多謝個part睇到流眼淚
多謝支持
其實每次有人擺祭有人走都好感人
尤其係出冊既果個
未擺祭前,
我其實覺得,阿勇出返去一定會再掂返黑果邊
你地知架啦,阿sir問既係一套,但自己心入面諗既一定係另外一套
但唔知點解, 聽完佢擺祭既說話
我同阿sir佢地,都會從心去相信佢
相信佢做得到佢既決定
而我之後既日子入面,阿勇都的確無被recall返黎
之後就唔知啦
不過老實講,阿勇真係個仆街黎既
佢蝦人的確有一套
後尾仲不自覺地被佢陰左我一獲
不過呢啲係後話,我就唔劇透住啦
不知不覺,都就黎寫到第五個post
如果唔係你地既反應同追文,我應該第一個post就放棄左寫落去
真係thank you sir 唔該咁多位同學支持
呢個月都算係煩心既一個月
屋企人嘈反左,要搬家,下個星期又開始第一日返工
買家私,出糧比家用,計畫人生, 等等等.......
總覺得,自己既人生依家先真正開始流動緊
感覺到有些責任,係時候自己揹返
但唔知點解我都keep到出文,哈哈
除左因為想回饋你地既支持啦
催催催,催你老母咩催,想打機啊
另一方面,其實我一路寫,都一路感覺到自己打出黎既文,有提醒到自己,比緊力量自己
提醒咁,我有啲承諾,未實現
不過呢啲係劇情之一,我唔講住啦
黎緊返工,時間應該會固定啲 希望啦
更文最快一日,最遲兩日
早睡早死,夜訓的鳥兒有文睇
下一篇,聖誕篇
話說我不自覺又打左咁多字,不如呢篇感想當今日既文啦好唔好?
幫你戒打機咋