【獨立】由九七年開始再嚟一次

對唔住呀，今日有啲忙，大家將就住先，星期六日補數。

十篇
冇十篇就準備收刀片

Lm

你又知佢忙咩

好睇

「各位傳媒朋友大家好，我係練乙錚。有關於防疫物資嘅來源以及採購一事，請容我喺呢度花少少時間同各位解釋一下⋯」

練sir接過支咪，對住傳媒講。

「相信各位嘅記者朋友都知本人係因為咩原因離開政府。而工作小組最初嘅物資，正正係因為幾個月之前，本人判斷按照香港政府輕視疫情嘅態度，香港遲早會出現社區個案，於是自行斥資採購了一批物資，並捐俾工作小組派發俾市民。

至於坊間謠言指呢啲物資唔符合規格，相關嘅數據同資料都可以喺大家手上嘅報告入面搵到，相信睇完之後都能夠釋除大家嘅疑慮⋯」

「但係我想喺度強調，民間防疫工作小組嘅出現，係為咗彌補政府喺防疫上嘅不足，如果政府能夠有所作為，無論係工作小組抑或呢批物資都唔會出現。

社區防疫工作必須有人去做，如果你政府做得足，自然唔需要我哋存在，但今日香港政府喺呢方面確實係未有建樹，你又點能夠去怪市民自發做好呢方面嘅工作呢？」

聽完練Sir最後嗰段發言，我嘅諗法係：會有位比人入，但未嘗唔係一件好事。

如果工作小組存在嘅前提，係建基於香港政府係呢方面做得差，咁只要香港政府彌補呢一方面嘅工作，就可以將輿論吹向「政府而家已經做返好，你哋可以散水啦」呢個方向。

但另一方面咁睇，現階段佢哋唔知疫情會持續幾耐，以民主派嘅財力好難支撐長期咁樣去派物資，所以將個責任拋番比政府都未嘗唔係一件好事，反而喺先食咗第一浸水嘅情況下，之後無論香港政府做啲咩，都只會變成「後知後覺」，加上強調前期政策失當，已經足夠催化民憤。

不過如果記者會只係得呢啲內容，都未足夠引起廣泛關注，始終香港人想要嘅，係「畫面靚」呀。

當然一眾泛民喺香港政壇浸咗咁多年，又點會唔知呢點。

「最後，相信對於早前有義工遇襲一事，各位傳媒朋友都會想知道多啲詳細情況，因住我哋請咗當日嘅受害者出席今日記者會，交代一下當日成件事嘅經過⋯」

司徒華攞起支咪，對住傳媒講。

「我…我嗰日喺街站度派緊物資，之後有個男人拎住份《大公報》，行過嚟⋯就指住我哋不斷咁鬧，講得好難聽，我唔想理佢，之後佢就開始郁手⋯」

女義工聲淚俱下，慢慢咁同傳媒講自己遇襲嘅經過。

喺電話另一邊嘅我聽到呢度，不禁諗起蔡耀昌、又諗起當年反雙飛學童嘅時候，嗰個喊到豬頭丙「反咗法又點喎！」個靚妹，果然火魔唔係香港人最大嘅武器，眼淚先係。

就係咁，記者會完咗，之後嘅記者發問環節我都冇興趣再聽，反正輿論上嘅嘢仲有一單嘢會爆出嚟，都唔需要特別擔心。

不過沙士入面可以做嘅嘢都七七八八，剩低嘅讓子彈飛就得，而家要考慮嘅係，疫情過後嘅七一遊行。

究竟要點樣建立獨派

同日深夜，我坐喺電腦前面，再次整理一下自己嘅思緒，對比原來嘅歷史同現況。

相比起原本嘅2003年，沙士疫情並冇太大分別。但係而家民間對於抗疫嘅參與高咗好多，與之相反嘅就係由於好多防疫工作俾人搶先一步，政府顯得更加無所作為，民間嘅民怨累積亦比前世更加高。

加上練Sir提前辭職，披露出政府係疫情早期對局勢嚴重錯判，如此一來，七一遊行恐怕就唔止五十萬人。

雖然確實係一個唔錯嘅機會提前催生公民抗命以及本土思潮，但始終後世嘅大大小小知名人物，而家都只不過讀緊書，甚至有啲仲係小朋友，就算搵到佢哋又有鬼用咩。

如果最終演變成當年政府同泛民夾擊本土派嘅情況，喺而家呢種獨力難支嘅環境下，恐怕香港人嘅本土思想會俾人提前撲滅。

再諗諗而家手上自己有咩牌：一部電話、對歷史發展嘅了解、練Sir嘅基本信任，除此之外就咩都無。所以如同預訂計劃一樣，2012之前，全力增加手頭上有嘅資源，尤其係媒體同埋財力，呢兩樣獨派最缺乏嘅嘢。

而兩者當中，媒體係重中之重，唔單只係有關於理念宣傳，而且只要掌握輿論，要賺錢其實唔難。

講起媒體，我記憶中下年高登好似出過一件大事，好好利用呢個機會，話唔定可以借題發揮一下。

不過在此之前，既然沙士方面嘅安排已經告一段落，跟住落嚟就係七一。

不過七一都冇咩太大特別嘅嘢可以做，呼籲公民抗命未係時候，前世七一最終亦都係以政府妥協告終，因此重點只係確保練Sir可以喺泛民體制入面有一席之地，並提前接觸一啲後世對本土派較為友善嘅人。

呢幾日自己都覺得好似有啲拖劇情，希望大家唔好覺得悶，接落嚟我哋盡快加速一下

同埋今日下一篇更新可能要去到香港時間深夜或者第二朝凌晨

唔會啦大家都係幾期待呀

幾好睇啊

4月1日

朝頭早，精多我同老母食緊早餐嘅時候，眼尾稍微望左一下放喺枱面嘅報紙，見到今日嘅頭條，心諗：不愧為愚人節，果然有愚人娛人。

自從記者會之後，香港政府加快社區防疫工作，並於29號宣佈所有學校停課，企圖通過一系列防疫政策挽回民意。

可惜老懵懂就始終係老懵懂，今日嘅報紙頭條，就係講緊喺政府宣佈停課之前，董建華已經叫自己孫女自行停課。

雖然前世同樣發生咗呢件事，但畢竟當時防疫工作由政府主導，雖然市民有所不滿，但情緒尚未如此高漲。更重要嘅係，早前政府對防疫工作小組嘅批評，令唔少泛民中人，包括唔少傳媒嘅編輯都有所不滿，自然唔會放過呢個咁好嘅機會落井下石。

所以董建華孫女自行停課呢件事，上一世只係喺報紙嘅一角，而今日就大大幅相放喺頭版。

但驚喜又點止一個，報道入面有醫管局成員爆料，指醫管局行政總裁何兆煒曾經通知衛生署，指疫情已經出現社區傳播，但衛生福利及食物局局長楊永強一再對外聲稱「冇社區蔓延跡象」，並一意孤行堅持學校不必停課，最終導致全港大爆發。

所以話，好搞唔搞搞泛民，董建華你知唔知，喺大家未搲爛面之前，泛民喺輿論同體制入面確實係有一手，可謂相當難纏。

你睇，而家出事啦，係咪？


中聯辦辦公室

「操你媽！這些香港人難道都是廢物嗎！除了忠誠一無是處！他媽的！」

一名男子攞住今日嘅蘋果日報，對住會議室嘅其他人鬼晒咁嘈。

「領導無需大動肝火，畢竟現在少數市民的不滿只是集中在董建華身上，等任期一到，把人換下來，他們很快就忘記了⋯」

另一名男子咁樣同佢講。

「等等等⋯還等什麼？這樣下去，下一屆特首怕不是要讓位給司徒華！不行⋯看來不能指望香港政府，我們要重拳出擊才可以了。」

攞住蘋果日報嗰個男人諗咗諗，對會議室給其他人講。

翌日，《大公報》一反常態， 高調肯定「民間防疫工作小組」嘅工作成果，並指只有「官民攜手」「不怕犧牲」，香港方能共渡難關。

接落嚟，就係一連串「社會主義鐵拳」。

香港政府宣佈，有鑒於疫情蔓延，將會向中央政府尋求支援，並且表示由於醫療人手不足，呼籲私家醫生及其他非公立醫療機構嘅醫護人員能夠作為自願人士，喺政府統一調配下，到各個有確診個案嘅醫院入面，參與抗疫工作。

網絡上，開始出現唔少聲音，指民間防疫工作小組入面都有唔少醫學界人士，既然咁關心香港，咁聖人，點解唔響應政府呼籲，去醫院幫手。定係之前做嘅嘢只不過係扮吓樣，而家要幫手就耍手擰頭。

同時北京政府宣佈，由於疫情險峻，加上對香港同胞嘅關懷，喺如今呢個緊張局勢下，特別為香港同胞撥出一批防疫物資，希望能夠舒緩疫情。並強調如果有需要的話，亦可以喺疫情較輕嘅省份調配醫療人手到香港。

中聯辦提前透露，由於疫情導致香港旅遊業大受打擊，現時中聯辦已經同北京政府協商，希望能夠喺疫情過後推出「自由行」，通過大量來自中國嘅遊客，快速刺激香港經濟復甦。

睇完新聞，我心諗：一日咋喎，唔係咁呀嘛。

不過坦白講，呢手連環拳確實打得唔錯。用自由行去拉攏旅遊業界同商界；用緊急提供防疫物資塞住香港人把口；大公報以及其他紅媒高調吹奏捧殺，然後靠網絡輿論同埋政府政策等工作小組騎虎難下。一連串嘅攻擊，可以見到對家已經開始嚟料。

跟住落嚟嘅，就去睇吓一班泛民點樣反擊，一個唔好彩恐怕會前工盡廢。

睇到臨尾嗰句已經哭𠹌佐

我依家係英國
但係單單倚靠你嘅文字我就好似自己返咗去一九年咁樣

呢嘢連環拳的確好用
唯一可以做嘅就係先加入政府體系，
然後搵裡面嘅問題嚟爆

最緊要2009年挖Bitcoin