【病者收容所】《病港II》(53)

1001 回覆
1015 Like 7 Dislike
2022-06-20 13:55:48
2022-06-20 13:58:33
每日一推
2022-06-20 15:05:03
有文就推
2022-06-20 16:41:03
甩咗p即刻正評咗先
2022-06-20 16:49:34
2022-06-20 19:04:53
2022-06-20 19:28:26
每日一推
2022-06-20 19:32:29
「仲咩睇到發呆?諗緊咩。」許美祿碰碰我的手。

「無,只係更加佩服機構賺錢能力,嘰嘰。」

「關生……點解你成日要「嘰嘰」聲咁笑?」

「可能習慣成自然,嘰嘰。」

「但我覺得唔嘰嘰嘅你,先係真正嘅你……」許美祿樣子深疑。

半天時間,我們大致參觀完整座陽明山莊。

許美祿帶我再見監事,一起共享午餐。

「我管理得可以接受嘛?」許監事拿起一塊麵包,塗上不明的野果醬:「有冇要改善嘅地方?」

「搵唔到可以挑剔嘅地方。」我答。

「咁美祿佢有冇好好招待你?」許監事大口吃著果醬麵包,光明磊落地直視著我。

「非常好,為我講解咗大量營作知識。」

「咁就好。」許監事靠住椅背望上天空,欣賞著朵朵白雲和鳥兒:「我一直都想個女飛得更高,特別係機構好重視女性發展,但你都知機構好多人,特別有三個老巫婆把守住個位,令到成個環境得佢哋三個鬥爭,我個女欠缺一個機會。」

我知道許監事的說話有什麼意思,所以我留心地聆聽著。

「你明我意思?關先生。」許監事給我麵包塗上果醬。

「嗯。」

「可能嗰三個老女人,一早已經接觸咗你,話要同你合作……但相信我,美祿佢更值得你去合作。」許監事行到我身後,把果醬麵包放我嘴巴前給餵著:「你兩個都後生,合作嘅機會大把,第日占女士退咗落嚟,美祿都係上場嘅最佳人選,機構老化咗太耐,需要新嘅血液。」
2022-06-20 19:32:39
我開始懷疑許美祿一早問我要否來陽明山莊參觀,是不是早有計劃的事。

被許監事餵著吃東西的我,只得張開嘴巴咬嚼吞嚥。

我斜視瞧向身邊的許美祿,竟發現她亦偷偷瞧著我,露出著詭異的笑容。

看來將軍澳區這塊肥豬肉,每個高層都想要分口「頭啖湯」喝,而決定權好大程度在我手上。

「係呢,萬一遇到突發情況,例如有病者走甩,你哋會點處理?」我引導許監事去第二個話題。

許監事撥撥手,回到自己座位坐下:「我哋有專門小隊去應付。」

「但嗰啲病者可能係客戶嘅親屬,你哋會下殺手?」

「免害到安全就會。」許監事欣然地說。

「咁如果係街上一啲無名嘅病者?」

「無家人認領嘅病者,存在喺世上都無意思。」許監事寬懷一笑,隨意攤一攤手:「當然照殺。」

相比起總部工作的三個女高層,許監事性子明顯要強硬一些。

「劉吉!」倏地,許監事向山莊一位園丁呼喊。

那名為劉吉的園丁,輕托頭上的草帽,像貓頭鷹般扭頭瞧來:「……」其面容約莫五十多歲,披著農民用的蓑衣。

他一臉鬍鬚,有著說不出的滄桑。

「呢位係關生。」許監事給我介紹。

介紹園丁給我是想怎樣?

劉吉伸手向我,我都禮貌性的與之相握。

一握,他眼神有變。

「食過夜粥,關生。」劉吉聲線如同我所想,一把沉實的老頭子聲音。

「山莊嘅植物係你修剪?好養眼。」我莞爾一笑。

「劉吉就係我哋戰鬥特遣隊主管,一位前病獵。」許監事說。

原來許美祿口中那個前大病獵,就是我眼前的劉吉嗎?

簡單介紹完,劉吉又重回自己的位置,繼續修理花草,做著園丁的職務。
2022-06-20 19:32:49
午餐時間差不多完結,許監事又做個總結:

「對於我個女想成為你嘅合作伙伴,關生你應該無意見?你一直都無點出聲。」許監事笑說。

「無,其實可以同美祿小姐合作係最好。」這句話可不假,那三個老女人一個戀後生、一個戀孩童、一個戀老,我實在接觸不來。

「咁就最好,其實都係個互惠互利嘅關係。」許監事站起來,準備離開。

「但係。」我說出兩隻字,讓許監事留步。

「嗯?」許監事瞅來。

「我都有一個條件。」

許監事想了想,輕輕的點個頭:「你講,如果唔係麻煩嘅。」

「我想得到提拔,升更高層。」

「講白啲你意思係?」

「我想成為內部人員,唔係圍住機構嘅娛樂產業轉嚟轉去。」

許監事笑了一笑:「關生,其實你入職一個月都未夠……」

「我知。」

「咁你應該都知,呢種事情好睇年資、能力各方面,話哂接觸到嘅都係機構重要機密同知識產權,你覺得機構會俾一個實習人士去掂?」

「總言之,呢個係我唯一條件。」

「可以講我聽,點解你想要成為內部人員?」許監事感到非常有趣。

我托托眼鏡,代入關先生學者的角色:「我本身就係個病者控,我嚟實習目的一部份程度都係為咗知識交流,唔係學習點樣賺錢,我對賺錢有興趣就唔會創立「病者關注組」,我係要嚟學病者嘅學問。」

許監事深深呼吸,居然來個反省:「有時我哋的確俾錢沖昏頭腦,覺得每個人都鐘意錢,用錢去吸引去行頭……哈哈哈哈哈。」

「……」

「你真係同……」許監事指著我,久久道不出那人名字:「同、同嗰位董事好似。」

「機構嘅董事?」

「係,佢創立病者人道主義機構宗旨,有少少同你相似,唔完全係講錢。」

「咁我送你個女上去同時,你可以送我上去?」我回到重點。

「我就即管試下幫幫手。」
2022-06-20 19:34:40
咁岩live 左
2022-06-20 19:35:50
早文
2022-06-20 19:45:30
早文
2022-06-20 20:27:58
墨b
2022-06-20 21:00:23
早文祝福
2022-06-20 21:30:35
M學者
2022-06-20 23:18:33
開始嚟料
2022-06-20 23:41:15
2022-06-21 00:03:56
2022-06-21 00:36:17
每日一推
2022-06-21 00:43:24
2022-06-21 00:56:22
再推
2022-06-21 01:05:35
2022-06-21 01:15:42
嗰個董事係咪又係啲乜嘢重要角色
2022-06-21 02:57:03
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞