我又表達下對呢隻 game感想啦
由一上架開始玩到而家,未落過船,入坑主要都係對 op有愛,玩法唔複雜,卡面 artwork靚,唔玩 pvp 岩哂我呢 d單機撚自娛,抽卡係每個月底最期待最興奮既時刻,最深刻印象係當年3周年喺日本旅行搭緊新幹線抽到限定山治 我亦都係咁上下時間破左處做左輕課金玩家
隻 game由初初只有主線,到雙周,降臨,決戰,再開發競技場,大連戰,大亂鬥,絆決戰,海賊祭,營運係 cap水,但睇得出係有心搞既,食相難唔難睇就見仁見智(我覺得係難睇既) , 上面巴打都有講,呢排活動模式比較單一,骨灰舊角擺足喺度咁多年,什麼白鬍子海賊團/舊草帽系列 etc, 開始覺得抽齊新金卡仲難過抽當期限定,卡池太大了
營運食相難睇有時又難怪會棄坑落船,百貨應百客,我就調節自己心態,見有愛既就課少少當支持下,海賊祭呢 d燒石拼抽卡既模式,我就每日玩3場就算,呢個擺明係課長向,自己想玩想肝排名既就玩,時刻記住而家係我玩 game, 唔係 game玩我