【香港人畫的新派漫畫】OKAMASE漫畫專區(2)[內有學術交流]

唔係想雞蛋裡挑骨頭，只係想表達日漫少都會用到網點
而新港漫係無網點，所以同日漫風格唔同
BTW 同巴打（絲打？）討論好舒服

都有幾套有落網點既
好似天國稅同遺書都有網點
不過天國稅唔再畫
可能咁岩我留意果兩套都有網點所以唔覺

BTW, 唔係絲打

https://www.penana.com/story/76270/star-idol/
staridol已經補哂死圖喇

我識得呢個畫師, 我以前DI同佢同科
佢果屆得佢有畫漫畫就知呢行幾濕制, 仲要佢正職係Game Artist
我覺得係受H漫影響太大所以畫到咁肉地
我自己本就唔鐘意佢畫風既

我好少留意少年漫/男性向
女性向既話反而多數都高過7頭身

我DI直頭同佢同年同科添 我A班佢B班
我地呢屆得佢有畫漫畫好多原因
其中一個原因係香港太睇人際關係
唔係個個好似龜頭生世界仔識用把口搵食

無可否認，把口得既話，係邊行都會容易啲搵食

我懷疑我知你係邊個, 因為你果屆無咩男仔
去到分組2D班直頭全女班咁制
我懷疑我講講下你都會知我係邊個
唔該唔好爆我個名
我無畫漫畫係因為我本身畫風偏fine art
畫背景就勁, 畫樣非主流, 勉強算女性向
我自己覺得市場唔大
所以而家主要係做緊Illustratior 偏Fashion果邊

其實女仔既話條路仲好行
佢果屆有女同學畫畫好一般都做到2D Game Artist
一男一女同時In, 個男仔勁好多都唔請請個女仔
佢返工之後, 佢老細仲問佢有無女同學介紹
佢公司可以再請人
而家仲安排佢去台灣公司講佢搞埋移民

仲有佢果屆有個阿Sir俾分偏心偏到出面
有個男仔份功課出面拎埋獎都係B+
全班女同學都係A, A-都無
連肥婆, 唔靚既都係攞A

我都唔係鍾意龜頭生既晝風
而我拎佢出黎講唔係想婊佢
而係佢係近年真係有化表性

我覺得龜頭生晝唔到萌系最大原因係佢個美感育成得唔好
唔講女角眼睛應該要柔和D呢D基本野
龜頭生晝女成日都好強調肌肉同骨骼
如果佢晝D女唔係長頭髮同有波真係同男角無乜分別
但係唔到你唔服佢D作品大賣

唔相認啦，插晝加油啊

但係佢D同學(女同學)
有好幾個畫風同日本人差唔多
例如FYP兩個女仔一組畫繪本果兩個
完全係當年Pixiv會上榜果類style

就係同科所以先唔覺香港人畫風唔日系
而係畫得勁果班都無係呢行發展

10年前既野你仲記得咁清楚
你睇住自爆啊

我覺得你已經知
因為果屆真係無咩男仔
我估你既身份都收窄到兩個人其中一個

咁我真係知你係邊個la
點解當年唔讀既

留名

其實直到早幾年我都覺得當年因為咁無讀係人生遺憾 好似無左青春咁
但呢幾年我覺得，當年無消耗曬熱情，而家仲有畫畫都係一件好事

呢個post學術成份高到，我自己都睇唔明

當年都有個同學因為患病大我地好多先入學
如果想讀返而家讀都唔遲
呢科意外地出路唔錯(當年, 而家全港都無出路)
好多同學而家係viu TV做
反而Graphic Design, Fashion呢類當年既神科而家出路好差
畢業生大部份都搵到設計相關行業(我講女仔), 都叫搵到食

而家睇返佢唔係大好多姐，都係二十頭
十尾同二十頭唔係差太遠
不過唔會讀lu，要報都報日本個邊唔會考慮香港讀
我都仲有同男班長同幾個女仔有聯絡

報驚

你地啲討論技術含量高到我以為自己睇緊學術台
學到野
門外漢完全冇留意過人物畫法喺唔同地方有唔同傾向
仲要講得咁仔細

如果唔係疫情(我無打針)
我本來都報左個Fina Art既Course
Fina Art果邊更加講學歷
個個都意大利, 法國讀到碩士, 博士返黎
同佢地傾計覺得自己好似文盲咁, 剩係識英文

年紀都唔細
繼績係幾行發展, 無返一兩餉國際性既獎項/碩士
感覺好無安全感, 而家就有job接姐
老左無job都可以去學書丫ma
當然而家香港搞到咁仲教唔教書就另計la

加油啊，而家我晝下同人漫晝已經好滿足，無好似後生咁諗住要出名要發達，做到鍾意做既野我已經夠做個開心仔