有冇人有睇換乘戀愛 (4) ?

熙斗本身都知娜妍性格
就係對住邊個都熱情得濟
唔識同其他人保持返應有距離
即使熙斗知娜妍攬泰亦唔係有心想flirt泰亦
但熙斗就係好討厭娜妍咁不知分寸
熙斗接受唔到娜妍呢個缺點想決斷斬纜都合理
但問題係熙斗自己都唔決斷呢
點解去濟州島仲要揀娜妍而唔係揀同智妍去
明明前幾日同智妍傾得咁開心
仲要私底下約埋出去玩狗 又戴哂情侶手鍊
自己不停對智妍示好令到智妍都沉哂船
轉過頭又無預警揀同娜妍一齊去濟州島hurt到智妍懷疑人生
娜妍雖然對熙斗有留戀 一直對熙斗示好
熙斗既然講到自己有幾成熟理性 點解唔直接拒絕？
如果熙斗一路都保持決絕 娜妍自己會死心去搵圭民
熙斗周不時又話在意娜妍 咪搞到娜妍又有希望
最搞笑係熙斗揀完娜妍一齊去濟州島
但又唔除情侶手鍊 仲要話後悔揀左娜妍
大佬你同佢性格不合都唔係第一日先知
之後睇個款下集又似係搵返智妍
睇到15集真心唔覺熙斗有幾慘
咁多個參加者入面熙斗比我嘅印象係最差
娜妍雖然個個都啱 但佢好明顯心裡有把尺
至少有熙斗佢會揀熙斗
如果熙斗明確拒絕復合佢就去搵圭民
而呢樣至少娜妍係有同圭民講暫時ex係佢心目中重要啲
但熙斗就只有不停咁搞到娜妍同智妍混亂
2個同時flirt同時hurt

其實熙斗好介意娜妍係點攬泰伊
佢地嘈左好多次
次次娜妍扮做個手勢好似係單手搭一搭咁
明明佢係雙手back hug泰伊
係度呃熙斗又扮記唔清楚
見到佢一面叫熙斗尊重佢跟住自己又咁雙重標準真係好難頂
另外仲要明知海恩為奎民咁傷心仲要扮唔知跟住係佢面前打情罵俏，轉頭又話好想同海恩好好相處，話自己好難做
真係假撚到爆

希望順序係講完過份先去睇海

所以點解熙斗唔決絕一刀切
明知自己接受唔到娜妍嘅不知分寸
又向智妍示好 轉頭又揀娜妍一齊去濟州島
揀完又唔係同娜妍溝通
其實熙斗自己都雙重標準左
戴情侶手鍊起碼有好感先會戴
熙斗係娜妍叫極佢除都唔肯除
所以情侶手鍊肯定係熙斗對智妍有意思先會戴
娜妍攬泰亦都唔係特登flirt泰亦
攬泰亦呢個動作錯就梗 但最多咪叫失誤
一個有心一個無意
係呢件事上戴情侶手鍊意義擺明比攬更加嚴重
更唔好話去濟州島又係熙斗揀娜妍但繼續戴住情侶手鍊
講尊重同雙重標準邊夠熙斗玩
熙斗把口講到天花龍鳳 成日踩娜妍突顯自己有幾成熟同理性
但佢踩娜妍嘅同時自己又做緊同一樣嘅嘢
其他人就話 熙斗邊有資格話娜妍雙重標準

我都覺
女2的確係無乜分寸
但都唔見得男5有
男5由始至終都係用教緊你做人咁嘅心態同女2溝通
但自己又係咪真係做得咁好？
況且如果用返一個客觀嘅標準睇
兩個人去flirt其他人都無錯
覺得唔舒服只係因為兩個人對對方都仲有感情
但唔可以話做錯事

呢對係繼泰亦同女六之後
另一對想佢地重甜

男6女5圈晒粉

就算佢地節目後唔係一齊都好, 起碼令海恩開心下, 唔駛成日都以淚洗面

男6女5片段過百萬希望節目組醒定 唔介意四個鐘一集最緊要重甜就得