【香港人畫的新派漫畫】OKAMASE漫畫專區(2)[內有學術交流]

Both ok

袁生!!!!你終於畫返
喂我覺得呢期啲鏡頭掂咗好多(有低抄
分鏡、人物動作有內容
唔係淨係用對白講就算
我諗睇開你嘅讀者都會察覺到呢期係唔同啲

呢個POST真係好有愛，個個都係漫畫痴黎
肯為左作品打幾千字，唔係人人做到

拿，講多次，我唔係針對龜頭生
我都唔係為左保育先區分畫風
而係我認為香港要由其他畫風發展出自己既畫風
就要明白點解人地咁畫

我絕對認同筆觸，顏色，五官比例，身體比例，衣著等係會影響到個畫風
但係五頭比係有D特別
日本動漫，特別係美少女（同埋H）遊戲要由呢十幾年大路既六頭身縮做五頭身
點解唔畫做四頭，唔畫做三頭，五頭同六頭又有乜分別
其實係有一套日本美學原因係度既（我都搵緊有無D有說服力既文章黎支持返自己）

而我都深信，好多畫五頭身既畫師係唔知道五頭身有美學支持而誕生
我會搵龜頭生黎講，就係佢筆下既設計違反左呢套美學
呢兩日我打完篇長文，我當然預期到好多人唔接受呢套美學原因
但最少會證明，我係有自己想法先會覺得龜頭生畫得唔好

突顯精靈身材個分鏡，袁生黎講好似算比較稀少

大致睇過D PO，忍唔住開左個AC回覆。
1-其實日漫都有大量作品唔用網點，用唔用只係作者取向或作品風格問題。同功力無直接關係。
2-香港好多作者唔用網點，唔代表無/少人識用，同樣只係個人選擇用或唔用。用左網點係印刷上要顧慮多左野，所以玩同人，自己印書既有時未必會用，而唔係唔識用。
3-畫眼，畫身係日本都有各種畫法，用咁少例子做類比，個人覺得太過片面。
4-某部份句子的確係直接攻擊左龜頭生，例如樓主話過佢D畫成陣柒味。個人覺得都幾唔尊重。
利申:副業係漫畫編劇，做過幾年連載，係港台日都拎過少少獎項。

其實我都好想知
到底畫漫畫畫布應該用幾大尺寸幾多像素、線條幾粗、網點線數幾多濃度幾多、點防止撞網問題、對白用咩字體咩size、用唔用標點符號用唔用粵語字
雖然全部都係好白痴嘅問題，但我一日諗唔通一日都冇辦法專心畫

其實以前粉俠傳都有用過類似分鏡
不過好耐冇用lu

因為完咗格劍dlc
可以集中精神畫番騎魔

可以答你部份問題。
1-SIZE睇你畫完份稿想拎黎做咩。如果想參加比賽，就跟返比賽個規定，自己印就睇下想印咩野SIZE既書。一般都係A5至B4左右，DPI 300-600。(睇不同情況而定，但畫大D係無死既)
2-字體SIZE睇你份稿既SIZE同DPI而定，畫完可以SD去手機睇，手機睇都清楚既話就無問題。
3-字體我通常用微軟正黑體，亦可考慮用其他黑體字款。係會有標點符號既，可以參考各類中文單行本。用唔用粵語字係作者個人取向，用係無問題既。個人就通常用一般書面語，因為方便各個中文地區既人睇，唔駛搞咁多野。

多謝你專登開POST，雖然你話大致睇過，但好明顯你好用心去睇（特別係樓主D廢UP）
1.認同
2.理解，我都有反省自己話人唔識貼係咪極端得濟
3.因為無諗過個POST會咁多人睇，所以好多時講野都盡量簡潔D（始終想個POST推返PENANA漫畫多過學術交流）
眼睛既畫法係角色畫風上最大既分歧，每個人筆下既眼睛都會唔同
特別係插畫界更加係五花八門
要講真係講到成個POST爆都未完
4.請比我同龜頭生係度道歉，我的確有好多過左火位既地方，希望你可以接受我既道歉，影響到你，對唔住

1) 電繪畫布大過剪裁框（成品尺寸）就ok
例如印b5就set剪裁框做b5,畫布a4
但當然要睇返你間印廠布咩要求

2）網點一般黎講用60線應該無死，
個人黎講濃度就60%以下啦
太高就建議直接塗黑

3）防止網花問題一般都係唔好疊唔同線數嘅網
但香港d印廠質素有d參差
有時有網花都未必關你事

線粗唔粗 咩字體就好個人
所以唔俾意見了

我都睇左你篇漫畫，我覺得畫得幾好，我OK鐘意。
我覺得有少少地方可以注意下。
1-妹豬行左出餐廳，俾流氓壁咚個度睇落似跳左格。
2-中段以前，我覺得D文戲都寫得唔錯，個人幾喜歡兩位主角交流自己既價值觀。但如果作為戀愛漫畫，雙方或單方心動個一刻既轉捩點好似比較少。(係有既，只係我覺得可以係畫面或情節上加多少少)。例如靜妍見到妹豬跳舞個度，如果將靜妍既感動直接畫成心動，應該會更好FEEL。另外妹豬強吻靜妍前，如果有一至兩格畫妹豬情感既醖釀，感覺會更好。

點解要分左鏡先草稿，然後先上線呢
其實有原因
分鏡階段唔使畫骨架之類，如果分得唔好唔順暢，你改分鏡需要嘅時間就唔使咁多
如果上左線先改，就會好花時間，骨架要畫過，線要再上過
同埋分鏡要連住睇先知有冇問題，如果覺得唔夠耐力
可以分做一段段分鏡，分到悶就上下字，然後再分鏡

另外，比啲自信，你啲野唔差咖！

仲有冇多啲分享下
例如最好識用咩軟件 作品名應該點改最吸引

分鏡格係咪真係用直線工具畫？有冇更好/正式啲手段？

但怕一直練，有排都出唔到漫畫
個人係講故事〉畫畫
甚至有時覺得畫嘢好麻煩

內容係？有冇線上？

《香港動物》
https://www.penana.com/story/102680/%E9%A6%99%E6%B8%AF%E5%8B%95%E7%89%A9/

估到係唔想練啦
如果係編劇方向，其實都要理解啲畫技相關嘅野
唔係好難同畫師/漫畫家溝通
另外我地暫時冇online班
因為online班好難教畫野教得好，因為冇得即場糾正

而畫框，睇你用咩畫
用csp就可以直接拉框
ps可以用方格

字體一般單行本都用中黑體/正黑體
但特別時候可以用其他，冇咩限制

落網方面
其實以前點解用網點，因為印刷技術問題，做唔到好睇嘅灰
所以用網點黎做視覺上灰嘅感覺
而家黎講，如果怕撞網，我會建議學生落灰
一般讀者，其實唔講唔會覺你印出黎用灰定網點

我觀察到你好像好執著係 6頭身同5頭身呢件事，或者說認為日本潮流改變係向緊低頭身比方向走緊，演變出什麼「5頭身美學」

但美少女 （H畫風），業界近年其實係調轉，比以前畫得更高頭身比，更為寫實的方向走？？？？？

所謂的日式畫風也早已經不是日本專利，近年其實比中韓畫師影響得好勁，甚至有點屌打返轉頭的跡象 （代表作品：原神，白夜極光，碧藍航線，少女前線 等） ，你又觀察下他們的作品越來越多是幾多頭身？

所以我真的不知道你的「5頭身美學」，是個人主觀喜好而出現，還是脫離客觀業界觀察而跳躍到這個結論。
而客觀業界標準就是 follow the money , 畫什麼才有人肯課金，就是非常現實非常實際的商業插畫世界。

手遊插畫上年先討論了好一陣子有一個叫「內捲」的現象

https://game.udn.com/game/amp/story/122090/5581214

都已經有觸碰過部份業界流行畫法的發展
你可以話最初可以只係中國手遊獨有現象，不過再望下近年日本手遊d插圖的進化
也會知道這將會是整體都發生緊的變化，不能獨善其身了

Just my two cents.

根據一個朋友嘅總結
將「日系」解讀成「萌系」就解得通

我呢度講嘅都係「萌系」
再清楚點說就是「二次元美少女商業插圖」

講起follow the money
諗起有一期就係咁，成個日本只有廢萌當道，業界為咗搵呢啲容易錢，動漫作品水平即刻拉低曬