唔少對香港政府仲抱有希望都係情理之中。

「咁如果我話俾你聽，因為你支持民主派嘅立場，政府將會要求你長期休假，直至合同結束呢？由始至終，體制內嘅民主派人士，只不過係擺設。」

「如果係咁⋯你俾我考慮吓。」

雖然休假一事其實發生喺零四年下旬，而練sir亦都冇明確咁應承喺23條一事更加高調參與。但係唔緊要，經過沙士一事，佢只會更加相信我提供嘅消息，更何況以我認識嘅佢，最終都係會落水，應該⋯

「最後，希望你可以喺呢一年準備大概二十萬，並留意一下IT、公關嘅相關人才，未來會用得着。放心，啲錢唔會經我手。」

「冇問題。」

「OK，咁我哋以後保持聯絡，多多保重。」

「大家咁話⋯不過雖然我今日咩都見唔到，但『年輕人』做嘢，要謹慎為上，保重」

「年輕人」，到底佢係見到我？定抑或只係憑聲線同語氣判斷？我突然慶幸自己嘅選擇，好彩係練乙錚，無論立場抑或人格上都叫可信，如果係陳雲就大鑊了。

不過宜家諗咁多都無謂，但小心為上，我將電話卡拆咗出嚟，掉咗落馬桶入面沖咗佢，然後行出殘廁，準備為今日嘅行動收尾。

係陳雲就大獲

咁快live幾時先追到大結局

為左巴打世界時鐘教埋英國,加速唔該

個頭開得幾吸引, 希望唔好爛尾, 支持

如果係希爾頓大總統，佢肯定大肆宣傳完之後咩都唔做

「媽咪，對唔住呀，頭先我個肚痛，廁所出到嚟就聽到個鐘響，所以就行開咗⋯」
「叫咗你企喺度等㗎啦！你係都唔聽！」

喺客戶中心，一個大約四五歲嘅小朋友俾佢老母鬧緊，而小朋友眼濕濕，喊住咁同老母道歉。嗯，嗰個就係我。

從殘廁出嚟之後，我就向着最近嘅客戶中心行去，至於眼上嘅淚水，就係喺附近廁所水龍頭用水沾上去，始終而家得五歲，梗係好好利用下年齡優勢啦。

「媽咪，我以後唔敢喇⋯我哋返屋企啦，好冇？」
「冇下次呀，下次再係咁就唔要你㗎啦，知唔知呀！」

如是者，我就同老母踏上歸家嘅道路。
剩低嘅，就係等今年年尾，我哋親愛嘅「祖國」送俾我哋嘅嗰份大禮。

「有關近日廣東省疫情一事，特區政府必須聆聽專家意見，採取行動。

誠然，如今當地疫情未惡化至全面爆發，但如果特區政府『後知後覺』，一切早已太晚。而要最大程度杜絕疫情蔓延，最有效方法便是對內地實施全面封關，早前本人亦將相關意見表達予政府，但政府中人由於擔心對旅遊業影響，將上述提案否決。

但當疫情蔓延至香港，收危害的不僅是香港經濟，而是將近七百十萬香港市民的生命。生命無價，在市民的生命安危面前，一切措施皆非過為已甚⋯」

練Sir亦都開始提出全面封關，但如我所料，唔單止政府，連大多數香港人都覺得太過誇張，總之有人批評練Sir誇大疫情，嘩眾取寵。不過唔緊要，過多幾個月你就知死。

不過既然輿論上嘅部署已經搞掂，跟住就係啲實際小小嘅嘢。我望一望個鐘，而家六點都未到，距離兩老返屋企仲有一段時間，菲傭喺廚房煮緊飯，於是我就行入間房鎖起道門，喺床下底拎部手機出嚟，將事前已經準備好嘅電話卡放入去。

至於張電話卡點嚟？梗係偷老竇枱面啲散銀啦。

「喂，我係X。呢幾個星期，相信教授你都過得唔係咁輕鬆，不過唔緊要，過多兩個月就唔同世界㗎啦。」

「最好係咁啦，如果唔係我呢鋪都少少麻煩，畢竟而家部份輿論矛頭都指向我。」

「放心啦，有啲嘢⋯改變唔到㗎」
「今次聯絡你，係想你提前喺海外入一批口罩、保護衣同埋相關物資，另外如果能力許可，可以搵一啲信得過嘅人，兩個月之後有用。」

「冇問題。」

邊個話信政府冇事㗎？防疫唔靠群眾自發，靠政府條屍都臭啦。不過呢個係一個好機會，只要降低喺沙士入面政府嘅角色，之後嘅反彈就更加強烈，睇怕今次董建華隻腳都係要提前病發㗎啦。

屌，漏咗一段仔，出多次

Post左相同文

係呀，唔小心Copy少咗

原來唔同sor

出得一篇

各位大佬體諒吓，正經嘢要緊

live 咗
劇情緊湊
幾好睇喎

好睇，但我更期待
如果 『預言』失敗後會點

留名

好睇 Lm

好故已正評Lmlm