【香港人畫的新派漫畫】OKAMASE漫畫專區(2)[內有學術交流]

邊吃邊畫解決吧

尺寸裁剪好似可以喺pnn個網上面搞
桌面版

而出左街，畫住係紙度先

睇唔到，睇唔到，我乜都睇唔到

回應返第一點
如果我記憶中無錯，2012年既漫畫大獎銀獎既「大東京玩具箱」（同年金獎係銀之匙）
漫畫內容係講一班人係一間遊戲公司整GAME
當中有一集主角比出資者罵
「乜野遊戲性第一行先呀，時代已經係賣角色架啦，遊戲性高既遊戲賣唔出架啦！」
呢句野已經十幾年前，都真係見證住而家成個ACG界以角色主導左故事發展

正

［進度］太忙，今天油不完

好有心機

講少少個人感言，點解我會咁著重畫風流派，無興趣可以飛左呢個留言
其實讀過美術系同設計系既人都上過「文化」堂
其實好多時某個國家既畫風形成都同文化有關係
好似我之前話日本少年漫主角既眼睛畫法偏向正方左，開始少左鳳眼尖眼同打直既眼球
當然我個陣舉既例子得一個太少，有興趣可以GOOGLE下まんがタイムコミックス同竹書房コミックス呢兩個系列漫畫，佢地出既漫畫都係偏向大眾有各款畫風

日漫少年畫風開始變成正方眼睛，減少左以前既銳利度
好大機會同日本呢十年流行，溫柔既男仔係理想戀愛對象有關
當然要深入探討要做好多研究我都無興趣係呢度講
但係我想帶出既係，個個國家既文化同思想同佢地畫風真係有關係
有好多人連日本都未去過又唔睇日本新聞
其實佢畫出黎既畫，未必真係咁「日系」

當然日唔日系，點為止日系，呢點已經夠D學者做十年研究寫一本書黎講
我唔係話日系最高，日系一定係美既指標
但我實在見到好多自稱日系畫家既人，加入日本流行以外既要素，然後同人講自己畫日系
我自己覺得唔係咁理想⋯⋯

期待見到阿俊既成長
MK POP真係好好睇架

頭先試下用penana手機版諗住開個漫畫果D，入到去連電腦版果個上傳圖檔果行工作列就無，轉左桌面版都無

於是打咩[ img] 網址.jpg[ /img]
俾佢食左http: 之餘，
係顯示唔到圖

有無解救方法（？？

我喺度諗菊巴係咪講緊分類嘅問題

如果漫畫以地域分類
我諗而家主要分日本同歐美兩類
但兩者除咗畫風不同
表達手法同內涵都唔同
呢個的確同當地文化有關

但你問我畫緊嘅漫畫係乜系
我可能都會答日系
因為我真係受日漫影響先會將啲人物畫成咁
始終日漫係現今漫畫其中一個主要流派
但我必然受香港文化影響
畫、表達手法同內涵都唔會完全日本
所以我可能屬於日系漫畫嘅分枝(仿日港系之類？

我估菊巴係唔鍾意啲人over generalize日系
但其實受日系影響嘅畫係明顯睇得出同歐美唔同
只係可能需要更仔細分類

係，呢幾年我喺同人界發覺到一樣嘢
就係喺故事推出前，先出角色設定集

以前都冇諗過可以咁玩
因為我覺得冇人care個角色身高體重生日
而角色性格興趣，故事入面咪睇到囉
洗乜出設成集，除非個故事完咗
讀者又對個角色好有興趣啫

但睇返發覺，而家真係興賣角色
啲人睇得個角色上眼
就有興趣追故
屌我真係過咗時

Upload圖上penana server好似要畀錢
但連link應該冇問題
可能係up圖網問題？

暫時唔得，夜D返屋企電腦再試
thank

黎一齊喪生仔仔囡囡（原創角色）

畫角色係一個主流

而家Vtubet都係賣人設為主

東媽可以賣吓角

東老師就一定係日系演變出黎既畫風
特別係分鏡方式同埋好少效果音
同時我都覺得東老師既畫風算係擺除左好大陣日味有自己個性既畫風黎

點解我成日咁強調要去理解當地既流行同美感
舉個好簡單既例子
日本對美少女既要求係「座高」短，即係上身短
但係係香港好多人對上身長短都無乜所謂，只要腳長同腳既比例長就得
（*腳既比例長同上身短雖然好接近，但其實兩樣野黎）
香港畫師又有幾多個畫囡囡個陣會將條腰畫短D？

我都明白同時都支持，香港要發展出自己既畫風
但係香港畫風由日本畫風演變出黎個陣
唔熟識日本文化既話，就會將畫風入面既美扼殺左
呢一樣我係POST1，2都講過，好多港台畫師演生出自己畫風個時，其實係扼殺左人地既長處擺左個短處落去，變到「四不像」咁

我求其畫完過得自己眼就算
無大菊巴研究得咁深入


條腰係咪要咁短（舊圖）

你就算新畫個D畫腰都唔長啦
我同東老師一樣，覺得你畫D萌系幾好，有軟綿綿既感覺
同埋你本身都畫到咁日本萌系，都無需要將畫風改造啦

我跟番果個角色既年齡大概模擬返幾高
但如果要用數值好準咁寫出黎我都唔知幾多
thank

我都唔識講，不過就算日本每個漫畫家佢自己有佢自已果套比例掛，就算同一個作者筆下唔同角色都未必一樣比例，大大概概啦，邊有blender果D模型人咁準係咪先

我discord群有D blender大佬唔知邊度搵D 3D公仔番黎就開圖層係上面照住畫, 不過同ACG果D人型比例硬係有D唔同，而且某D角度照印會好怪，不過佢地好似覺得無問題就是但