525 Like
21 Dislike
日月空曌
2022-11-09 22:19:44
聽日一次過更新多啲,完咗零三年七一呢章
ANGEL方家
2022-11-10 00:06:22
尼古丁二世
2022-11-10 00:18:43
鐵拳無敵鍾培生
2022-11-10 01:04:11
巴打加油
做一棵好靚嘅樹
2022-11-10 09:01:52
留名🥹
移左民之後超鐘意睇香港時光倒流故
日月空曌
2022-11-10 22:27:49
隨着劉慧卿開咗個頭,就好似點着咗個炸藥筒咁,大家講得越嚟越直白,咩「咁你都冇可能要我哋白做」,咩「咁係背叛泛民主派」等等嘅言論開始從唔同嘅人口中講出嚟。
有人贊成就有人反對,雙方你一言我一語,嘈雜嘅環境之中雙方嘅矛盾開始升級,眼見即將搲爛面,司徒華咳咗一聲,然後開口。
「大家冷靜少少,唔好為呢啲嘢嘈。我諗大家嘅諗法都清楚㗎喇,不如咁啦,防疫工作小組獨立運作,啲錢都交返俾工作小組決定用途⋯」
佢停一停,繼續講。
「不過咁大嚿錢,我諗公眾都會有疑慮,咁最好嘅方法都係有一個委員會去做決定,並且互相監督⋯」
果然不外乎三板斧,同612音響單嘢一樣,只要把持組織主導權,雖然條數冇得直接入袋,但關鍵時刻仍然可以動用到相應資金。
「咁至於監督嘅人,就當然係工作小組入面嘅唔同組織,咁對於大家都公平少少,係咪?」
話音未落,就已經有人響應。
「啱呀,我支持呀!不如就跟華叔咁講。」
「不如就咁話啦,呢個提議都公平。」
其實只要走向體制化,泛民主派就好容易得到優勢。資源、經驗以及全職嘅人力,加上普通人好難十年如一日咁樣投入組織嘅營運活動,最終就好容易俾佢哋攞咗全面嘅主導權,即係大家成日講嘅「騎劫」,呢樣嘢相信本土派中人深有體會。
「如果大家冇特別反對嘅聲音,不如我哋就傾一傾委員會嘅組成⋯」
未講完,司徒華嘅電話就響起。
「咁依你高見,咁多個組織出人出錢出力⋯」
電話入面嘅,係啱啱會議嘅錄音,而且都係「精華」部份,即係大家噏得最興高采烈嘅時候。
「11月23日,將會係香港區議會投票日⋯」
而除咗錄音之外,背景當中可以聽到電視機播放緊嘅區議會投票廣告。
我諗意思已經足夠清楚,你想攞嚿錢走吖嘛?我同你攬炒,選舉重要定係六十萬重要?呢段錄音一旦出街,恐怕沙士入面累積嘅光環會一鋪清袋,甚至會連累下年立法會選舉。
六十萬充其量係民主黨一年收入嘅幾分之一,同四年嘅議席相比,算得係啲咩?
「…」
司徒華冇回應,沉默片刻之後佢cut咗我線。佢放低電話,拎過頭望咗練Sir一陣,開口道。
「唔好意思,突然有啲急事,加上而家時間都唔早,委員會呢部份就暫時放低先,遲啲有時間再詳細傾傾。」
「不過我諗大家都明白就係選舉,可能嚟緊我都未必有咁多精力投放喺呢邊,可能就要麻。煩。練。乙。錚。你。啦。」
「如果冇咩事,今日就到呢度,我可能要行先,唔好意思。」
見大家冇太大反應,佢就開始收拾啲嘢行出門口,劉慧卿以及其他泛民相關嘅人亦緊隨其後。
「練Sir…華叔佢哋冇嘢吖嘛?」
有義工略帶擔心咁問。
「唔使擔心,呢啲小矛盾嚟嘅啫,佢唔會放喺心到嘅。」
日月空曌
2022-11-10 22:39:39
出咗會議室所在嘅大廈,劉慧卿忍唔住問司徒華。
「華叔,啱啱發生咩事?唔係就咁就算呀嘛?」
司徒華回應道。
「Emily,有啲嘢唔好問咁多啦,總之小心佢哋背後可能有人教路,未搞清楚件事之前唔好咁急住。」
另一邊廂。
「練Sir,今次叫做暫時令佢哋打消念頭,但而家佢哋退後一步交棒俾你⋯」
「捧殺呀嘛,我明白,」
講得冇錯,司徒華眼下的確好似退讓,將主導權交俾練Sir,但亦未嘗唔係一種試探。
啱啱嗰段錄音,暴露咗佢背後有其他人幫緊手,嚟緊一定會有其他手段去試水溫,順便打擊我哋。
而最簡單嘅方法,就係將權力上繳,然後製造一次公關危機,摧毁佢嘅信譽。
打個比喻,如果練Sir真係執掌工作小組大權,然後發生內部虧空供款嘅事,啲人會追究邊個?最後練Sir就只能夠交出權力,咁個權力又會去邊度?
「嗯,所以呢排小心出入,狗仔隊啊。」
「呢樣我都明白,不過最好遲啲我就將工作小組交俾其他人,最好係醫護。」
「咁呀⋯徐承恩你覺得如何?」
的而且確,佢嘅出現係我始料不及嘅事,等作為後來本土派其中一個重要嘅理論家,提前接觸一下又未嘗不可。
「我睇吓呢兩日同佢傾傾。」
「如果你覺得佢OK的話,搵次機會我哋三個人傾一傾,睇吓未來嘅發展點做。」
「嗯?⋯冇問題。」
聽到我咁講,練Sir顯得有幾分錯愕,但最終都係應承落嚟。
紹伊古一戰封神
2022-11-10 22:46:03
Live
Vitamin.C
2022-11-10 22:53:06
老狐狸
日月空曌
2022-11-10 22:57:42
距離會議過後一個星期,民間防疫工作小組舉行記者會,宣布就沙士疫情結束,將會改組為民間醫護人員聯會。
聯會將會為因沙士受影響嘅醫護人士以及殉職醫護嘅家屬提供經濟上嘅援助,並承接防疫工作小組對政府嘅官司。
除此之外,往後亦會作為一個醫護人員嘅工會,保障權益,並防止出現好似沙士咁因政府政策失當導致不必要犧牲嘅情況再次出現。
而針對民主派,聯會強調並非政黨,唔會參與選舉,但願意喺今後嘅遊行當中義務提供急救服務,以應對好似七一遊行咁有人中暑或者需要急救嘅情況。
內部架構方面,將會分為成員同義工,成員必須係醫護相關行業人士,且擁有內部投票權去決定人士任免以及重大決策;至於義工則協助聯會嘅各種活動,而聯會亦會提供急救嘅培訓,等義工能夠更好咁去處理遊行期間嘅突發事宜。
最後,徐承恩將會擔任臨時主席,負責處理前期各種內部事宜,但佢本人強調,當組織架構建立之後,將會喺內部再進行一次選舉,用民主方式選出新一任主席。
我睇住呢一則報道,對電話另一邊講。
「練Sir,民主選舉⋯係佢嘅諗法?」
「係,咁始終人哋都有啲堅持嘅⋯另外過兩日佢可能有時間大家傾一傾。」
「冇問題,詳細時間你email俾我。」
就係咁,沙士同七一總算告一段落。我打開電腦入面嘅File,入面係呢段時間我mark低咗一啲覺得重要、可能用得着嘅嘢。
七一拉人段片?冇啦,而家太耐,好難發酵。
開會嗰日嘅錄音?唔放得,放咗就等如開波,更何況司徒華已經表面讓步,而家放出去只會顯得自己特別小人。
我再撳開另一個File,入面係一個披麻帶孝嘅男人,手上攞住寫住「民主」兩個字嘅相框。係徐步高,雖然之後喺我嘅計劃入面會派上用場,但唔係而家,亦冇需要接觸佢。
既然呢啲嘢都唔係而家用得着嘅嘢,咁就可以放埋一邊先,處理好七一剩低嘅枝節,然後就準備零四年嘅一件事,至少喺網絡上攞到一個輿論陣地先。
Shing身鳩毛
2022-11-10 23:21:18
鐵拳無敵鍾培生
2022-11-10 23:30:25
徐步高單嘢真係好sad
細個仲以為佢真係魔警
點知原來佢係做實事嘅人嚟
乜代宗師1999
2022-11-10 23:46:47
LM
Rchard-Billyham
2022-11-11 00:23:08
推俾多啲人睇到
激光脫髮專員
2022-11-11 00:58:57
lm
華記(正撚樣)
2022-11-11 04:55:47
估唔到徐sir都有機會出場
陳卓賢本人
2022-11-11 05:35:23
三島由紀夫.
2022-11-11 06:57:36
推
漬者自漬
2022-11-11 07:04:24
04年應該係領匯上市?
Rchard-Billyham
2022-11-11 08:57:56
如果可以寫到練 SIR 唔係好似淨係俾主角操控
有多啲少少自己意志而再去實行主角嘅做法會再好啲
爆菊花
2022-11-11 13:27:18
推
CD+ROM
2022-11-11 17:52:42
g持
漬者自漬
2022-11-11 20:54:00
今晚有冇文