劉仲敬對香港評論整合 (13)

鄭若驊將任清華大學教授 徐英偉主持電視節目及寫專欄
- 分享自 LIHKG 討論區
https://lih.kg/3148252

MOLAMOLA

大波驊家陣日日有得食蟈家既水餃喎

仆街打錯字

中國文化牧師

計落佢係大主教

印度（我估想講孟加拉）無左英國
餓死人先係常態

我覺得唔能夠怪曬落一兩個大中華膠度
錢穆亦唔多支持者
而係香港人如果唔係太多呢種名為wfc、實為大種乞衣心態
錢穆亦無得發圍 甚至多幾個錢穆都唔係問題
我又唔覺得香港人係比錢穆洗腦 錢穆同新亞有咁大影響力
應該話詆毀英國人係香港人本身就樂觀其成 有冇錢穆都一樣

我嘅印象係噉 唔知當時係咪真係噉 d人都死鳩晒冇得訪問：
就係二戰前嘅粵人精英階層，應該普遍比較親英美，諸如伍才周壽臣，而買辦家族出身嗰d就更加tim（如陳廉伯），擺喺後來嘅大中華框架買辦家族就係百分百漢奸英國走狗。佢哋相當擁護英國。
但係社會輿論確係「我哋係中國人」噉
而國民黨出身嘅人 傾向排英、收返香港 如張發奎呢d軍佬

二戰後就仆街laa 中國民族主義變成政治正確 每個人一出世就學識「我哋係中國人」「中國人唔團結就要畀人蝦（日本仔英國佬美國佬...都咁衰）」 仲堅持二戰前買辦路線嗰d人變成稀有動物（如馬文輝）

而錢穆班人 我鳩估佢哋喺中國民族主義高漲呢個無可避免嘅大環境之下 發揮嘅作用都及得上個大環境 。唔能夠話佢哋其實只係社會邊緣 推晒佢哋嘅責任畀大環境。

我噉鳩估係基於
錢穆班人搞出來中大呢zaa書院 畢業學生壟斷咗中小學教育。我最記得作家小思就係錢牟唐等人親自教過嘅學生，喺中學做咗成世老師。

所以我就想研究一樣嘢 去判斷我呢個猜想啱唔啱
有冇人知香港1970s之前嘅中文科 中史科，教學大綱係點？由邊個定？考試試題同標準答案係點？由邊個定？
睇下內容係咪充斥支那膠內容。睇下d負責出卷嘅人有幾多係呢d走難中國文人嘅弟子。

香港
其實國家神話向來就唔可能同前朝和平共存
你姨就講有革命之名同有革命之實嘅分別
大清史觀上唔可能同大順frd番
國民黨唔可能同大清北洋frd番 必然極盡詆毀之能事
相反對肅親王 川島芳子亦依然
共產黨同國民黨亦一樣 亦可見今日國民黨之弱智
60年代廣東話香港人住公屋開始
我就唔覺得廣東話香港人大機會同英治神話和平共存
錢穆充其量係一面旗子 畀中國人(如立場)有得自圓其説
但你口中20年代伍才周壽臣個社會基礎已經消失咗
起碼係公屋上樓受惠民主化同責任政府嗰班人係絕緣
只部份殘存在上層

60年代班公屋上樓嘅香港中國人
自視英治同英國人為他者
係唔可能好似伍才周壽臣咁自視自己係英國人 英國人為自己人
有革命之名無革命之實嘅史觀
今日香港港豬唔會容忍英國人係非他者正正係呢個社會環境

廣東話香港港豬自代入為革命者
革嘅唔單止係中國政權嘅命
仲係英國政權嘅命
呢樣嘢錢穆定李穆都阻止唔到

講錯咗
當然錢穆有助於革唔革中國政權在香港嘅命
但革英國政權在香港嘅命
呢樣港豬自己嘅階級基礎
一早行先過錢穆同新亞

英國人未嚟之前仲多飢荒

佢個種係放啲徒子徒孫出黎靈植自植，佢個一水即係國民黨個水，詆毀英國係國共國耻史觀共同價值

仲堅持二戰前買辦路線嗰d人變成稀有動物（如馬文輝）
唔係因為二戰後d人比新亞中史科教材洗曬腦
而係階級比買辦低嘅人浮曬上嚟
比如教協 白鴿 呢班人嘅階級 喺民主化開始上曬嚟舞台
咁呢班人唔再係伍才、周壽臣相近階級
買辦階級相近嘅咪得番自由黨 故而顯得好似變咗稀有動物咁

相應地可以推論出
如果香港仲係買辦掌權
咁相應嘅史觀應該係近似新加坡統治集團對英治嘅歸美歸功
階級地位差啲嘅話咪國大黨去英國化
階級地位最差咪好似津巴布韋黑人政權反殖咁 指住英女皇嚟鬧

講到呢班南來文人唔南來
香港國民黨就收唔到捐款咁
伍才周壽臣以下嘅廣大無產階級
同南洋其他中國人社區無分別
都係向國民黨日捐夜捐
甚至新加坡由無產階級掌權
結果只係一樣樣
多一個錢穆少一個錢穆區別只在建構中國主義精密度

你姨一早就話
國民黨喺香港、馬來亞收到嘅捐款
比起唔少省份嘅税收仲要多
喺嗰度嘅國民黨影子政府
比英國人承擔更多喺華人當中嘅政府功能
中文教學中文教材由國民黨呢啲嘢根本唔係錢穆落嚟搞新亞先有
而係戰前一直係咁
係伍才周壽臣嗰個年代嘅華人下層社區已經係咁

https://twitter.com/desjacobins/status/1571176106035740673?s=20&t=YPEUgYjO4EECs94_YHz0Xw

準確來講呢 二戰前讀到小學畢業都要有多少家底
黎彼得二戰後出世嘅人 都冇錢讀完小學 要出來做嘢幫補屋企

正如我上邊提到嘅 由廣州一口通商培植咗個買辦階級出來開始 到中日戰爭前 粵人精英階層基本上係兩條路線鬥爭 買辦階級緊貼英美等外商嘅西化路線（陳廉伯呢d番書仔香港做生意嘅親英多d 陳炯明陳濟棠呢d廣東本土出身可能少d 但都明白英國人嘅香港係資金、技術嘅輸入地，同資金、人身嘅保險地） 同妄想逐鹿中國嘅路線（梁啟超孫中山胡漢民呢d搏命爭中國政府主導權） 當然呢兩條路線應該有一樣共同底線嘅 就係廣東政局要由廣東人控制

喺香港 1930s 英國人嘅教育開支並唔高 官校有限 而且應該得中文科而冇中史科 而且以文言文多 白話文少。私校情況應該更加嚴重，因為私校更加近似私塾。
唔只香港 廣東都係噉。我記得之前睇過資料 話當時廣東嘅國語教育偏離南京國民政府教育部嘅指引，用太多文言文，上課唔用國語用粵語（粵語教學呢個現象，喺廣州要到1990s尾先徹底滅亡，喺廣州以外可能係2010s。）

二戰後香港嘅問題我認為就係
買辦階級為代表嘅嗰一派粵人精英 成個階級好似畀人斬咗頭噉（戰後人物 我諗就係得簡悅強張奧偉鄧蓮如鍾士元呢d）
九成以上人口都係變成國民黨餘孽同親共兩派喺香港鬥 兩邊都係大中華膠

而我認為 除咗二戰同內戰影響嘅大環境 造成大中華膠氾濫嘅原因係英國人大幅擴展嘅公立中小學
人人有書讀 人人讀中文科中史科 而英國人又唔care 唔似日本人刻意推皇民化
噉學校梗係淪為國共兩派嘅地盤laa

買辦階級同基層向來係脫節嘅 因為佢哋d人實際上係香蕉人 自細讀番書 等於李光耀
二戰前放任基層自由發展冇大問題 因為矛盾未激化
二戰後公立教育將成個社會納入同一套教育制度 中文教育一嘢覆蓋90%人口 以前私塾先生、華人私校從來未試過噉嘅成功
而且二戰後同二戰前有一個大分別 就係買辦階級背後實質係為數唔少嘅廣東地主、商人階級，佢哋畀共產黨對冧晒。香港嘅華人，戰前實際上係廣東社會嘅延伸，戰後至少80%係原子化嘅難民。

階級方面同意
成個上層同下層都洗咗牌
上層如你所講咁廣東支柱唔再存在
而下層係大量引入大陸難民
紅白瓜分下層以前一路類似廣東咁嘅社會狀態
戰前廣東-香港下層社會形式類近多得多
省港大罷工嗰種無掩雞籠法
中國人一向都認為香港係中國地方 只係由英國管治 其實係貼近實情 唔係宣傳材料
兩地社會構成同運作方式無今日想像咁分別咁大

*廣東-香港兩地社會構成同運作方式無今日想像咁分別咁大

廣東支柱唔再存在導致香港上層好似畀人斬咗頭咁

亂咁估有一個諗法就係既然廣東淪陷
咁香港基於形勢地位 勢必轉為一口通商
咁廣東-香港戰前嘅買辦業務唔要得
上海同國府嘅大量公司資本引入
一時未上到位
咁要整合下先栽培到李嘉誠呢種新型支那-香港買辦出嚟？