有冇人有睇換乘戀愛 (4) ?

個忙內PD妹妹真係好忙~

嗰陣好似係冬天嚟

濟洲住個度啲房 有啲似裝飾咗嘅竹篙灣

智秀同源彬嗰段睇到好一頭霧水
雖然源彬喺情感上好鑽牛角尖同自我感動 但我覺得佢都係因為受對方情緒影響先會咁

智秀喺訪問表達得咁清楚 但係對住源彬啲用詞一啲都唔清晰
明明自己由首爾黑面黑到濟州 但又叫源彬唔好睇自己面色
唔想同源彬溝通 淨係講感覺唔舒服 但轉個頭又話想今日玩得開心啲
大佬 你明知源彬係水造㗎啦 邊有可能聽到你咁講會開心得到
唔想講以前咪直接講不如講其他話題囉 見到對方唔識收聲就知對方get唔到啦
同埋 當源彬係下人呀？又揸車 食飯又幫你夾餸 又幫你影相 唔見智秀叫佢唔好做呢啲
智秀呢種擺明嫌棄嘅態度都幾hurt對方自尊心 所以唔怪得源彬係咁提起自己去揀禮物 同埋plan濟州date（我諗濟州第一日行程應該係男方plan）

當然 源彬係好唔瀟灑 淨係活喺自己心結入面 但瀟灑得嘅 就唔係會日日淋花嘅源彬

源彬講嗰句 你唔早啲講 咁我唔使準備咁多嘢
其實講得好啱呀 智秀明明喺源彬揀佢去濟州嗰下就已經覺得唔舒服
既然已經feel到源彬有留戀 喺被揀去濟州當刻 直接私底下傾下 同源彬表達淨係想保持朋友關係 希望源彬唔好產生誤會 唔係好啲？唔使源彬估估下 咁2個人都唔使咁崩潰
口講想做朋友 但啲對應根本唔係 因為佢自己都對源彬有心結

對智秀最有同感就係佢嗰句希望佢快啲結束 返屋企

賢奎(男6）ig
https://instagram.com/am01h23m?igshid=YmMyMTA2M2Y=

睇返海恩聽到奈言話食左豬肉個到
佢個樣好可愛

今季海恩早黎真係應該溝死仔

https://youtu.be/Yk2aMpLfwUI

熙斗ice hockey比賽同對手隻dup

海恩傻瓜要幸褔啊

初頭知佢係「兵（役）變（心）」而飛人，本來觀感就麻麻，係之後咁多集有紋有路有規有矩，所以都同大圍一樣改觀，覺得佢「理智」幾好。但今集嘅事，同埋上集發生嘅問題核心，一嘢現晒形：好似某啲芝麻觀眾所講，佢其實係「精緻利己主義者」。死多二錢重嘅係佢其實「精緻」修為未夠，無事/事不關己都算，有嘢直接埋身就會出事。

佢身上嘅事/背景，有幾樣可以綜合埋勾勒到佢嘅為人：
1. 兵役期飛人
2. 遙距分手，唔當面講
3. 介意「（要）做衰人」，介意到會反覆強調
4. 介意對方話要「睇佢面色」，但佢自己唔攤開講，一味用黑面神功，直至對方迫到攤開嘈為止
5. 強調自己"moved on"，「唔再係以前嘅智秀」
6. 對「食白果無人要」莫名其妙傷心 （可以留意：相對上源斌都係食白果，但淋花打發時間都叫sorta無嘢）
7. 同娜妍爭矮仔，兩rd落嚟sense到輸贏即刻縮手
8. 事不關己嘅時候，人情義理常識發揮得好正常，甚至唔怕開聲講（ref. 娜妍backhug事件）

綜合：
1+7 = 「股壇狙擊手」特質，追求低付出、快速回報，唔得就即撇。抗拒 long-term commitment 涉及嘅effort 同風險。
3+8 = 係有正常人情義理觀念，但只係次要；涉及自身嘅時候，個人聲譽、形象先係核心concerns。經常響義理、名聲、個人意願/心理舒適呢幾樣嘢之間走鋼線。
2+4 = 涉及自身而有壓力嘅重大決擇情況，會極力逃避明確直接嘅溝通。
4+5 = 受壓時會邏輯紊亂，e.g.拒絕明確表達嘅同時又會反駁/指斥對方「做乜話係睇我面色」，而同時既然話自己都「變咗」，又期望對方識得自動波feel到死開/扮無嘢etc（變相又兜返去真係要人睇面色）

以上幾種traits，夾埋其實都未必好大問題，因為單係遙距分手同對矮仔爭輸放手呢啲，加埋重視名聲呢樣，已經知佢係有好深厚嘅damage control/止蝕概念而且會實際執行，所以一般嚟講佢點「利己」都唔會點害到人。問題係出現咗6呢個死穴：簡單講就係，一個人如果怕痕怕痛到咁，又想低付出零包袱唔黐身，又想享受一般戀愛...唔係唔得，但同中六合彩一樣咁難。買六合彩，fine，期期買10注複式都得，但唔中嘅話是咪要喊？連源斌咁on9，響呢個位都反而正路過佢。難聽講句，如果佢嘅「理智」係夠完整、貫徹，其實應該一早明白以佢呢啲特質係無咩辦法期望「正常嘅戀愛」，根本直頭Volcel好過。

所以到頭來，「理智」唔徹底，響重要嘅位置不自覺咁太貪婪（又想無痛無成本，又想戀愛），連鎖不幸反應下搞出事嚟（唔高興三兩日，囉），其實好難同情。

兩個一齊電兔咁圍住個泳池衝嗰節又係幾趣緻~

佢地打hockey 好似成日都會打咁
但熙斗咁睇都幾抽得 係冰上面都仲可以咁拉起條友

》

其實有幾難明
你諗返下上集點解智秀同源彬相處都無乜嘢
咪就係因為好似朋友咁相處大家咪舒服
今集點解咁唔自在?
智秀上集咪同源彬講左唔想復合
咁都唔叫唔清楚啦掛
但源彬仲係放唔低咁係咁講以前
智秀都講左唔自在 源彬仲係繼續講
點解唔可以看前望好似朋友咁相處
其實源彬根本係隱性海恩個類
明明都講到咁清楚仲係咁執著
智秀根本唔反感同源彬相處
係源彬成日講以前會令人好有負擔感

9估：可能係專登咁樣講嘢。以佢個樣夾埋嗰種sorta「理智」/「現實」嘅作風，唔用咁嘅聲講嘢嘅話待人接物會重麻煩（細路女皮相，老海鮮態度）。把聲同某啲cute small talk幫到佢溝淡潛在嘅冷酷。

講以前仲要下下講佢睇智秀眼色啲衰嘢 智秀仲要話啲嘢佢都唔記得 想像唔到分手呢幾年 源彬諗返呢啲嘢幾多次
好似佢哋去濟州島 智秀收完禮物要時間諗下點算咪靜咗扮瞓 然後源彬又覺得要睇佢眼色 智秀根本冇諗到要佢睇佢眼色 只係自己整理緊情緒
我覺得冇邊個特別衰 就係兩個人唔夾 源彬太細膩
源彬有點都幾衰係佢同智秀喊住講佢揀禮物諗咗好多嘢又剩 問題係呢啲對智秀嚟講只係負擔 佢又冇要求你送
有啲好都要人哋要先得㗎 咁大個都唔識呢點

源斌衰在真係唔知點解會諗到復合咁on9，而且係響本來(報稱)無咁意思嘅情況下磨到咁，唔知是咪食太多白果傻咗就兜返去唯一一個可能有下文嘅對象(ex係有認識同感情基礎)。但按理，當初個分手背景其實已經夠晒ground無彎轉...