[少年監獄] 感受沙咀 Thank you sir Thank you sir

文呢？

壁屋倉入面有粒紅色制㩒左有杯麵食

真係有人㩒

點解唔比英文 班懲教狗自卑 唔識英文？

南亞仔收信寫信可以有英文 阿sir都識睇


為免費事又被你地話係啲緊張位停

我聽日一次過再出多啲

聽日？又玩野？

不過我明白,體能係呢到真係無得避,而且我又的確肥

我諗起今日下午做既覺悟

唉屌屌屌⋯⋯ 做啦做啦

「One Two ! 1 2 3 4 , 2 2 3 4 , 3 2 3 4………...」

「做完一組先好停啊 ! 加油 !」

「One Two ! 1 2 3 4 , 2 2 3 4 , 3 2 3 4………...」

.
.
.
.
.
.
.
不得不說,前弓後箭呢個動作,真係同急跑步無乜分別

我踹著氣,操到身水身汗

終於做完戈sir交代落既額外分量

「啱嫁啦, 我剛剛入黎,一年班既時候都同你差唔多,係無你咁肥,但體能都係好差, 操多啲, 你就進步嫁啦.」
培傑說

「無錯啊, 肯做,我地就唔會搞你, 比心機」
華利沙既口音,讓人覺得好笑,卻又聽得出真摯

「恩..唔該.」
收到人既鼓勵,真係開心同有動力繼續下去既

那麼現在,就只剩下一智繼續比培傑玩打數

話說 其實一組姐係幾多下
姐係成set動作 例如講緊有4個動作
數一到4234就叫一 組??

無知一問

每個動作每一下停頓為一拍

每次打數1234 2234姐係每次做4拍

十次四拍。就為之一組

同sir報嘩頂諗起都覺得巴

入面有無新聞睇？定係資訊封閉，出面社會發生咩事都唔知？

我都想問

我真係想寫曬一個chapter先post 不過你地又....唉

咁出住先咯 呵呵

「致親愛既衡仔......................」
戈sir開始緩緩讀出我個 朋友A 既信

我的心開始七上八落

「衡仔聖誕節，新年快樂呀 !」

「今年既聖誕我同成班基友又係過住LONELY CHRISTMAS 啦!」

屌我唔想知啊 ! 我只知道, 呢到已經要計十板啦!

成個A座開始發笑

一股歡樂恥笑既氣氛開始蘊嚷

阿峰都在戈sir身後竊笑,
就連君實sir都開始期待封信既後文


戈sir繼續讀出:
「雖然有女性朋友, 但係以我既毒撚性格係無可能會主動邀請人地去同我過聖誕,去倒數.說話你阿媽話你無咁早可以回信比我地, 我心諗咁單向式溝通點樣長期書信, 邊有話題啊? 不過, 好彩 朋友B 提我,可以講下自己近排既生活,我先有野可以寫下 等號 逗號 等號 哇哈, 表情符號都用埋出黎」

「Sorry sir …. 」
屌..我諗起，姐係 呢個emoji =,=

寫信唔係whatapp啊 仆街!

「近排我岩岩過完SEM 1, 又考完試, 開始放SEM break, 不過可惜呀, 大家放假既時間都唔一致, 人地考完試係到打LOL既時候, 呵呵 LOL .」

哎..又英文奶野

「我就埋頭溫書, 到我得閒, 其他人就要考試或者開始新既SEM.」

「每次有其他人問你去左邊, 我都話你去左大陸, 其實呢個大話真係搵鬼信 冒號 右括號 , 呵呵」

整個S都開始竊笑, 因為封信既內容開始爆

「其實我真係想知你果到既生活係點嫁, 點知你又唔可以咁早回信, 識到朋友嗎?」

識到你就夠啦屌

「管得好嚴嗎?」

呃..真係幾嚴

「有無特別技能可以學?」

你估我打緊ONLINE GAME 可以學技咩?


「有無工作係令你減到肥 ?」

有啊, 日日都有啊, 你唔好再問啦好無 ! ?


「夜晚可以打J ?」


我屌

成個S立即爆發出讓人噴飯既笑聲, 阿峰已經係後面笑到拍Locker, 而君實sir都笑到唔亭口

戈sir則繼續一副頑皮整蠱笑,笑住繼續講

「未講完嫁 , 仲有嫁, 如果可以的話, 我會寄幾張J圖比你.」

哇我頂你個肺, 你真係有我心

「喂肥仔, 咩野係J圖啊 ?」
戈sir笑住問道

「Sorry sir..」
我點答啊......

然後等大家笑夠,氣氛緩和了一下後, 戈sir繼續讀信

「早排, 我同我啲家姐玩交換禮物, 其實第一次聽到呢個活動真心興奮, 原來我一直都好期待同人地交換禮物同埋係呢方面展現下自己既創意同體貼. 最衰我地成班麻甩佬既世界無呢樣野, 唔係既話我都想大家一齊拆大家既禮物, 一諗到有人可能會送絲襪就覺得好正好有聖誕氣氛.」

我宜家唔慌唔有氣氛啦.

「下年聖誕, 一定要試下玩交換禮物,食飯,唱K直落啊 XD 」

我聽完, 心頭一酸, 下年呢個詞, 我真係覺得好遠

「可惜今年又係少一個人同 朋友C 慶祝生日, 不過你知嫁啦, 有女就唔理兄弟嫁啦, 重色輕友真係我地既座右銘之一, 朋友D 讀書果面又九成都係女仔, 享緊齊人之福. 朋友E果面又好似有女冧佢, 而朋友F呢, 就不嬲都多圈子玩嫁啦, 其實諗諗下, 我同你都算「同是天涯淪落人」, 最多時間陪大家既, 唔係你,就係我, 我地兩個成個閒人咁, HEHE ! 」

「Sorry sir..」
我知道,呢到又衰左唔少野..但信中透露既其他朋友既近況,都讓我開心不少.

戈sir繼續讀
「睇黎經過多災多難既呢一年後, 我諗你既人生閱歷肯定比我多了, 我未試過既野,你都試埋, 哈哈」

可以既話, 呢啲閱歷我真係唔想要啊...

「唔知你有無得係入面睇新聞呢? 今年20XX年真係好戲劇性........」
戈sir之後讀既,都係我既 朋友A話比我聽既近期新聞,當然都衰左唔少係到

「唔知你想唔想知呢, 其實人真係會變嫁, 我地個 朋友Z(公認係廢青既極品), 終於肯出去做野,唔知係唔係食錯藥, 仲話做野之餘, 等九月份再報毅進考警察乜乜乜.......睇住個個都開始有啲目標, 而我地重係到迷茫緊未來條路點行, 都唔知「隨遇而安」呢個宗旨可以玩到幾多年. 」

你都好啊..仲有得諗路點行, 我宜家就真係得返一條死路.

「所以,下年你出返黎後,真係要去多幾次旅行呀,屌你 ,拿肥仔係你個Friend屌你嫁,唔關我事嫁」
戈sir笑道

「Sorry sir..」
仆你個街你真係係封信入面寫屌我? !


「草多幾個臭錢都咁難為你, 我想同你地去旅行就黎等到撚都長埋啦.」

大棚又再次笑到失控

我真係喊出黎.你啲比喻可唔可以唔好咁變態啊?

加速加速

「算啦, 講住咁多先, 唔知有無得拜你山, 但係我地會再寫信比你嫁啦, 加油早啲返出黎啦, 碌撚」

「掛住你既..朋友A」

唉最尾都仲要衰多十板

成個過程, 我抱住好矛盾既心情

一方面我好怕我個朋友A到底會錯幾多野,然後找多數

但另一方面我都好想繼續聽落去, 因為漸漸我開始感受到,
出面真係仲有班兄弟,係到期待,掛住我既回歸

巴打真係收到封信嗰陣係咩心情？

真係碌撚朋友

人生流流長, 你總會認識到一啲ON9，仲會同佢做埋朋友

而呢個朋友A, 就真係我咁多Friend入面最ON9 果個

但呢個，同我做到兄弟

「哈哈..肥仔, 知唔知呢到有幾多板啊?」

「Sorry sir....」
我有啲害怕, 粗略估計都至少100板以上吧

不過好多時候, 環境和氣氛真係會主宰好多野

宜家S充滿左歡樂既氣氛

「拿, 一係叫你個Friend寄多啲J圖入黎, 我就找少啲, 好無?」
戈sir開心笑道

「Sorry sir....」
我今鋪真係被佢累死，但可能氣氛影響，我已經覺得無所謂了哈哈

「哎算啦算啦,念你初犯, 找你五板算啦, 下次寫信返去記住提你個Friend啊 , 呢到唔比英文,粗口同符號乜差乜差嫁,知無?」

「Yes sir !」
哈哈, 居然比我逃過一劫,打數完果五板之後,

「喂阿峰, 收好呢封信佢, 等肥仔出冊既時候先比返佢.」
「Yes sir 」
阿峰應完,將我封信收埋了

這時候,
大棚亦預備結束鬧劇,進入返倉靜坐時段

但我真係好期待再次睇返封信, 不過戈sir又話過,因為封信太過違規,所以我唔收得

屌...但我又真係好想睇返

入了倉,鎖閘

靜坐完,倉內既人當然免不得過來對我恥笑一番.

因為頭先出既醜,的確幾大

無辦法,因為我個Friend寫既內容真係太爆了.

不過, 我真係好想,好想拎返封信

於是我向三年班既培傑問,有無辦法

「下? 你想拎返封信? 戈sir 唔係話唔比咩? 不過你個Friend 真係好撚正, 笑死我地」
培傑笑鳩我道

「所以我咪想再睇返咯...有無辦法再拎返啊 ?」

「呃...你可以試下問啊排版既...你識唔識阿峰啊? 」

阿峰? 我諗左諗
姐係成日企係阿sir身後,幫手寫薄之類,做太監工作既果個?

「唔識啊..但係問佢既話, 佢就會比返信我? 」
我回答

「唔知嫁..但你唔問既, 又點知唔得呢 ?」
培傑雖然無比答案, 但都暗示了答案未必係"唔得"

「哦..好啦...我試試..」

「喂但係你個Friend真係好盞鬼wor, 咁都夠姜寫入黎, 但下次真係唔好啦.」

「哈..我知嫁啦」

「咁等陣開始體能訓練啦.」

「呃!...好啊...」
我勉為其難說

那一晚，係開心興奮既一晚