【香港人畫的新派漫畫】OKAMASE漫畫專區(2)[內有學術交流]

我見有啲日本漫畫雜誌投稿
係要求人哋寄原稿上去（百合姬好似係）
點解唔接受電腦稿呢？
係咪而家日本好多漫畫家都仲係畫緊手稿
定係有其他原因？

寫係咁寫
可以電腦稿印出黎再寄 （睇番係咪A3）
其本上你如果有信心既話，直接上門同佢真情對話好過
如果你諗住寄光碟/ 電子傳送
你要有心理準備佢有時間先會開黎睇
機會率係哈哈哈果隻

原因我只會口傳，不會留記錄證明話係我講

學到嘢
不過我日文幼稚園級
連譯個短篇百合貼上pixiv都有困難
都係諗吓算

先講一句佢地唔係介意你香港人
不過如果你唔係住在日本
會隱約話你知，你接下來做咩都會好唔方便
就算你覺得而家電腦send圖好方便....
應該話佢好暗示式
我如果要搵你而無辦法去到你本人屋企講既話或者叫你去邊度邊度你無辦法出現之類，當然佢D用詞好多古惑位

講真今時今日，直接上互聯網面對真正讀者好過，比出版社中間隔住根本就......
我無講過野

講個笑話：
一XX：我覺得你應該去芳X社
竹XX：我覺得你應該畫港漫黎
角X： 我想要文字版既
芳XX： 我覺得你應該去少年JUMP
跟住補句，你要畫到好似我地D野咁
跟住攞晒自家D枕頭書出黎比你睇
明解唔明解呀

即係一野有十套完全唔同作品果D
不過唔係友情熱血勝利呢三樣

我明你講乜，我跟開個漫畫家YOUTUBE都有講過
連載雜誌就係編輯長既風格，你畫得幾好都好，同編輯長想要既作品唔同都會連載唔到

開頭我都以為係，後尾同編輯長真情對話就發現，唔係咁樣運作架
世界只有想不到，真相比漫畫更寫實

唔係嗰啲編輯長圈養住幾條友，然後利用佢哋可以吃上一輩子啲仆街野呀？

呢D就梗架啦，
我講當 “一個明明畫到識飛既日本人畫師”
佢都必須西遊到唔比佢連載既真正原因
因為有人叫我唔好公開講，所以你可以隨便想像原因

好奇怪呢，明明生金蛋都唔俾佢連載
背後總有一個令人心暖既故事

Lm 呢個post令人獲益良多

尤其關於頭身比例嗰堆討論
睇完之後對比咗十幾本睇開嘅漫畫
發現當中真係有啲定律
自己再跟住呢啲定律畫一次
同之前畫嘅簡直兩個世界

唔知係咪人老左
我覺得各行各業有潛規矩好正常，就算賽跑比賽單純以實力勝負，我都相信有佢既潛規則
所以人大左對際遇都無咩睇法了

你有得著就太好了，希望你可以順手支持埋香港漫畫

有睇開魔魔
雖然停更好可惜，但喺ig見到作者而家成個人輕鬆晒都係好事嚟嘅

另外都有睇廢柴學園
知道作者喺呢個post
容許我講句啲內容鳩得嚟真係幾好笑
Gchi

其實呢個POST，寫咗OKAMASE，但其實係OMAKASE先岩

開POST條友一定係腦霧，咁都搞得錯

（3）下次改番
餓媽家姐

比個mon post既人話我明明觀察同分析都一流（佢過獎我了）
點解畫唔到一流既野
哭左

同老師一樣睇法
post1都講過類似既野
而且呢種訂閱法有好處
作品會愈儲愈多，當漫畫量夠多就更加容易吸引人

多謝你鍾意我啲鳩漫
我會努力繼續鳩

同埋你都知漫畫供稿唔算好穩定
好彩Penana係自由度大嘅平台
作者流轉更替亦都方便
有新人加入就即上omakase
唔好咁易冧檔

地獄暴徒 16

https://www.penana.com/story/98343/地獄暴徒/issue/17

可摸耳分享下你發現有乜定律，我想學下野

今日進度