525 Like
21 Dislike
日月空曌
2022-11-01 21:51:52
「⋯各位香港人,再一次感謝大家今日願意行出嚟。」
「今日遊行嘅時候,身邊有唔少香港人同我講『多謝』,覺得我喺沙士入面做咗好多嘢,覺得我係第一個警告大家嘅人,好值得尊敬,但其實並唔係咁。」
「我冇好似班醫護咁冒生命危險入病房救人;我亦都冇好似班義工咁數月來如一日,將物資分發比大家;亦都俾唔上各位香港人,大熱天時依然行出嚟,表達自己嘅聲音。」
「真正值得尊敬嘅,係喺病房入面奮鬥喺第一單嘅醫護,喺街站入面面對威脅仍然毫不退縮嘅義工,係各位香港人。」
練Sir停咗一停,然後繼續講。
「我所做嘅,只不過係憑良心出發,講出一啲政府想隱瞞嘅事,等大家有所警惕,就係咁簡單。」
「但我亦希望各位香港人能夠記得,正正係因為董建華,以及其政府嘅隱瞞,先至令香港係沙士期間出現咁多不必要嘅犧牲,所以我哋必須令佢哋附上責任。」
「各位香港人,請你哋喺今後繼續堅持落去,唔好令死者白白犧牲,可以嗎?」
講完台下一片叫好嘅聲音,好似所有參與遊行嘅人都願意持之以恆咁堅持落去。但可惜嘅係,民意確實有如滔天洪水,人數夠多未嘗唔能夠衝擊政權,但潮漲快退潮亦快,如果冇辦法合理咁運用民意,唔夠一個星期又係「太陽照常升起」。
日月空曌
2022-11-01 22:18:07
夜晚九點,雖然太陽已經落山,部份遊行人士亦都已經抵達終點並散去,但依然有唔少香港人繼續加入到遊行隊伍當中,港島依然人頭洶湧。
民陣亦因為人數太多,將終點改為雪廠街,但有部份參與者堅持要遊行至政府總部,並開始與警方對峙。
夜晚十點,皇后大道中雪廠街交界。
「以下係警方呼籲,由於遊行參與者過多,與主辦單位協調之後,今日遊行終點將改為雪廠街,並於十點半結束,請遊行人士在此有秩序散去,多謝合作。」
「喂!搞咩啊!」
「今日終點係喺政總㗎嘛!你哋係咪想計少數咋!」
「開路!開路!」
雖然時間已經唔早,但仍然有幾萬人喺遊行隊伍當中。而聽到警察呢番說話之後,遊行人士開始同佢哋對峙。
半個鐘頭後,警察開始將遊行人士推上行人路。
「遊行已經結束!麻煩大家上返行人路!」
「喂!你哋唔好再推!後面好逼冇位啦!」
但因為現場實在太多人,就算已經盡量行去兩邊行人路依然企唔晒,唔少人仍然要企喺馬路邊。而喺行人路,已經逼到好似沙甸魚罐頭咁樣,加上當中亦有人係一家大細出嚟遊行,所以現場嘅人都開始鼓躁。
「有小朋友㗎!唔好再推得唔得呀!」
「先生!上返行人路啊!聽唔聽到啊!」
雖然聽到有遊行人士咁講,但有警察,唔係,係警犬依然夾硬推啲人上行人路。
終於⋯
「哎呀!我隻腳!!」
行人路嘅人群入面,有一把女聲傳出。
「屌你!都叫你咪撚再推囉」
終於有人忍唔住,用手推開咗嗰個警察。
「先生!!我警告你!你而家係襲警啊!」
「都講咗後面有大有細,叫你唔好再推囉!」
推開警察嗰個男人咁講。
然而,香港警察會講道理就唔係香港警察啦,話口未完,就開始有一對軍裝跑過嚟戒備,準備拘捕嗰個男人。
「咩啊!咁係呀嗎!一陣間人踩人點⋯」
佢未講完,啱啱俾佢推開嗰個警察就捉住佢隻手,喺腰到拎手扣出嚟準備拘捕佢。
「喂!你做乜嘢啊」
「停手!」
見到警察拎手扣出嚟,周圍嘅群眾有人叫佢停手,亦有人發出不知所措嘅尖叫,甚至有人跑走。
不過,除咗身邊有幾個人嘗試救佢之外,大多數嘅人都係一邊走一邊屌,得個睇字。
冇錯,This is Hong Kong ,何況係零三年嘅香港。
不過喺不遠處,冇人留意到有一個後生仔拎住攝影機,影低晒呢一幕。
日月空曌
2022-11-01 22:19:41
今日姑且到呢度先?
扮工谷帝皇
2022-11-01 22:20:19
冇人話俾你停
日月空曌
2022-11-01 22:21:12
大家追緊就留下言,有陣時見到冇人覆以為冇人睇
扮工谷帝皇
2022-11-01 22:21:28
扮工谷帝皇
2022-11-01 22:26:54
出多幾篇啦
Shing身鳩毛
2022-11-01 22:27:35
日月空曌
2022-11-01 22:37:35
就係咁,七一遊行落下帷幕。
「今日民間人權陣線於港島發起遊行,主辦單位表示超過65萬市民參與,而警方數字則表示參與者有50萬。
另外係今晚10點,有遊行人士不滿無法前往政府總部,與警方發生衝突,期間一名男子被拘捕⋯」
同日深夜,我望住電視機有關今日遊行嘅新聞。
果然,更有組織性嘅動員方式喺呢個社交平台尚未普及,群眾對遊行尚未厭倦嘅年代的確能發揮奇效。但可惜嘅係,香港人嗰種盲目推崇「和平、理性」嘅性質依然根深蒂固,最終七一只係多咗15萬人,並冇其他意外收穫。
不過總算係俾前世更好。
深夜,我再打開電腦,睇一睇高登嘅留言,但卻意外發現一則頗為有趣嘅貼文。
【有片】七一差佬拉人現場影片
入面嘅內容就係今日七一尾段,警察粗暴推人上行人路嗰段片,望住入面似曾相識嘅對話,我嘴角不禁露出笑容。
始終而家大家都未見過大蛇屙尿,雖然推人上行人路喺往後只係小兒科,但係而家只要好好運用,恐怕可以對警察嘅形象造成唔少衝擊。
始終零三年仲係小朋友夢想會做警察嘅年代。
而E-mail入面,有一封來自練Sir嘅電郵,內容係司徒華聽日召集民間防疫工作小組嘅成員,打算開個會。
唔知點解,我聞到出事嘅味道。
鄉連登也
2022-11-01 22:45:44
留個靚名
日月空曌
2022-11-01 22:48:51
今日到呢度
鯪魚肉已升CUP鳥
2022-11-01 22:49:34
留名
Gameboy仔
2022-11-01 22:50:36
冇人睇未照出囉
鐵拳無敵鍾培生
2022-11-01 23:00:51
突然咁多文
皇囝
2022-11-01 23:31:48
Pish
約翰_泰利⚽
2022-11-01 23:35:14
深藏功與名
2022-11-02 00:36:22
lm
白頭佬(唔做主席)
2022-11-02 00:42:11
上個月見過呢個post 估唔到已經更咗咁多
好睇 支持
鐵拳無敵鍾培生
2022-11-02 00:45:29
究竟班泛民係咪受到壓力諗住階段勝利
紹伊古一戰封神
2022-11-02 01:43:36
姬森滔華
2022-11-02 01:54:18
支持樓主
與月球相伴
2022-11-02 02:14:41
睇緊㗎屌
九月完叫醒我
2022-11-02 02:43:21
一路睇一路唱今天我