【香港人畫的新派漫畫】OKAMASE漫畫專區(2)[內有學術交流]

OMAKASE漫畫雜誌係PENANA網站搞既網上漫畫連載
只需要比月費58蚊就可以睇曬過去連載過既漫畫
訂閱年費有9折優惠

https://www.penana.com/omakase
如有興趣，可按右上角「開始訂閱」

下面收錄左過去同而家連載中既漫畫連結
因圖片過多，請登入連登會員以便瀏覽


一話完結短篇作品



已完結作品


連載中作品


休載中

本POST駐場漫畫家

smalltung（東老師/東媽），作品：MK POP、廢柴學園、某天再遇這個地方
袁生，作品：神龍剌青、粉俠傳、騎士與魔法師

咁快既你

https://lihkg.com/thread/2994292/page/1

《UBL宇宙當入樽》漫畫家余遠鍠揭露悲慘創作過程！
有訪談

仲有格劍 staridol 格劍dlc

唔列曬全部啦idol star幾好笑

頭先1001我覆唔到

我香港同人係比較留意女性向果邊
一般向同男性向既唔清楚
十年前未有明光之前CW係女性向既天下.
成個場8成-9成都係女性向
講緊Unlight, 黑子果期
女性向既話果陣已經畫風緊貼日本
男性向/一般向當年係CW印象中好似被迫害咁塞埋一邊
以前去過台灣原創Only, 都係女性向既天下
其實我都係畫師十幾年前都畫過Unlight同人
中學修過art, 讀過設計
幾年前做過art科助教, 接過動畫外包, 做緊Desgin
所以你講既果幾點我都好清楚問題所在

教育方面, 其實連日本東京美術學院收生都仲要考素描
除非小學或初中既課程有指定學素描
唔係既話係高中果三年
無素描底既情況下夾硬鬥幾件大作出黎做SBA係完成次序錯晒
同埋SBA係一直都可以交電繪, 我以前中學都有繪圖板教photoshop
老師俾唔俾同埋識唔識教係另一個問題

但係ART科平面野本身已經唔吸引,
最好係版畫,浮雕果D高技術既先高分
因為好似要作品類型多樣性
你係可以修Art但係SBA一幅畫都無畫過
仲有SBA有6份(好似而家改左4份)
首先咁多份工作量對考生好唔公平
每份做作品之外仲要寫論文
同埋又要多樣化, 又陶瓷又紙紮又時裝設計就易高分
根本連教果個老師都未ready
師生一齊未學行先學走
令人一開始已經唔敢修art(未有SBA之前art係神科黎)
仲有改完都唔見有幾實用
設計原理果D亦無咩點教, 剩係背咩野點線面色彩形狀
但點應用果part又唔教
剩係對比色近似色呢D Old School到out左既野
反而好實用既工業繪圖成個科目cut左
搞到有D人讀完Design連三視圖都唔識出

畫風方面
其實睇返歷史, 連舊派港漫都係日系青年漫既畫風演變出黎
13點果D完全係日本凡爾賽宮玫瑰果種style
馬榮成早期既畫風直頭同永井豪既惡魔人有九成似
(絕對唔係舊派港漫既fans, 只係交功課做過research)

至於網點, 其實又係成本及經濟效益既問題
就算電繪落網點都多左一個工序
同埋都有日本漫畫係完全唔用網點而效果好靚例如CLAMP既XXX holic
就我既觀察其實日本漫畫近年都少左用網點
以前手繪既年代反而有幾個落網點落到痴線既
例如Clamp 既X同暗黑破壞神
至於畫眼, 我就好少見香港人畫鳳眼, 唔知你講邊套例子

同埋我覺得用日本最當紅果幾套去同網漫比較好唔公平
據我所知以前港漫紙本既公價係一頁$300, 網漫個價可能仲低
呢樣袁生可能比較清楚
真係比較可能係"懲役300年", "虛空處刑"果類日本網漫

最後既問題都係錢

東媽都話staridol好笑

聽講漫畫收費一頁有五百零蚊

但係動畫外包一卡(台灣係叫一卡)背景都有$300左右(十年前)
我剩係畫過背景, 畫樣既唔知幾錢
仲要構圖線稿人地俾晒你唔使思考有要求既會畫埋一兩張俾你跟
仲要好多格數係重覆果個景
畫得唔快一個鐘都畫到十幾張
而家日元趺到仆街可能差D

多謝你既分享
我自己比較關注同人既年份係2005-2009，2016-而家
中間因為私事同CW同RG過度女性市場而無參加
可能因為大家關注既時期唔同，感覺都唔同

教育方面，我覺得真係無得講
香港注重學科成就同實用性，日本注重學生意願
日本係個國家，大到開到幾間藝術大學，唔講日本，講台灣，都要讀到碩士先多專門ART既專科揀
香港咁細既地方好難專門出到藝術專門既學習
不過聽你分享可以學到而家中學教乜

網點方面，我十年無睇過少女漫畫，但少年同四格漫（不論一般向定廢萌）都係用好多網點

呢套作品叫青之蘆葦 係而家最紅既足球漫畫
你睇下皮膚既陰影同背景，全部都係用網點架
而且留意下主角隻眼，唔單止眼球係直向，成粒眼睛都係偏正方
同以往偏寫實既橫長眼唔同

上面幾張係OMAKASE唔同作品既漫畫
我唔係話日本人畫眼正方先一定係靚一定係標準
但其實太過橫長既眼已經唔係日漫主流（少女漫應該仲有呢類橫長眼）
香港普遍既角色繪畫方式都比較似大陸
偏寫真，高頭身比

同埋而家電繪，唔需要似以登用刮刀慢慢刮網點
香港新派漫畫已經發展緊自己既風格，而且係同日漫唔太相似

話說開POST限4000字，個頭POST用剩91個字咋

同埋XXXHolic唔係無用網點，只係少網點
下圖都係用網點

對比香港作者，除左一班前輩外
新人已經甚少識用網點

呢D點係全部人手點出黎架
同網點紙果種係兩回事
網點唔可以咁樣fit到畫面
上幾代少女漫畫仲有個痴線婆叫内田善美
又係手畫網畫到神級
呢種手法叫カケアミ（kakeami)

關於網點
同人低成本印刷
好多時出唔到網點效果
除非印刷公司好細心幫你調
否則好多時印到一pat嘢

而且將漫畫放上網嘅話
一放大縮小
網點又變成一pat嘢

可能因為呢啲原因
而家已經少咗人玩網點
網點成為精緻嘅玩意

圖2鏡入面既旋轉應該唔係手繪啦掛

上個POST都有巴打分享過，話同人漫畫好難玩網點

我明白你講咩野啦
但唔係日唔日系既問題
係少年向同女性向既問題
女性向既漫畫同想食埋女性市場既少年漫畫
好多都係尖果種眼角

但係港漫最大問題唔係唔日系
係個樣會畫崩, 呢D我叫外包樣
呢D真係時間成本問題

成套得5%網點都無
你唔係計得咁盡呀
不過我覺得都唔係見成網點
CLAMP套套畫風都有特點
好似Clover就每個分鏡都跟平面設計排版果種排位
呢套就係幾乎無用網點
其實出黎效果好簡潔同好有設計感

當然, 新港漫係無做到呢個效果啦
根本樣都畫到崩下崩下
但係都係錢既問題
畫得勁既太多出路, 好少人會去畫漫畫

咁就唔知

Facebook有個接外包既Page
以前好多台灣公司搵外包

冇留意開

如果同返日本既Web 漫畫比較
其實新派港漫畫功又唔係真係咁差
我當大家稿費差唔多

我講得唔清楚，比我補充下
女性向晝尖眼鳳眼好正常
但係其實近年日本既漫晝有個傾向
眼睛傾向正方甚至打直，而身高會係低頭身比

（唔貼太多圖，一張舉例算）
日本利用左「變形」技術 將正常人6-7頭身高晝成4-5頭身高
呢點係少年漫同四格廢萌漫尤奇明顯
日漫既角色已經無咁多以前8-9頭身咁高

香港同台灣都有漫晝家同插晝家跟呢種風格
但好多都抄到四不像咁

呢張係香港美術師，龜頭生野郎老師既遊戲設計圖
佢有根據日本流行既五頭身晝風黎晝
但係佢「變形」做得唔好，睇落又肥又矮
因為佢既身形係根據返現實比例黎晝
水桶腰加腳粗，令到角色睇落好矮
而香港、台灣同大陸好多晝風都係由呢種日本晝風演變出黎
最大分歧係日風會為左美感而擺脫現實
而中港台都係保留現實下晝到盡量靚
兩者既方向係唔同同少年向少女向有分別
眼睛只係大家分歧其中一點唔同
係我既理解係咁樣