「好。」我一口答應。
「另外你今晚得唔得閒?」許美祿問。
「有咩想幫手?」
「我哋可以一齊去食飯。」
我想了想,點頭答應了。
我們在員工宿舍吃飯,一起點了款較貴的葷菜,配個米飯和饅頭。
「真係新官上任三把火,聽講你搞掂咗好多事。」許美祿夾件豬腸給我。
「都係好簡單嘅事。」只要不是跟學術研究相關,對我來說都很容易。
「再係咁落去,今期最佳員工獎應該係你。」
「最佳員工獎?」
「就係每個月全公司嘅人互相投票,最高票嘅就係最佳員工。」
「當選咗有咩特別?」
「聽講會有內部提拔,之前十樓以下嘅票源,都一直喺喜歡樂小姐三位瓜分,你咁樣介入嚟,應該打破咗呢個平衡嘅局面。」
「但我對娛樂產業始終興趣唔大,病者相關嘅學問,先係我想接觸嘅層面。」
「其實你以前喺病者關注組係做咩?」
「關注下啲病者。」
「喔……咁聽日去到收容所你應該會有啲體會。」
飽餐一頓,我們各自回到宿舍房間去。