525 Like
21 Dislike
花心糖膠
2022-11-11 22:10:27
唔覺練Sir 俾主角控制緊,
邊個莊閒都未知,一個反轉,樓主要寫練Sir 反主角有幾難。
Rchard-Billyham
2022-11-12 13:39:26
呢個當然
但喺故仔上暫時仲未睇到
所以寫返多啲練SIR嘅心路歷程會再好啲
日月空曌
2022-11-12 21:18:38
聽朝會有
日月空曌
2022-11-13 13:00:30
「你好,徐承恩醫生,久仰大名。」
「你好,啱啱聽過練Sir簡單介紹過你⋯」
距離記者會之後,喺練Sir安排之下,我第一次直接同徐承恩接觸。
「我而家嘅身份唔太方便直接面對面見面,只能夠通過電話方式,呢層真係唔好意思。」
「唔緊要,明白你難處。但老實講,就算聽完練Sir講,都係覺得好不可思議,疫情之前幾個月提前知道沙士爆發,準確咁預料即將發生嘅事⋯簡直就好似預言咁⋯」
「咁總會有啲特別嘅情報來源嘅。」
雖然無論練sir抑或佢,我諗對我嘅情報來源唔多唔少都有頭緒,但有啲嘢看破不說破,彼此之間心照不宣反而更好。
「其實今日約大家,主要就係想問一問沙士過後大家有冇啲咩安排或者計劃。」
我對住兩位講。
「如七一我自己咁講,『上醫治國』,而家香港嘅問題係來自體制身上,唔改變體制,所有嘅嘢都於事無補。
我諗嚟緊主要集中學術方面,可能返去讀書,始終要改變體制就必須要有知識嘅累積⋯」
雖然比起前世早咗一年,當中所擔任嘅角色亦有所不同,但零三年七一依然成為佢嘅政治啟蒙,令佢決定將未來重心轉向政治學、社會學方面。
「咁工作小組方面?」
「如同之前所講,架構搞好咗之後,就會選舉選出主席,如果大家最後都係揀咗我的話,咁唯有盡力而為。
不過如果冇咩大事的話,我諗應該可以同讀書兩方面同時兼顧到。」
「明白,你自己諗清楚咁就冇問題。咁練Sir你呢?」
練Sir做過《信報》總編,前世亦都做過《立場》嘅高層,我諗住有冇可能通過呢個渠道將《信報》拉向民主派陣營,未來順利過渡至本土派,或者提前成立《立場新聞》,然後食社交媒體嘅頭啖湯快速壯大。
「我嚟緊可能會離開香港兩三年,出去行一轉。」
???
未等我回過神嚟,佢繼續講。
「其實本身辭職之後我就有呢個諗法,稍微休息一段時間,去多啲唔同嘅國家睇多啲嘢,順便學一啲自己一直想學嘅嘢。」
「呃⋯你唔考慮吓?」
雖然我知道前世離開中央政策組之後,練Sir確實去過外國遊歷一段時間,但本來覺得經過沙士嘅改變,佢應該會有唔同嘅決定先啱,但結果佢依然選擇喺呢個時候急流勇退。
「唉,我諗清楚㗎啦。我早年投身過左翼社運,最後幻想破滅,然後喺民主派嘅呢十幾年當中有見到呢一切好似停滯不前,加上沙士一事,『又傾又砌』呢條路一樣行唔通⋯
所以我想趁呢段時間,出去唔同國家睇一睇。」
的確,無論前世今生,而家呢一刻確實係佢較為迷惘嘅時刻,左翼社運幻滅,民主派停滯不前,本土思潮尚未崛起,唔好話佢,陳云根早年都同你講要「快樂抗爭」啦。
更何況我心底入面,依然覺得最好唔好過多咁去干預佢哋早年嘅經歷,畢竟無經歷過呢啲心路歷程,又那來日後本土派一眾頂梁柱?
「明㗎啦,呢幾年你就安心去外國啦,不過睇吓可能幫幫手Group下當地嗰啲移民港人,未來應該會有用。」
「冇問題,呢方面我留意吓。」
既然阻唔到,亦都唔願阻就無謂去阻止,倒不如提前做一件未來要做嘅事。
由前世到今日,有件事我都唔係好明,點解香港人永遠鍾意將後勤、支援呢啲嘢放喺敵人嘅打擊範圍入面。
612、星火呢啲嘅支援系統,你將啲錢放喺香港嘅銀行戶口入面,遲早都係會俾人凍結㗎喎,點解唔一開始放喺外國?
所以既然練Sir決定出外遊歷,咁就倒不如藉此組織定人手,往後就能夠直接喺海外建立支援系統,唔使再出現幾千萬俾人充公嘅情況。
日月空曌
2022-11-13 13:47:30
喺練sir執緊行李嘅時候,徐承恩坐喺屋企嘅書枱前,面前嘅係一張又一張嘅筆記。
「提前準備防疫物資」「情報來源??」「保住防疫小組資源」⋯
紙上面嘅係一個個關鍵字,係關於呢段期間我同練Sir所講同埋做過嘅嘢。
「如果電話令一邊嘅人真係如我所想,咁一切就講得通⋯但問題係點解好似有意無意之中,佢想同民主派保持一個微妙嘅距離?」
「唔係,唔係保持距離,而係利用民主派壯大⋯自己?」
「唔係,唔係自己,無論係政治力量、錢抑或選票,最終冇一樣嘢佢係落自己袋,僅有嘅成果都係我同練Sir手上⋯雖然冇證據,但就好似為緊某啲未來會出現嘅嘢作準備咁⋯」
「未來、未來…佢到底為啲乜嘢準備…又或者咁講,佢想孕育出啲咩?」
漬者自漬
2022-11-13 15:02:23
2個都有自己野要搞
果期重有咩人選可以比主角揀黎用
馬克•思樂冰
2022-11-14 02:08:24
社民連?
鐵拳無敵鍾培生
2022-11-14 02:16:26
由前世到今日,有件事我都唔係好明,點解香港人永遠鍾意將後勤、支援呢啲嘢放喺敵人嘅打擊範圍入面。
樓主講得好啱呀!
我都唔明點解唔嘗試製造一啲可以喺安全位置打擊敵人嘅部署,點解係要去送死先叫勇敢
鐵拳無敵鍾培生
2022-11-14 02:18:18
我諗係時候要自己落場
華記(正撚樣)
2022-11-14 06:07:44
徐步高?
我也是這樣
2022-11-14 13:10:41
想當年我16年仲係個戇鳩仔,對社運史完全唔識
漬者自漬
2022-11-15 01:00:47
16年補選
九月完叫醒我
2022-11-15 01:58:33
因為好難做到囉
例如開一個離岸信托戶口再喺香港籌錢同支出唔同嘅費用唔係咁簡單
移咗民嘅香港人(講緊2019年之前) 又有幾多會為香港社運出力
鐵拳無敵鍾培生
2022-11-15 02:07:48
九月完叫醒我
2022-11-15 02:19:05
鐵拳無敵鍾培生
2022-11-15 02:44:23
憎晒全世界
2022-11-15 02:56:46
如果唔用 重中之重 呢啲支那字會更好….
樓主加油
改名很難
2022-11-15 08:30:50
會唔會寫陳巧文?
身高169
2022-11-15 09:48:47
每日都追
出快少少啦
KimuraDeLaRiva
2022-11-15 10:33:09
Live咗 寫得好好
KimuraDeLaRiva
2022-11-15 10:46:59
可能同徐步高搞鳩啲警隊黑幕
改名很難
2022-11-15 11:50:31
而家阿爸係狗隊,隨時偷啲機密嘢嚟用啦
Vitamin.C
2022-11-15 14:09:59
鄉連登也
2022-11-15 15:38:09
徐步高披麻帶孝係04年71