1018 Like
7 Dislike
噴火龍鬚糖
2022-06-25 07:57:33
之前提過,類似賣魚佬日日劏魚有魚腥味咁
病獵長時間接觸病者都有陣味
萬言
2022-06-25 09:02:44
最偉大間諜 竟然俾人發現身份
膠力資源冇限公司
2022-06-25 11:26:59
M: 再鋒利嘅刀...
笑一下
2022-06-25 13:07:25
佢認出M係因為佢知道件事
牧羊記
2022-06-25 20:13:57
咁耐都冇人推
湘B(生死未卜)
2022-06-25 20:22:21
堆
馬神彈出彈入
2022-06-25 20:29:01
神仙B大佬
2022-06-25 22:45:02
推
椒鹽蝦米
2022-06-25 23:01:45
推
夜行傘
2022-06-25 23:33:24
每日一推
夜行傘
2022-06-25 23:33:56
點解M仲未被感染?
馬神彈出彈入
2022-06-26 00:24:48
抗體掛
墨說
2022-06-26 00:38:36
「監事本身都想派人去維修損毀嘅收容單位,但爆炸嗰陣意外釋放咗「宇宙之子」令我哋工人無辦法上去。」
「係隻點嘅特殊病者?」
「病童突變而成,佢嘅腦電波令我哋員工都陷入咗迷茫狀態,好彩嘅係佢位於高樓層徘徊,係唔知幾時會行落嚟。」
如今陽明山莊跟綁上計時炸彈沒分別。
我沉思一陣,開腔續問:「你搞掂好所有血爵未?」
劉吉吹吹口哨,有隻小麻雀從稻草人偶飛到他的草帽上。
「我放咗一籠麻雀去搵血爵,搵唔到嘅都識自己返籠到,我今個星期已經殺咗八隻以上。」
「點都好,搵下依到有咩剩再講。」
我們搜索殘破的林邊屋,看看會否有深藏的秘密給炸出來,沒想到真有一個外形仿古帶鎖的寶箱給劉吉發現。
被發現時鎖頭已因衝擊力而損毀,可以輕鬆摘下來打開箱子,但寶箱裡不是金銀珠寶,而是一封封紫色信件。
單純信件都收得那麼深,足以看見裡頭內容的重要性。
我打開信件仔細閱讀,發現以下內容。
「今天起,何學民教授會以破譯工作的名義被軟禁於書房中,他將無法繼續調查和告發你,你需要的資金都匯入到戶口中,計劃中主要障礙暫時已經清除,可以如順進行。
謹慎起見,記得請把送信員處理掉,不要再像上次一樣。
占妙如上。」
墨說
2022-06-26 00:39:12
「占妙如?」我怔住。
這封信是她寫給屋主的……
何學民教授被軟禁又是什麼一回事?
我轉往屋中那些籠裡被囚禁的傢伙看去,他們生前確實是送信員的打扮,恐怕都被收信者根據占妙如的指示滅口了。
我開始感覺事情並不單純,接續拆信深掘下去。
「身體極限測試準則
有氧訓練,根據年齡調節:
最大心跳率應為:200-210
重量訓練,根據體重調節:
最大肌力應為:150-300公斤
運動強度,根據心肺耐力調節:
最大攝氧量應為:99.1 毫升/公斤/分
測試期間,不接受中止原因:
抽搐
失去知覺
氧不足
嘔吐
肌肉拉傷
暈眩
測試期間,可接受中止原因:
死亡
達標者可接受輸血測試。」
對一般人而言,信上可能只是冷冰冰的數字,但對運動稍為有認知的話,會對所謂的訓練準則感到可怕,因為全是人體難以承受的峰值,好容易會造成心臟停頓問題。
墨說
2022-06-26 00:39:50
劉吉對信件內容沒什麼興趣,他只想處決外頭所有的血爵,防止山莊的事情暴露。
信件看完,屋子搜完,我們都沒有留下來的理由。
劉吉坐椅子上休息,揹著這麼大的稻草人通山跑肯定容易累。
「搞到咁大件事,你哋有冇搵過血爵嘅親人?」
「許監事仲親自探訪過對方,但我哋發現嗰位客人已經死咗。」劉吉說。
「死咗?」
「佢住喺山頂道,係個阿婆,係血爵老婆,我哋發現嗰陣佢斷咗個頭,變咗焦屍,應該係俾人刻意謀殺……」劉吉拿出一根禾草叼著:「落手條友都幾無人性。」
這個死狀不就是我之前上病獵營特訓前,遇見那位詭人老婦?事情變得更加撲朔迷離了……
算了,一件一件解決的話,總能夠水落石出。
我得先整理下現在的線索:
陽明山莊特殊病者收容大廈失效,隨時大量特殊病者湧出。
何學民教授被占妙如理事刻意軟禁,困在機構的書房中。
占妙如理事和林邊屋的主人,正密謀著什麼不人道計劃。
根據嚴重和迫切性來說,陽明山莊無條件先要率先解決的事。
「你哋真係唔打算搵病獵協會幫手?嗰幢大廈唔係你哋處理到嘅程度。」我再問一次。
「唔係我想唔想,係監事想唔想。」劉吉重申。
「一係咁,我秘密幫你哋處理嗰到嘅事。」
「你邊位?」劉吉倒想知道,我何德何能。
「病獵協會第二代會長。」
劉吉怔了會兒,表情沒什麼變化:「你話係就係?」
「我幾年前已經上任,都算係城中熱話嚟……」
「我喺山莊做咗好多年。」
看來劉吉完全跟社會脫節了。
「咁你一個會長出嚟搞咩?」劉吉眼梢向我瞧一瞧,默默地打量:「身邊無下屬保護你,協會已經沒落到咁?」
「只係我唔需要人保護……」
劉吉接受了我的說法,續問:「咁你想點幫山莊?」
「你哋依家最大問題係咪……」
「宇宙之子。」劉吉插口,直接說:「你搞掂到佢,山莊就派到人入去維修。」
「帶路。」
「依家就去?你一個計劃都無。」
「無計劃就係最好嘅計劃。」
劉吉站起挺好腰骨:「你要死我都唔會阻你死,就俾你你試下。」他揹起那稻草人偶,給我帶路回山莊。
「點解叫宇宙之子?」
「嗰個細路鐘意太空宇宙嘢,佢屋企人幫佢佈置到成個單位喺銀河系咁。」
「咁有幾多人中咗招?」
「六個。」
「我睇你對監事都幾尊重,明知事態嘅嚴重性……都仲諗住幫佢隱瞞。」
或許人命對他們而言,根本不值錢。
「有啲事,唔係你表面睇咁簡單。」
「可以為南征戰爭付出嘅人,多少都應該有啲理想同氣度,不屑幫呢啲機構做事先係……」
劉吉不打算回應,視線凝固上山的泥路。
「你幫佢哋賣命,浪費才能去管理收容病者嘅場所,就係為咗幾個臭錢?」我不停以言語刺激劉吉。
「……」
「九年前,大病獵劉吉,當時嘅陷阱教官,可以喺嗰場戰爭生存嘅你,往後應該會有一番作為,但你最後揀咗……」
劉吉停下步伐,大發雷霆:「講夠未!?」
「發火啱啊,病獵係應該有火。」
靈異生物
2022-06-26 00:42:26
有文
湘B(生死未卜)
2022-06-26 00:45:10
湘B(生死未卜)
2022-06-26 00:45:46
好期待之後會點
劫の眼
2022-06-26 01:00:05
推
凡人的智慧
2022-06-26 01:13:23
病獵係應該有火