1018 Like
7 Dislike
椒鹽蝦米
2022-06-20 13:55:48
推
大J首席門徒
2022-06-20 13:58:33
每日一推
馬神彈出彈入
2022-06-20 15:05:03
有文就推
兒登愛情專家
2022-06-20 16:41:03
甩咗p即刻正評咗先
夜行傘
2022-06-20 19:28:26
每日一推
墨說
2022-06-20 19:32:29
「仲咩睇到發呆?諗緊咩。」許美祿碰碰我的手。
「無,只係更加佩服機構賺錢能力,嘰嘰。」
「關生……點解你成日要「嘰嘰」聲咁笑?」
「可能習慣成自然,嘰嘰。」
「但我覺得唔嘰嘰嘅你,先係真正嘅你……」許美祿樣子深疑。
半天時間,我們大致參觀完整座陽明山莊。
許美祿帶我再見監事,一起共享午餐。
「我管理得可以接受嘛?」許監事拿起一塊麵包,塗上不明的野果醬:「有冇要改善嘅地方?」
「搵唔到可以挑剔嘅地方。」我答。
「咁美祿佢有冇好好招待你?」許監事大口吃著果醬麵包,光明磊落地直視著我。
「非常好,為我講解咗大量營作知識。」
「咁就好。」許監事靠住椅背望上天空,欣賞著朵朵白雲和鳥兒:「我一直都想個女飛得更高,特別係機構好重視女性發展,但你都知機構好多人,特別有三個老巫婆把守住個位,令到成個環境得佢哋三個鬥爭,我個女欠缺一個機會。」
我知道許監事的說話有什麼意思,所以我留心地聆聽著。
「你明我意思?關先生。」許監事給我麵包塗上果醬。
「嗯。」
「可能嗰三個老女人,一早已經接觸咗你,話要同你合作……但相信我,美祿佢更值得你去合作。」許監事行到我身後,把果醬麵包放我嘴巴前給餵著:「你兩個都後生,合作嘅機會大把,第日占女士退咗落嚟,美祿都係上場嘅最佳人選,機構老化咗太耐,需要新嘅血液。」
墨說
2022-06-20 19:32:39
我開始懷疑許美祿一早問我要否來陽明山莊參觀,是不是早有計劃的事。
被許監事餵著吃東西的我,只得張開嘴巴咬嚼吞嚥。
我斜視瞧向身邊的許美祿,竟發現她亦偷偷瞧著我,露出著詭異的笑容。
看來將軍澳區這塊肥豬肉,每個高層都想要分口「頭啖湯」喝,而決定權好大程度在我手上。
「係呢,萬一遇到突發情況,例如有病者走甩,你哋會點處理?」我引導許監事去第二個話題。
許監事撥撥手,回到自己座位坐下:「我哋有專門小隊去應付。」
「但嗰啲病者可能係客戶嘅親屬,你哋會下殺手?」
「免害到安全就會。」許監事欣然地說。
「咁如果係街上一啲無名嘅病者?」
「無家人認領嘅病者,存在喺世上都無意思。」許監事寬懷一笑,隨意攤一攤手:「當然照殺。」
相比起總部工作的三個女高層,許監事性子明顯要強硬一些。
「劉吉!」倏地,許監事向山莊一位園丁呼喊。
那名為劉吉的園丁,輕托頭上的草帽,像貓頭鷹般扭頭瞧來:「……」其面容約莫五十多歲,披著農民用的蓑衣。
他一臉鬍鬚,有著說不出的滄桑。
「呢位係關生。」許監事給我介紹。
介紹園丁給我是想怎樣?
劉吉伸手向我,我都禮貌性的與之相握。
一握,他眼神有變。
「食過夜粥,關生。」劉吉聲線如同我所想,一把沉實的老頭子聲音。
「山莊嘅植物係你修剪?好養眼。」我莞爾一笑。
「劉吉就係我哋戰鬥特遣隊主管,一位前病獵。」許監事說。
原來許美祿口中那個前大病獵,就是我眼前的劉吉嗎?
簡單介紹完,劉吉又重回自己的位置,繼續修理花草,做著園丁的職務。
墨說
2022-06-20 19:32:49
午餐時間差不多完結,許監事又做個總結:
「對於我個女想成為你嘅合作伙伴,關生你應該無意見?你一直都無點出聲。」許監事笑說。
「無,其實可以同美祿小姐合作係最好。」這句話可不假,那三個老女人一個戀後生、一個戀孩童、一個戀老,我實在接觸不來。
「咁就最好,其實都係個互惠互利嘅關係。」許監事站起來,準備離開。
「但係。」我說出兩隻字,讓許監事留步。
「嗯?」許監事瞅來。
「我都有一個條件。」
許監事想了想,輕輕的點個頭:「你講,如果唔係麻煩嘅。」
「我想得到提拔,升更高層。」
「講白啲你意思係?」
「我想成為內部人員,唔係圍住機構嘅娛樂產業轉嚟轉去。」
許監事笑了一笑:「關生,其實你入職一個月都未夠……」
「我知。」
「咁你應該都知,呢種事情好睇年資、能力各方面,話哂接觸到嘅都係機構重要機密同知識產權,你覺得機構會俾一個實習人士去掂?」
「總言之,呢個係我唯一條件。」
「可以講我聽,點解你想要成為內部人員?」許監事感到非常有趣。
我托托眼鏡,代入關先生學者的角色:「我本身就係個病者控,我嚟實習目的一部份程度都係為咗知識交流,唔係學習點樣賺錢,我對賺錢有興趣就唔會創立「病者關注組」,我係要嚟學病者嘅學問。」
許監事深深呼吸,居然來個反省:「有時我哋的確俾錢沖昏頭腦,覺得每個人都鐘意錢,用錢去吸引去行頭……哈哈哈哈哈。」
「……」
「你真係同……」許監事指著我,久久道不出那人名字:「同、同嗰位董事好似。」
「機構嘅董事?」
「係,佢創立病者人道主義機構宗旨,有少少同你相似,唔完全係講錢。」
「咁我送你個女上去同時,你可以送我上去?」我回到重點。
「我就即管試下幫幫手。」
馬神彈出彈入
2022-06-20 19:34:40
咁岩live 左
正皮王
2022-06-20 19:35:50
早文
兩舊白雲
2022-06-20 19:45:30
早文
墮入羅莽
2022-06-20 20:27:58
墨b
靈異生物
2022-06-20 21:00:23
早文祝福
劫の眼
2022-06-20 21:30:35
M學者
課金玩家謙
2022-06-20 23:18:33
傻豬黎既
2022-06-20 23:41:15
推
人人人
2022-06-21 00:03:56
推
六月起雙飛
2022-06-21 00:36:17
每日一推
黑椒牛丸河
2022-06-21 00:43:24
馬神彈出彈入
2022-06-21 00:56:22
再推
廢柴的雪人
2022-06-21 01:05:35
Poidle世一!
2022-06-21 01:15:42
嗰個董事係咪又係啲乜嘢重要角色
習武保衛地球
2022-06-21 02:57:03