有冇人有睇換乘戀愛 (4) ?

老實講其實唔覺奎民處理呢段關係有咩問題
好多人話佢對海恩冷暴力 成日都好冷漠 就算海恩喊都唔去關心
其他男可以做到關心ex係因為ex唔似海恩執念咁大
奎民已經特登成日係海恩面前劃清界線
但海恩仲係唔死心向住奎民就知佢執念幾大
所以用其他男對比奎民點對ex無意思
如果奎民對海恩關心多少少肯定會令海恩誤會自己又有機
好似娜妍熙斗個pair咁
熙斗成日話想劃清界線 但一時又關心娜妍
明明同智妍發展得幾好 轉過頭又揀娜妍一齊去濟州島
明明同完智妍出去衝浪 但短訊又走去send比智秀
唔通咁樣對海恩會好啲?
又比如泰亦智妍個pair
泰亦都表明唔想復合想識新人
如果智妍好似海恩咁一直執著於泰亦唔通咁樣又好好?
所以話海恩同源彬都幾似 2個都好善良
呢2 pair嘅關係問題都在於海恩同源彬唔識放手
有時善良都係一種負擔
因為佢善良佢喊就搞到其他人覺得好似EX做錯咁
如果唔想佢喊就只可以關心佢 但關心佢又會帶比佢錯覺
的確就好似智秀所講係其他人眼中智秀同奎民永遠都做錯咁
無論係關心/冷淡都係死路一條 因為死結係海恩同源彬身上
依家賢圭同海恩相處得幾好 咪證明奎民無做錯
只要之後幾集奎民唔好諗住翻兜海恩 咁佢處理呢段感情完全無問題

我覺得好似上季浩民（未翻兜）既做法係最恰當
佢清楚表達到大家冇可能，比女方知道冇可能，未move on到佢都會肯聽普賢講佢當下心情

決絕同冷暴力根本兩回事
佢唔揀海恩唔代表佢要當海恩透明
成撚日直接走去娜妍房搵海恩，門都唔敲
係露台個到直接當住海恩面搵娜妍
明知海恩陷得幾深佢仲威脅海恩話唔揀娜妍就會討厭佢
佢呢啲叫傷害前任唔係叫唔留希望比前任囉
係咪一定要咁樣表達？係咪一定要喺嗰啲timing 搵娜妍

你站係佢既立場可能就明
佢係傻在以為有機會溝到女2

佢一心黎溝女/建立專一形象
女2 又靚 又好似半接受咁
不斷俾d正面點應佢

女2 機會就係面前
海恩好似 隨手可得咁

你會點選擇？
女/男人 戀愛身段都係唔好太低

其實你睇男1 追女2 都好有執念

熙斗好撚煩 勁憎佢呢種人
同埋究竟攬泰亦同整跌杯呢兩件事要binc bin到幾耐

佢係嗰啲我要贏晒占盡上風嘅人
問題係佢自己都做得唔好
假如佢做得好比佢話都叫條氣順啲

一開始就覺得佢同男1兩個都唔係好掂
但男5親密相處嚟講應該係最唔掂嗰個
把口又臭又小器唯我獨尊
日日受佢氣真係食唔落飯

你可以話佢無乜同理心
但佢處理手法其實係適用於女5
女5個執念太大
如果男1唔係咁做女5會一直以為自己有機
而家咁等女5死心同其他人發展反而係好事

女二每日任務：今日真係好幸福呀 約會好有趣呀

我覺得好似上季浩民（未翻兜）既做法係最恰當
佢清楚表達到大家冇可能，比女方知道冇可能，未move on到佢都會肯聽普賢講佢當下心情

決絕同冷暴力根本兩回事
佢唔揀海恩唔代表佢要當海恩透明
成撚日直接走去娜妍房搵海恩，門都唔敲
係露台個到直接當住海恩面搵娜妍
明知海恩陷得幾深佢仲威脅海恩話唔揀娜妍就會討厭佢
佢呢啲叫傷害前任唔係叫唔留希望比前任囉
係咪一定要咁樣表達？係咪一定要喺嗰啲timing 搵娜妍

其實係。矮仔嘅玩法甚至已經more than當人透明，而係去到令人感受到惡意嘅兜口兜面講／做嘢hurt人。連社會職場生活business式當人係一個普通客戶甚至路人嘅禮儀都無，cut有線寬頻嗰陣啲熱線員工都無咁衰...

源彬同海恩都係同一類人 雖然善良 但容易情緒綁架
所以話智秀真係講得好啱
只要源彬同海恩喊啲人就會覺得好似係智秀同奎民做錯咁
但其實只係源彬同海恩情緒泛濫
一段關係結束2個人都有問題
智秀同奎民只係無成日喊表露出嚟 但佢地自己唔通有好開心?
奎民冷淡海恩擺明係特登要佢死心
本來奎民就唔係好表露情緒嘅人
點解會覺得拍左拖6,7年嘅人咁樣做會無完全感覺?
佢就算心痛唔表露出嚟無人知 更唔好話有剪輯嘅成分
奎民口硬冷淡海恩 但海恩第一日到佢暗地裡幫佢搬行李上樓
海恩第一日同熙斗約會玩個陣仲開心但個日都直接無揀熙斗
如果奎民唔係咁樣堅持冷待海恩要佢死心 海恩完全唔會接受賢圭先
單以結果論都睇得出奎民係想為海恩好啦

你點判斷適唔適用
我睇到就係海恩由頭喊到落尾，完全冇move on到
咁都叫適用？
我唔係話想踩奎敏，感情野好難要求人做到面面俱到
但你話佢做得岩我就唔太認同啦

單憑你話海恩由頭喊到落尾
又一次印證智秀講嘅嘢有幾啱

但凡佢今集嗰句「但你唔係我女朋友」早幾集講 佢都唔會俾人鬧到咁
唔知點解覺得佢今集同海恩溝通嗰陣絕情咗係因為海恩冇揀佢 上次冇揀佢之後佢又係特別多小動作 同海恩傾傾吓就去搵女二 由海恩喺出面坐嗰下

首先感情無話啱唔啱
亦都唔涉及原則性問題
係性格同處事手法唔同
好明顯男1女5兩個人處理感情個邏輯唔一樣
你話男1冷淡但女5依然都move on唔到
咁係咪溫柔啲對女5 女5就move on到？
對一個執念重嘅人溫柔而又比唔到結果佢
其實更加殘忍

我覺得男1唯一做得唔好嘅係無好好溝通
至於對方喊、冷淡對應呢啲無必要入佢數
除非佢哋仲係情侶關係

播左兩日 我已經番睇左唔知幾多次

我覺得又無話為唔為對方好嘅
佢個方法係適用於令女5快啲死心囉
就結果嚟睇可能係件好事

不過我都好認同呢樣
好多時喊就好似企咗道德高地咁
所有人都會更加同情喊嗰個
事實上表面上嘅友善同熱情代表唔到啲咩
真正善良嘅人亦唔會標榜自己係好人
呢個係題外話 唔針對節目入面任何一個人

前面都幾同意你 但係我覺得佢哋仲有個共通點就係佢哋x都係唔肯同佢哋正面/有效溝通
雖然唔多唔少一定係因為驚佢哋兩個太大反應 好似源彬聽完智秀話收禮物唔舒服之後就即刻頹咗+喊 但係唔講 佢哋就唔知 會往好嗰面諗 不如快刀斬亂麻
同埋我真係唔明奎民做乜鳩做到咁絕 次次收到海恩揀佢都好似好有負擔之後 難得唔揀佢嗰兩次都要話唔舒服/呷醋
佢究竟想點撚樣

奎敏決絕 冷待海恩其實係合理做法
特別海恩係你對佢溫柔相處對待
佢就會FF你仲對佢有好感 想同佢復合返
情況同彬仔一樣
如果係海恩入嚟頭一兩日
奎敏直接同佢講已經唔係女朋友
肯定唔會有咁多人鬧佢
就係佢一直都唔肯坐低同海恩講清楚

咁係樓上話佢咁做可以令海恩死心同其他人發展
乜由頭喊到落尾就叫可以死心同其他人發展？

見到有人話個問題係冇好好溝通我想指出既都係呢樣野
佢表達佢地冇可能既方式就係冷暴力唔理海恩當海恩透明、係海恩面前搵其他女、威脅海恩要揀娜妍
佢地直到ex room之前都冇好好傾過
就算係ex room 個次都係冇講啲乜

佢都小慘
諗住嚟到有仔溝下
點知無人理佢
一開始彬仔有講佢係英語教育系最靚嘅女仔
系花級數嚟到仲無仔溝
就梗係西

娜妍又係狗
食食下飯派卡俾人
話無ex一定仲鍾意佢