【香港人畫的新派漫畫】OKAMASE漫畫專區(2)[內有學術交流]

又未至於，日本業界的餅其實包容力大得多真係不只是有囡囡

至於點解手遊業界有比較多呢個狀況：
合法有齊黃賭毒元素的，除了手遊之外還有其他的嗎？

另外想請問如果想用灰係咪都要有一個固定嘅灰色盤？
（同樣問題網點，係咪最好固定淨係用幾種）

岩岩訓醒，遲左回，多謝你既回文
其實下面而家有人捕捉到我想法，如果將我既想法轉做萌系會易理解D
但總有點偏差

逐點回應返
1.我都知道近年H GAME係多左寫實畫風，特別係有D會有埋陰毛選擇
但市場都仲係唔少廢萌
2.我都知道艦B、原神既日系畫風打返去日本市場
所以我一直都話日系畫風唔係指日本人畫咁簡單
至於點定義，都唔到我一個人話左係就係
都唔應該濫到係，每個人話自己畫日系就係日系
3.我都認同賣到就代表作品得，但作品得係咪代表畫風真係日系
我話龜頭生畫得唔夠日系唔代表佢唔賣得（好重要，唔想第日佢賣成千萬捉住黎講）
4.我唔係好執著5頭半身，而係萌系既5頭身同萌系6頭身既差異之處係邊，又有幾多人答到我，真係差一個頭咁簡單？

其實大致講得通，都捉到我思路，但我唔係話廢萌世界第一，而係龜頭生畫五頭半身同萌系五頭身之間真係有個差異，我由POST1都一直強調
「點解人地五頭身畫落會睇得高過你五頭半身」
「點解你畫到咁矮」
大家會話因為五頭身係廢萌呀麻
係咪萌系五頭身就一定會睇落高過其他風格五頭半身
我想講唔一定係，廢萌五頭身都可以好矮
廢萌係處理五頭身上面，其實係花左好多心思

我有睇，DOLLY講得幾好
日唔日系真係唔係一個人講左係就係
而我一直想講既係
廢萌5頭身係設計個時，其實係擺左好多心思落去
唔係廢萌就一定會高過龜頭生既MK妹
如果要高，其實畫返以前6頭身就得，無必要畫5頭身
「唔洗花心思係5頭身得黎又點睇落係高」

其實已經好多人大致捉到我想講乜
我都唔出長文解釋咁多啦
相信有認真睇既人都已經知道我想講
「五頭身花左好多心思係睇落令到個角色唔矮」
個重點唔係頭身比問顯
而係低頭身比點樣做得好睇

唔計KIRARA既廢萌四頭系、由15年開始連載既少年漫青之蘆葦
18年既色情遊戲「あなたをオトコににしてあげる」

「恋するココロと魔法のコトバ」
20年既色情遊戲「かけぬけ★青春スパーキング！」
21年CYGAMES既「ウマ娘プリティーダービー」既平面立繪
雖然舉既例子廢萌比較多
但係不難留意呢5套作品都花左好多心思係5頭身睇落唔矮既效果到
當中青之蘆葦不難發現有時做得唔好，主角葦人睇落好矮，不過週刊連載無辨法

因為日本對女性既美定義係「高、腿長、上身短」
一般畫五頭身會睇落好矮
而日系會為左達成上面三點，盡量設計得睇落好高
一黎睇落太矮會變左KIRARA系，二來都違反左傳統「美少女」定義

龜頭生就覺得肉感重要過身高，將身體畫得肉感
就令到MK妹5.5頭身睇落比其他5頭身睇落矮
話萌系當然佢既畫風唔係，但係龜頭生放棄左日本希望女角睇落唔矮呢個思維
就直接令我覺得唔係日系，因為佢違反呢幾十年日本對女性美學既觀念
呢個係一個設計理念上既唔同，唔係單純指龜頭生畫風既問顯

至於話龜頭生畫得柒，係我一時口快失態左，對唔住

我同意啊，每個人想畫既野都唔同，畫風都唔一致
至於係唔係日系、萌系都唔應該係一個人話事
無論係作者定觀眾都係，唔係你話似乜系就乜系，當然都包括我
所以我地都係討論返OMAKASE既漫畫啦

多謝大家既意見分享，好多巴打打埋D字數都隨時過萬字
我無諗過一個圍爐POST會引起到咁大回響
但將來我會少D講關於OMAKASE以外既野
個POST既討論，因為我搞到嚴重離題，唔好意思

簡單D黎講
日系既5頭身係明知會好矮，但佢地會設計粉飾得睇落唔矮
補後既原因，係日本既美學美少女應該「唔矮、身型比例腿長身短」
呢個係一種日本文化黎，當然你可以話呢D美既觀點只係大峽菊9UP
而龜頭生放肉感擺係日本文化之上，所以令到我覺得佢同日系背道而馳左
咁當然，我都無打算話，大峽菊睇法一定係岩，你要認同我
你都可以覺得龜頭生D肉感女好日系，呢個絕對係思想自由黎，唔應該禁止

好學術 係咪有discord 可以參與下

推

多謝

而家睇翻
啲心動位好似畀我skip咗咁
明明可以畫多啲紅都面晒、眼閃閃嗰啲少女位
我浪費咗
而家開始明白
作為一個愛情故，讀者想睇啲乜

得到你哋讚賞同意見我好開心
因為香港畫呢類較為女性向嘅百合
通常係冇人睇
但我真係好鍾意百合
希望⋯多啲人畫百合

知道！

話時話
想趁咁多大佬喺度
想問吓你哋覺得香港漫畫應該走咩路線

以前香港漫畫畀人感覺就係打漫
但如果新派港漫畫其他題材
貼近日漫少少
又會得到一句「我睇日漫唔好？」

純粹讀者角度
香港人畫點樣嘅漫畫會吸引到人睇？

我惗呢個好大部分都係人問題,並非漫畫問題

巴打有冇得講多啲點入行
或者我留個tg 想了解下點入到日本市場做
Tg@ downtobe

希望交流下

如果係用現實做背景嘅作品，刻意加入多啲本地原素先可以令讀者覺得港漫同日漫有分別嘅話
例如滲少少香港獨有嘅時政題材，或者用衣食住行嘅細節展現香港同日本嘅分別
另外，香港嘅街景其實好有特色，畫多啲室外場景有用

如果係幻想類/異世界依啲好難加入本地原素嘅作品
珠玉在前係確實係難啲同日漫競爭

上面套香港動漫 我覺得係加入香港特色嘅例子之一

見你地寫咁多字意為有咩好野睇
點知係成班袁生係度圍爐
得閒寫千字廢文不如改進下自己d畫技

呢個問題我覺得其實都幾複雜
首先回應左「我睇日漫唔好？」
雖然我嘅經驗已經係早幾年
以而家黎講可能唔準確
當年做緊編輯，公司喺書展定動漫展有參展
其中一位作者畫嘅漫畫好日式
有人揭同買
但當話係香港作者，揭緊嘅人就會即刻放低
(後來呢位作者喺日本漫畫比賽係有拎獎)
呢樣有啲sad嘅係，讀者睇唔睇你，好多時同你質素關係唔算好大(當然畫得西，唔好諗住有人睇Pls)

然後果幾年，出左「MK妹」迴響多同賣得好，
咁中間嘅差別係咩？
我覺得係marketing，一樣同創作者好似關係不大，但又關係好大嘅野黎
香港唔似集英社、小學館，有間大公司去做宣傳做跨媒體合作(動畫化、真人化、週邊化），有本雜誌可以比人花少少錢就可以「試閱」
所以要多人睇就要有gimmick，要有宣傳，
咁獨立創作人點算？其實都冇得點算，只可以靠自己用盡方法打響自己個名，令人因為你而睇你嘅作品
於一位創作者而言，可能會覺得有啲sad，原來創作要賣自己，唔係賣作品
某程度上的確係，但呢個就係香港嘅現實
當然，如果作品西，打響嘅只會係臭名，都係行唔到落去，所以做好作品都依然好緊要

上面有巴打提到加本地元素，係其中一個方法，亦好多人做緊，但點突圍呢？
就要好好諗下，唔係打本地就贏硬的

而應該行咩路線，香港大部分日系漫畫家都摸索緊
或者會去左外地發展

香港黎講
與其諗入行，不如做自己，或者參加外地比賽
你睇香港仲有幾多本地漫畫出版