有咩?more
Ex room有講
海恩因為出嚟做嘢之後覺得自己世界只得169
見啲fd去玩又想去
呃住169出去飲酒
有一晚醉左成晚失蹤俾人發現左
之後169就同佢分手
但講呢樣野時會明顯感覺到海恩同169都避左啲細節無講
所以就懷疑係綠帽
所以我一路都覺得海恩唔抵幫
無論有冇帽,都係佢親手破壞信任先
而169一路都話佢要一個可以信任嘅人
ex room個集
拍拖頭5年 海恩成個世界都係得奎民1個
拍咗拖5年後 海恩先開始同朋友去玩
冇話自己醉咗所以冇聽電話
係話因為同朋友玩得多咗 奎民唔再係心目中top one
然後話 個排冇聯絡佢就直接訓覺
如果係綠帽就唔會搵海恩上嚟
因為佢地都有講分咗手之後 大家都有各自拍過拖
咁其實佢係可以唔叫海恩上嚟
而且169自己之後都有拍過拖 分明係節目組覺得佢同海恩呢段有爆點所以先叫佢邀請海恩上黎
最睇唔過眼係成日係interview講到要對海恩狠心d佢先會放手 如果你真係咁為佢好的話 首先點解要叫佢上節目 佢地電話分手之後海恩根本冇搵過佢 甚至都同到其他人拍拖 證明佢唔搵返佢其實海恩靠自己都走得出黎 第二就係如果你真係為佢好 唔想佢留戀 ok咁當呢d狠心嘅舉動係為咗斬斷迷戀 點解海恩同完其他男嘉賓dating完返黎唔sd msg俾你之後你就要去搵佢發癲跟住搵曖昧對象係佢面前示威?根本就係每次驚海恩dating完之後就會行得出黎個陣又推佢去死 刻意傷害佢去證明佢係呢段關係係佔上風 可以控制同操縱到前女友嘅喜怒哀樂
真係好睇唔上呢種男人 自卑到變態 希望全韓國女仔都睇清楚呢種人等佢節目播完都冇好日子過
你自己都識講奎民同海恩之後都各自有拍拖
咁佢一開始點會覺得海恩仲有迷戀
同埋事前採訪個陣海恩都係話嚟識新人
再者請邊個上嚟好似佢都唔到佢定
好似源彬咁好似本身都唔係第一順位 智秀都無估到係請佢
都係制作組見有故事寫先極力邀請佢
仲有紅字個段其實係我睇漏定點
奎民發癲個到係講緊下期定邊集
海恩就算冇send msg比奎民定同邊個男dating 佢個樣都仲係冷淡咁
其實唔係好明點解會有人話奎民成日無同海恩講清楚
海恩未嚟個陣線上同EX傾計個到奎民已經話對新人有興趣
同埋海恩都有講佢好清楚奎民唔會揀佢 係咁揀奎民係想動搖佢
所以其實完全唔關有冇溝通事 因為就算傾完海恩都係會繼續咁做
海恩本來係屬於自我感動型
事前見面奎民明明無做啲咩拉海恩好感
海恩都可以自己滿足到自己話對佢愛意由50%去到99%
另外其實又唔好講到奎民對海恩0關心
海恩溜冰整親腳佢都有問佢有冇用冰敷
海恩卷髮整傷都有主動問候
但海恩已經因為呢個少少問候自我攻略為奎民好似對佢上心
你可以話佢矮 話佢木獨 話佢襯唔起海恩無問題
但講到尾真係唔覺奎民係特登想傷害海恩為樂
畢竟佢地愛過 而且海恩都話拍拖個陣佢係溫暖嘅人
係去到後面發生左事先開始冷漠
講開又講 其實奎民本身情緒就唔係好外露
同埋成日將好多嘢都收收埋埋
即使對住娜妍都係咁 娜妍都感覺到佢好似架起幅牆係到
應該真係要好似當初海恩咁好親近 先可以同佢分享一切
6,7年感情你估咁易變咩 奎民點會完全無感覺
所以事前同事後訪問 奎民話如果海恩識到新人會在意同嫉妒係正常
其實佢有啲似理性決絕版嘅熙斗
6,7年感情佢對海恩唔會完全無感覺
只係佢嘅理性支配左感性
好多人覺得奎民冷血 其實我覺得更似係佢嘅防衛機制
如果同海恩熟返唔只會令海恩存在遐想 更可能會令自己心軟
佢刻意冷待海恩個陣無可能一啲感覺都無
佢對海恩有幾狠心 自己心裡咪一樣有幾痛
唔表露出嚟唔代表無嘢
我覺得奎民應該仲在意海恩 不過唔係男女個隻
只係大家唔適合 佢唔想再重蹈覆轍
其實事前見面同讀信個到奎民自己都差啲喊咁濟
如果佢唔係一直同海恩保持距離 可能會係奎民忍唔住
都係個句 海恩自己都唔係傻
奎民係咁差你覺得憑咩可以令海恩留戀
海恩一路迷戀奎民就係記住佢當初有幾好
冷待海恩刻意得咁緊要某程度就係扮出嚟等大家都死心
有時大家睇到嘅可能只係冰山一角 正正係節目組想你睇到嘅
唔係想洗白奎民 由頭到尾我都覺得佢只係正常人一個
奎民同海恩唔好回頭望對佢地大家都係最好